Kakao Friends 角色設定
開心大發現！原來韓國國民卡通竟然係有咁嘅設定？每個角色都有自己嘅性格？
Hello，大家好，我哋係由韓國人每日提供最新韓國旅行資訊嘅Creatrip。
有留意開韓國嘅你都一定識Kakaofriends！不過大家又知唔知其實Kakaofriends裡面每一個角色，都唔止係一個卡通人物咁簡單，佢哋全部都有自己獨特嘅設定！
Kakao Friends 角色設定
1. RYAN 라이언
成日因為自己係一隻無毛嘅獅子而感到自卑！雖然因為龐大嘅身型同埋呆滯嘅表情成日俾人誤會，但其實內心比任何人都脆弱，而且有一顆玻璃少女心。
同埋因為尾巴太長就會容易俾人捉住，所以RYAN條尾係短㗎！佢原本係非洲咚咚島嘅王位繼承獅，但因為嚮往自由嘅生活所以離家出走！目前擔任Kakao朋友入面最值得信賴嘅智者！
2. APEACH 어피치
APEACH係一個因為基因特別，所以雌雄同體，由水蜜桃樹上面逃走出嚟嘅搞鬼小惡魔！成日利用佢嘅性感背影誘惑其他人，個性非常之急躁同埋激進！
3. TUBE 튜브
超級細膽又柔弱嘅鴨仔！如果覺得情況極度恐怖嘅話就會變身成為火爆嘅TUBE。對於自己小小嘅腳板感到自卑，所以特登着對大Size嘅鞋。提外話！佢同醜小鴨係遠房親戚嚟㗎！
4. JAY-G 제이지
非常之掛住地下故鄉嘅秘密要員JAY-G。想要藉住密探嘅任務表現出冷靜嘅一面，但實際上係一個傻小子！深入了解咗佢之後會發現佢同外表唔同，佢係一個非常驚孤單同埋容易內心受傷嘅個性，而且佢係Hip Hop歌手JAY-Z嘅忠實fans！
5. MUZI 무지
極大好奇心嘅搗蛋分子MUZI，佢嘅真實身份其實係著住兔仔衫嘅醃蘿蔔！如果除低兔仔衫，就會變成一個非常之怕羞內向嘅醃蘿蔔。
6. CON 콘
MUZI其實係CON嘅寵物，佢嘅偽裝係由呢個身份不明嘅鱷魚CON創造出嚟嘅！而家佢哋想養水蜜桃，所以將目標轉移咗去APEACH身上。
7. NEO 네오
FRODO同NEO喺Kakaofriends官方認證嘅甜蜜情侶！NEO係隻非常自戀又鍾意扮嘢嘅貓，係購物天堂入面嘅時尚指標達人！佢咁自信嘅原因竟然就係因為佢呢一把短短嘅假髮！
8. FRODO 포로도
FRODO雖然係有錢嘅狗，但因為基因係米克斯，所以對於自己係米克斯嘅基因感到非常自卑。
唔知大家睇完之後有冇了解多咗Kakaofriends嘅角色呢？Kakao官方喺設計商品嘅時候都會因應佢哋嘅角色設定，度身打造一啲符合佢哋性格嘅設計㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
