Hello，大家好，我哋係由韓國人每日提供最新韓國旅行資訊嘅Creatrip。
呢排冬甩喺韓國真係大熱，今日小編想同大家介紹「Randy's Donuts」 ，呢一間起源於美國洛杉磯， 因為東尼·史塔克喺《Iron Man 2》中拍PPL，所以有「鋼鐵人冬甩」之稱。
인사이트
原本Randy's Donuts只可以喺濟州島見到佢嘅蹤影，不過因為太有人氣，後嚟喺弘大、大邱都有分店，今次小編想帶大家去嘅係有韓屋風格，位於安國站嘅Randy's Donuts。
安國「Randy's Donuts」介紹
- 地址：서울 종로구 북촌로 3
- 營業時間：11:00 - 21:00（Last Order 20:30）
Randy's Donuts 就係喺安國站2號出口隔離，一出嚟就會見到有一個超大冬甩，為咗配合安國、景福宮一帶傳統風情，外部仲以韓屋風格去裝修。
安國店平時都要大排長龍，小編揀咗係平日11點左右去，啱啱開鋪冇耐所以人都唔算太多，可以慢慢嘆住嚟食。
入去之前可能大家要注意幾點，呢度係唔可以帶外來食物，而且唔可以帶寵物進入等等。
Randy's Donuts現場有好多特別飲品，就好似係安國Blend（안국 블랜드）、濟州玄武岩鮮奶咖啡（제주 현무암라떼）、月涯海岸梳打（애월 바다 에이드）、森林小逕梳打（숲길 에이드）等，另外呢度仲有限定冬甩「蘋果薯仔」口味添。
如果覺得好味，都可以買幾個拎走，唔同盒裝到嘅量都唔同，最大可以裝到16個。
聽講呢度每日朝早5點就會開始製作，所以大家食到嘅都係新鮮！
大家揀完冬甩之後，就可以去到中間檯叫飲品，而隔離就有餐具，另一邊就係回收區。
因為好好彩可以坐到窗口位、採光好，同呢度氣氛好夾。
雲呢拿鮮奶咖啡（바닐라 라떼）₩5,200
如果只係食冬甩可能會覺得好單調，呢個時候可以叫返杯雲呢拿鮮奶咖啡，撈勻之後會聞到淡淡雲呢拿味，唔會太甜。
楓糖吉拿棒冬甩（메이플 츄러스 도넛）₩3,500
小編本身就好鍾意食吉拿棒，今次嚟到見到有就覺得好神奇，覺得一定要試！濃郁肉桂香氣配上鬆軟冬甩，真係令人忍唔住食完一啖又一啖！
雖然呢度唔算話好大，不過夠闊落，唔會俾人一種好逼嘅感覺。
而一開始入去之前見到嘅大冬甩，好多人嚟到都會打卡，之後大家去嘅話唔好唔記得都要影返幅啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
