2022年tvN韓劇推薦
2022年tvN超華麗嘅韓劇陣容排住隊播出！小編整理好13部新戲等你之後追！
Hello，大家好，我哋係由韓國人每日提供最新韓國旅行資訊嘅Creatrip。
話咁快呢一年又過，大家都知tnV成日都會出唔少好劇，嚟緊新一年（2022年）大家會唔會好奇有咩新作品呢？今次小編整理咗13套，當中你又會最期待邊套呢？
2022年tvN韓劇推薦
1. Ghost Doctor（고스트 닥터）
- 主演：Rain、Uie、金汎、孫娜恩
- 播放時間：2022年1月3號（逢星期一、二）
即將喺2022年第一套打頭陣嘅tvN新劇就係《Ghost Doctor》，由Rain、金汎、Uie同孫娜恩主演，故事講述兩位個性、出身、資歷完全唔同嘅醫生，因為意外而不慎靈魂結合，死去嘅車英民（Rain飾演）附身喺高勝卓（金汎飾演）身上，到底兩人合體生活會有咩事發生呢？
能力高深但態度傲慢嘅醫生，死後附身喺新手醫生身上，帶領佢開刀、診療，突破一道道醫院裡面跨越生死嘅難關，仲幫助佢成為一名真正醫生，睇到咁嘅劇情介紹，係唔係好吸引人呢？
2. 二十五，二十一（스물다섯 스물하나）
- 主演：金泰梨、南柱赫
- 預計開播日期：2022年2月週末
以1998年韓國為背景，今次請嚟金泰梨同南柱赫合作tvN新劇《二十五，二十一》，目前確定會喺2022年上半年週末播出，呢套講述體育記者同女擊劍選手相遇，用咗好幾年時間去理解青春同人生，後嚟相愛嘅故事。
3. 我們的藍調（우리들의 블루스）
- 主演：李炳憲、申敏兒、金宇彬、韓志旼、車勝元、李姃垠
- 預計開播日期：2022年上半年週末
2022年tvN新劇《我們的藍調》預計會喺上半年播出。如果以tvN公布新劇名單以先後順序嚟講，《我們的藍調》應該會接啱啱提到嘅《二十五，二十一》，劇情圍繞三對情侶身上，講述唔同人生難題。目前確係以李秉憲同申敏兒、金宇彬同韓志旼、車勝元同李姃垠為一對進行。
4. 還魂（환혼）
- 主演：李宰旭、庭沼珉、黃旼炫、Arin、劉俊相、吳娜拉
- 預計開播日期：2022年上半年週末
唔知大家記唔記得之前有一個新聞，已經肯定女主角會由新人演員朴惠恩出現，點知因為被爆出能力不足，要下車嘅新聞，好多網民都覺得呢件事背後原因一啲都唔簡單，目前預計會喺上半年週末播出。
5. Kill Heal（킬힐）
- 主演：金荷娜
- 預計開播日期：2022年上半年平日
講述以電視購物台為背景，三個女人之間嫉妒同爭奪權力嘅欲望所發生戰爭，同時顯現人類本性，相信應該係繼《The Penthouse》之後，會係全新狗血劇。
目前確定出演嘅演員係金荷娜，確定會喺上半年平日播出。其他出演名單有李惠英、金成鈴、鄭義諸等人，都係喺近日新聞曝光。
6. 軍事檢察官都培滿（군검사 도베르만）
- 主演：曹寶兒、安普賢
- 預計開播日期：2022年上半年平日
已經確定會喺2022年上半年同觀眾見面嘅tvN新劇《軍事檢察官都培滿（暫譯）》，講述一個為咗錢，另一個為咗復仇而一齊成為軍事檢察官，兩人為咗打破軍隊內部黑暗、腐朽惡習，互相激勵同成長嘅故事。
7. 朝鮮精神科醫生劉世風（조선정신과 의사 유세풍）
- 主演：未定
- 預計開播日期：2022年上半年平日
《朝鮮精神科醫生劉世風》改編自2016年韓國故事徵集大賽中，獲得優秀獎嘅同名小說，之前韓國網站傳出小道消息，表示將會由金旻載、金香起主演，但目前仲未證實。
劇情講述喺瘋狂世界入面，為咗令患者同身邊嘅人都可以安心嘅心理醫生故事，唔知到最後會由邊個嚟演呢？
8. Big Mouth（빅 마우스）
- 主演：李鍾碩、潤娥
- 預計開播日期：暫定2022年5月
韓國最近好流行「以惡制惡」嘅題材，tvN新劇《Big Mouth（暫譯）》講述三流律師遭陷害入獄之後，同喺外面嘅妻子聯手，試圖一齊洗刷罪名。同時意識到社會險惡嘅佢為咗保護妻子，逐漸黑化，最終成為一個大騙子，橫走喺「惡」之中。
9. 九尾狐傳2（구미호뎐 시즌2）
- 平台：tvN
- 主演：李棟旭、金汎
- 預計開播日期：暫定2022年上半年
《九尾狐傳》第二季確定由原班人馬李棟旭、金汎同部分配角一齊回歸，但第一季出演嘅曹寶兒確定唔會出演。目前《九尾狐傳》第二季時空背景，將會返番去日本殖民時期，預計喺2022年上半年播出，另外官方亦證實《九尾狐傳》將會拍第三季。
10. 柔美的細胞小將2（유미의 세포들 시즌2）
- 主演：金高銀、朴珍榮
- 預計開播日期：暫定2022年上半年
第一季《柔美的細胞小將》雖然收視率不如預期，但討論度仍然相當高，尤其係安普賢喺最後令人心碎嘅結局，令人期待會唔會有第二季。之後有網友捕捉到仲係拍緊，另外第一季份量唔多嘅朴珍榮將會成為第二季主角，小編都幾期待！
11. Island（아일랜드）
- 主演：金南佶、李多熙、車銀優、盛駿
- 預計開播日期：未定
原本有傳出風聲《Island》會有徐睿知出演，不過之後就搵咗李多熙。劇情講述妖怪喺追殺人類嘅時候，唯一可以拯救世人就係有高強力量妖怪獵人。而喺濟州島發生嘅呢一切，究竟會點收尾？同名漫畫已經有結局，好奇嘅朋友可以去睇吓！
12. 小婦人（작은 아씨들）
- 主演：金高銀、南志鉉、魏嘏雋
- 預計開播日期：未定
tvN新劇《小婦人》係由《黑道律師文森佐》導演執導，由三姊妹對抗韓國財閥為劇情目前雖然仲未有第三位女主選角消息，但因為《魷魚遊戲》爆紅嘅魏嘏雋都確定出演，令人更加期待佢喺劇中嘅表現。
13. Link（링크: 먹고 사랑하라, 죽이게）
- 主演：呂珍九、文佳煐
- 預計開播：未定
《Link》確定由呂珍九、文佳煐主演，小編好期待兩人會產生點樣嘅化學效應，不過目前未肯定會幾時播出，小編好想快啲睇到啊！
以上13套係傳出將會喺2022年播出嘅tvN韓劇，唔知大家最期待邊一部呢？歡迎留言分享過俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk