同你最夾嘅Kakao Friends角色測試
同你最夾嘅Kakao Friends角色測試！你到底係撒嬌滿分APEACH定係令人值得信賴嘅RYAN呢？
Hello，大家好，我哋係由韓國人每日提供最新韓國旅行資訊嘅Creatrip。
Kakao Friends唔單止多韓國人鍾意，好多外國人嚟到旅行都會買返去當做手信，不過大家又知唔知每一個角色都有自己嘅個性同魅力呢？今日小編想同大家玩一個小測試，睇吓你又同邊位角色最似呢？
喺測試之前，小編會先分兩類，睇吓你屬於邊一Type！
Q：今日終於係假期！你又會喺度做緊咩呢？
1. 等咗咁耐終於到呢一日！我會希望呢一星期想去嘅地方同朋友要去晒！
2. 一星期累積嘅疲勞，想一次過休息，為下星期叉足電。
如果揀1號嘅你係A Type，揀2嘅就係B Type。
A Type 測試
問題一. 今日係同朋友見面嘅日子，大家會點樣準備呢？
a. 無條件要話俾人知我就係主角！比任何人都要著得更華麗去炫耀自己魅力。
b. 最鍾意同另一半著情侶裝，覺得自己係世界上最可愛嘅一對。
c. 唔同季節妝容同穿搭都會有唔同，好多時朋友都會問你啲衫喺邊度買。
d. 鍾意著得舒服又夠潮！有時全黑都幾唔錯！
問題二. 喺約定嘅地點突然有人向你示好，你會點做？
a. 明明尋日交換咗電話，點解今日仲未聯絡我？定係我主動聯絡佢好呢？因為唔想再等！
b. 因為本身已經有另一半，所以會拒絕，就算有再好嘅人出現，都只會望住身邊嘅一個。
c. 你已經feel到佢有所行動，不過佢唔係你鍾意嘅style，你鍾意嘅style可能係型格風？
d. 咩話！你話鍾意我？（之後你就冇再出現喺嗰個地方）
問題三. 喺朋友之中，你係扮演緊一個咩嘅角色？
a. 有你喺度氣氛特別好！就算係識新朋友你都唔會怕羞，會先主動同佢哋傾偈，同任何人都可以好friend！
b. 無論咩事你都好有同感，朋友唔開心你會同佢一齊喊或者一齊嬲，所以好多人都鍾意同你分享佢嘅擔憂。
c. 你可以話係一本活生生百科全書，邊位藝人同邊個拍拖或者分咗手、而家最流行嘅穿搭、化妝、髮型你都知，超鍾意同朋友一齊分享。
d. 你係一位超有義氣嘅人，朋友唔敢講你肯代表出聲，見到有唔公平嘅事，你會幫手。
問題四. 你喺屋企望出窗發吽竇，你係諗緊咩？
a. 突然諗起朋友表情超搞笑，當時應該要影返幅留底，唔知今日要做啲咩先會有趣事發生呢？
b. 今日晚餐煮得幾唔錯，叫朋友一齊嚟食應該幾開心，唔知邊位朋友會得閒呢？
c. 尋日經過見到想買一件衫，完全就係你嘅style，會諗如果今日去仲買唔買到呢？
d. 好寂寞…唔知我嘅另一半會喺邊呢？如果去相睇會覺得好怕羞，點先可以好自然搵到另一半？
問題五. 行行吓偶然見到好朋友嘅背影，你會點做？
a. 喺後面偷偷地「嘩！」一聲嚇佢，已經諗到朋友會嚇親想笑嘅樣。
b. 同平時見到嘅背影有啲唔同，覺得朋友有啲唔妥，帶佢去一間Cafe轉換心情。
c. 嘩…朋友今日嘅髮型超啱我心水！要問佢喺邊度整先得！
d. 可能唔係自己嘅朋友，首先扮唔知經過，睇清楚係嘅話先再打招呼。
B Type測試
問題一. 今日係隔咗好耐先休息嘅日子，平時喺屋企你會做啲咩？
a. 今日點都要瞓到自然醒！任何人都唔可以打擾你！
b. 有啲嘢一直想做今日終於做到，閂埋房門打開電腦或者去實驗室。
c. 休息一陣先做同埋要複習一下，因為只要一到星期一，朋友就會拎你作業去抄。
d. 會同朋友約一齊上網打機。
問題二. 突然有一個意想不到嘅發表交咗俾你，你會點做？
a. 如果唔鍾意就唔好做，趁休息時間10分鐘偷走，之後嘅事之後先諗！
b. 本身已經知少少內容，會問對方要由邊度開始發表？
c. 雖然唔想發表，但都會努力，會口震同腳震。
d. 平時喺多人面前發表一啲都唔驚，所以會努力。
問題三. 同朋友一齊你會有點嘅一面？
a. 朋友如果覺得你太靜，可以搵你傾偈，會有有趣嘅事發生！
b. 你完全係一個父母嘅角色，朋友唔記得帶嘢，你會幫手拎，仲會提佢千祈唔好遲到。
c. 喺朋友心目中你仲係一個小朋友咁，雖然會成日整蠱你，但當你有事佢會挺身而出！
d. 當你朋友遇到麻煩，你好識俾意見，即使係小事佢哋都會諗起你。
問題四. 鬧交緊嘅情況發生，你會點做？
a. 你成日都會激嬲人，不過可以放心，朋友聽日就會唔嬲。
b. 你係一個比較冇關心嘅人，覺得反正唔太理自然就會好。
c. 主要都係你嬲緊，會唔明白朋友點解會咁做，如果朋友一直唔道歉你都唔會原諒佢。
d. 做中間角色，會聽晒兩邊講完之後希望令佢哋和好。
問題五. 今日一瞓醒你諗返起尋日發嘅夢笑住起身，到底會係咩夢？
a. 夢到你食咗一個超大嘅蛋糕，食極都仲有，會諗幾時可以再食到。
b. 夢到你一直嘔心瀝血做嘅實驗終於成功！創造咗一個新生物。
c. 過咗身嘅婆婆喺夢中同你講六合彩Number，為咗唔好忘記要快啲寫低！
d. 你夢到自己去第二個國家，新嘅環境、遇到新嘅人，所有事都對你嚟講好神奇。
測試結果
A Type 如果揀最多a：撒嬌滿分APEACH
測試結果你最鍾意得到人嘅關注，完全就同Apeach一樣！由水蜜桃樹上面逃走出嚟嘅搞鬼小惡魔！可愛嘅表情同迷人嘅動作吸引唔少人，不過因為性格太急，喺愛情方面好少得到成功，你成日都想對朋友整蠱做怪，但朋友都好容易發現。
A Type如果揀最多b：戀愛高手FRODO
測試結果你同睇落好純情而且好細個，但最有錢嘅Frodo最似，就算你邀請好多朋友去你屋企玩，你雙眼只有你鍾意嘅人，即使對方唔易俾個心你，但你都會不斷為佢付出。
A Type揀最多c：冷酷都市女NEO
測試結果你同Neo最似，雖然外表睇落咩都唔驚，但其實心入面好容易受傷。對潮流相當敏感，好捨得洗錢落去shopping，而且有啲自戀。
A Type揀最多d : 秘密要員JAY-G
測試結果係你最似JAY-G，表面睇落好硬正，其實內心好柔弱，有強烈使命感同責任感，就算有錯，你都會保持冷靜嘅一面。有時寂寞起嚟會好羨慕好多情侶，就算有鍾意嘅人，都好難主動行前一步。
B Type揀最多a：超多好奇心MUZI
測試結果你同MUZI最似，你對任何事都有好奇心，不過成日都會搗蛋，同你本身年紀有啲出入，想法多而且天真，因為陽光積極嘅形象令到好多人都鍾意你，但只要一係多人嘅面前，你就會變得好怕羞，不過你算係內向之中最外向嘅一位！
B Type揀最多b：超多秘密嘅CON
測試結果你同CON最似，當只要一忙你就會唔想出街，想全神貫注去工作，雖然你唔想變得可愛，但身邊嘅朋友會不斷讚你，聽落亦都唔會覺得討厭。休息嘅日子只要做吓運動，或者同屋企人過你都會覺得好開心。
B Type揀最多c：內心柔弱TUBE
你嘅性格超細膽同TUBE係最似，好多朋友都好鍾意睇你嘅反應而去整蠱你，不過只要當你一嬲係人都會驚，就算你同朋友成日去玩，成績都係意外地好！
B Type揀最多d：令人值得信賴嘅RYAN
雖然你睇落好似冇咩表情，但內心係最溫暖，同Ryan性格最似。成日都好照顧人，喺學校入面成日做班長或者會長，好多時候都會俾同學包圍，重複嘅日常對你嚟講好無聊，有時多啲出去行吓，話唔定會發現好多新嘅事物。
唔知大家最後係邊一位Kakao Friends嘅角色呢？測完同自己本身性格又似唔似？歡迎留言話俾我哋知！
*大家睇到最後係咪好奇怪冇春植呢？*
因為春植仲細，只係知道佢好鍾意食番薯，仲未好清楚知道佢嘅性格，當佢大咗，小編會更新落去！
如果有更多想知嘅內容，都可以隨時留言或者dm話俾我哋知：）
Instagram：creatrip.hk