江南髮型屋推薦2026 | 江南韓式剪髮、染/電髮、頭皮SPA邊間最啱你？
想喺首爾江南整韓式髮型？一次睇清江南髮型屋推薦、韓式剪髮、染髮、電髮、頭皮SPA價錢參考，同外國人預約前必睇重點。
- 點解咁多人會揀去江南髮型屋整頭髮？
- 2026江南髮型屋推薦
- 邊間江南髮型屋最啱你？
- 預約江南髮型屋前一定要確認嘅5件事
- 江南髮型屋常見問題FAQ
Hello，大家好，我哋係由韓國人每日提供最新韓國旅行資訊嘅Creatrip。
去首爾旅行想整返個韓式髮型，相信好多人都會先諗到江南髮型屋。江南一帶salon選擇多，由剪髮、染髮、電髮到頭皮護理都有，而且唔少鋪頭對外國旅客都好友善。不過，江南髮型屋多，唔代表隨便揀一間就啱自己。有人重視韓式剪髮效果，有人想做染髮或電髮，有人就更在意頭皮管理、私隱度同溝通語言。
小編喺韓國住咗10年，去過唔少江南髮型屋整頭髮，當中當然有好有壞XD 所以為咗幫大家唔好中伏，整理咗6間小編同身邊朋友都推薦嘅江南髮型屋，亦都有整合埋預約韓國salon前要先睇嘅重點，等你可以按自己想做嘅項目、預算同需要，更快搵到適合自己嘅江南髮型屋。
點解咁多人會揀去江南髮型屋整頭髮？
如果你本身想試一次比較完整、比較有韓國髮型屋感覺嘅體驗，江南通常都會係幾多人優先考慮嘅地區。原因其實好簡單：選擇夠集中，而且分類夠細。
相比起其他旅客經常去嘅地區，江南一帶髮型屋由大眾化、穩陣型，到重視設計感、頭皮管理、私密度或者品牌感嘅店都比較齊。即使你要求比較明確，例如想做霧面染髮、自然層次剪髮、男士韓式電髮，甚至係頭皮管理，都會比較容易搵到對應方向嘅 salon。
江南另一個優勢係交通夠方便。特別係遊客非常講求效率同行程路線夠唔夠方便，如果你想搵近地鐵站、整完頭髮之後仲可以接住食飯、shopping、或者去下一個行程，江南通常都比較容易安排。
2026江南髮型屋推薦
不過因為江南可以話係K-Beauty集中地，所以同一區真係有好多髮型屋。今日小編就按照真實體驗、網上評價、主打項目、優點等等嘅因素，篩選出6間必去江南髮型屋，大家預約之前可以參考！
※以下營業資訊為2026年5月更新版本，實際詳情請參考各髮型屋預約頁面。
1. more on hair江南總店(모어온헤어 본점)
- 地址：서울 강남구 봉은사로 109 3F
- 營業時間：星期三至日 10:00-19:00
- 前往方法：新論峴站（신논현역）3號出口行2分鐘
- 語言服務：韓文、中文(普通話)、英文
Creatrip獨家優惠💈
·體驗後於Creatrip及Google填寫評論，即可享有最高7折優惠
新論峴站行幾步就到嘅「more on hair」江南總店係一間近年非常受韓國女仔歡迎嘅髮型屋，整體行韓系清純、簡約風格，小編成日都會喺IG見到佢哋嘅post！
呢度最出名嘅係電髮同層次剪，而且更加有為唔知整咩髮型好嘅客人提供網上小測試，去到現場仲會俾份問卷你填（有中文同英文版本），幫你搵出最啱你嘅髮型。推薦大家亦都可以帶幾張參考圖片去，咁就可以確保整到你想要嘅髮型。
小編上次去第一個印象就係職員同髮型師都好親切！雖然現場唔係每個人都可以用中文或者英文溝通，但係如果發現你有咩需要，或者想表達啲咩，都會好有耐心咁幫你。
上次去電頭髮嘅時候，髮型師首先幫我修咗髮尾，然後再上藥劑電髮。加上因為我把頭髮又長又重，所以頭頂嘅頭髮會好貼，所以髮型師就推薦我電埋髮根，睇得出佢哋真係會按照每個客人嘅特徵去調整療程。
呢度另外一個優點係每位客人通常都會有2個職員負責，所以成個過程會快好多。吹完頭之後髮型師就會嚟幫你check多次最後成果，仲會教大家點set頭同管理自己把頭髮，最後再搽埋髮尾油就大功告成！
上次去整嘅呢個髮型唔單止可以解決小編頭髮扁塌問題，更加可以修飾臉型，頭髮睇落更豐盈。整完一次之後，小編每次想電頭髮都會返去「more on hair」江南總店，真心推薦！
✏️小編小貼士：more on hair喺江南有4間分店，大家預約同去之前記住確認清楚分店名同地址，以免去錯分店影響體驗！
more on hair江南總店顧客真實評價💬
★★★★★ CC｜ 🇭🇰 香港 ｜ 2026.05.01 強烈推薦！這是我第二次到訪，職員還是一樣非常親切有禮，而且髮型也能剪成我想要的效果！大推他們家的treatment, 做完後頭髮都不會打結了！ |
★★★★★ 郭清怡｜🇹🇼 台灣 ｜ 2023.12.29 今天去剪髮加染髮，設計師真的很細心(*^_^*) |
更多參考圖片&真實評論👇🏻
2. MOSH江南店(모쉬 강남점)
- 地址：서울 강남구 봉은사로6길 34 2F
- 營業時間：11:00-20:00
- 前往方法：新論峴站（신논현역）6號出口行4分鐘
- 語言服務：韓文、英文、日文
Creatrip獨家優惠💈
·填寫包含相片之評論即可享9折優惠（平過韓國人嘅價錢！）
·透過Creatrip預約之客戶可獲秘密小禮物1份
位於江南中心嘅「MOSH」係一間最擅長漂染淺色同Pastel tone髮色嘅髮型屋，染出嚟效果非常通透同輕盈，而且因為只會用L'Oréal Platinum、Shiseido等高級品牌產品，所以就算漂染幾次頭髮仍然可以keep住柔順。
小編上次同一個年輕韓國妹妹一齊去拍攝，第一個感覺係所有職員同髮型師都好nice，而且會見到佢哋同自己嘅客有講有笑，完全唔會尷尬。當時model話睇厭金髮同布甸頭，想染做珊瑚橙色，髮型師就按照佢而家嘅頭髮狀況安排漂髮、染髮同深層護髮療程，可以整到最靚顏色之餘再修護髮絲，漂完都唔會好似枯草咁。
另外一點小編好鍾意嘅係佢哋有為女性客人準備生理用品同香水、化妝品等等，以備不時之需。而且如果係做比較長時間嘅療程，仲會免費提供多士、忌廉湯等餐點，等大家唔洗餓住等，非常貼心！大家可以參考以下影片，睇下當日體驗過程：
✏️小編小貼士：因為漂染需時，所以建議大家最少預留3~4個鐘頭，或者預約朝早時段就唔會影響到之後行程安排；老闆仲有同小編講話好多香港人會另外搵佢哋預約，不過而家透過Creatrip預約會抵啲㗎！
MOSH顧客真實評價💬
★★★★★ Lyra Wico ｜ 🇨🇦 加拿大 ｜ 2026.04.07 我想要一個白蠟木漸變色，他們完全做到了！看到最終效果時，我非常滿意，簡直完美！非常感謝MOSH！ ！ |
★★★★★ User1196181 ｜ 🇹🇼 台灣 ｜ 2026.02.24 染了顏色超美的金棕色 有做到我想要染淺一點的效果 高層次也剪得很好！ |
★★★★★ Kelly ｜ 🇦🇺 澳洲 ｜ 2026.01.05 理髮師們都非常友善，手法輕柔細膩，而且造型技術一流。 |
更多參考圖片&真實評論👇🏻
3. MOCLOCK江南總店(모클락 강남본점)
- 地址：서울 강남구 강남대로 520 2F
- 營業時間：
- 星期一至五 10:30-21:00
- 星期六 10:00-18:00
- 前往方法：論峴站（논현역）3號出口行3分鐘
- 語言服務：韓文、英文
Creatrip獨家優惠💈
·接受當日預約
·透過Creatrip預約顧客可享免費頭皮監測&諮詢服務（原價₩30,000）！
「MOCLOCK」最大特色係佢唔止係一間普通髮型屋，而係一間偏向頭皮管理嘅頭皮SPA專門店。所以如果本身有頭皮出油、角質、敏感或者脫髮困擾嘅話，非常推薦大家嚟呢度做診斷同改善療程（連TOMORROW X TOGETHER嘅Huening Kai同好多海外人氣KOL都有嚟過！）
小編身邊有位朋友一直有頭皮困擾，所以趁佢上次嚟韓國就帶咗佢去「MOCLOCK」江南總店做頭皮診斷。一去到會叫你填一份問卷，入面會問你平時嘅生活模式、點管理頭皮等等，之後專家就會根據呢份表進行諮詢。
然後就去到頭皮檢測環節，專家會用專業儀器幫你睇頭皮狀況，好彩佢話小編朋友頭皮只係因為太乾，所以先會出現甩頭皮問題，可以透過做treatment解決。
✏️小編小貼士：頭皮檢測同諮詢平時去做要成₩30,000（KRW 30,000），透過Creatrip預約就可以免費做到！
呢度其中一個優點係所有療程都會喺私人單人/雙人房進行，所以無論係自己一個去，或者會帶朋友家人一齊去，都唔需要同其他陌生人同房咁尷尬，整體體驗舒服好多。
上次小編朋友做嘅強化頭皮護理療程套餐包括Ozone蒸氣護髮、頭皮刮痧、Aqua Punch水壓頭皮護理、皇牌洗髮、滋潤LED光療等療程，佢話做完之後髮質變好咗，而且冇以前咁容易頭痕同出油！而且因為職員手勢好，全程好舒服療癒。
如果你今次去韓國唔係淨係想換個髮型，而係想順便照顧埋頭皮狀態，推薦大家可以優先考慮「MOCLOCK」江南總店！
MOCLOCK江南總店顧客真實評價💬
★★★★★ Ju ｜ 其他 ｜ 2026.03.13 工作人員非常友善！在諮詢過程中，他們詳細解釋了我的頭皮狀況，並給了我很好的治療方案和術後護理建議。 |
★★★★★AnnaSophia ｜ 🇩🇪 德國 ｜ 2024.05.28 關於我們頭皮的非常有用的信息，即使他們不會說英語，他們也會為您翻譯所有內容。他們在開始時會展示您的頭皮狀況，指出您所遇到的問題，但在治療結束時，他們不會再次檢查頭皮以向您展示之前和之後的情況:( 體驗很放鬆，非常好，但感覺頭髮又短又快，之後感覺很乾淨（你需要自己吹乾，但他們有一個非常好的化妝室） |
更多參考圖片&真實評論👇🏻
4. CHOP Hair江南直營店(CHOP헤어 강남직영점)
- 地址：서울 강남구 강남대로102길 16 2F
- 營業時間：10:30-20:00
- 前往方法：新論峴站（신논현역）6號出口行4分鐘
- 語言服務：韓文、英文
Creatrip獨家優惠💈
·透過Creatrip預約即可享9折優惠
·體驗後於Creatrip網站填寫評論，即可額外多享10%優惠
「CHOP Hair」係一間韓國連鎖髮廊，喺弘大、蠶室等地區都有分店，而江南直營店就特別出名電頭髮。呢度髮型師風格偏向設計感鮮明，適合本身對髮型整體氛圍有要求嘅人。
而且髮型師重視過程中嘅溝通同細節，如果你本身唔知整咩髮型好，都可以去請髮型師幫你設計，透過溝通搵出最啱你嘅形象。「CHOP Hair」另一個加分位係會用到有機品牌AVEDA產品，對頭髮、頭皮同環境負擔都比較少。
✏️小編小貼士：電髮療程最少需要2-3個鐘，建議大家安排後續行程嘅時候時間唔好預到太緊凑！
CHOP Hair江南直營店顧客真實評價💬
★★★★★ aoimisak｜ 🇭🇰 香港 ｜ 2025.03.19 這次找了YuL美女髮型師進行漂髮、染色、和剪髮，所有項目都是分開收費的，效果滿意，用翻譯軟件溝通順利，最後還做了造型 |
★★★★★ carolcheung168｜ 🇭🇰 香港 ｜ 2024.12.19 我只是陪兒子來剪頭髮， 但真是物超所值， 態度非常好， 全方位照顧， 又提供飲品小食，又不會逼你加其他服務 |
更多參考圖片&真實評論👇🏻
5. C.PLOT(씨플롯 맨즈헤어)
- 地址：서울 강남구 테헤란로 130 2F
- 營業時間：
- 星期一至五 10:00-20:00
- 星期六 09:00-14:00
- 前往方法：江南站（강남역）1號出口行5分鐘
- 語言服務：韓文、英文
韓國唔多男士專門理髮店，江南「C.PLOT」係其中一間口碑好、服務夠優質嘅鋪頭！呢度裝修夠現代化同高級，每一個位都睇得出係為客人著想，推薦俾想體驗高級男士理髮服務嘅朋友們！
呢度嘅髮型師會比起一般髮型屋造型師更加瞭解男士髮型需求，無論係髮流、兩側厚度、瀏海比例、紋理感等等嘅細節都會顧及到。
「C.PLOT」風格偏向成熟、紳士風，如果平時會成日著西裝，或者需要一個幹練工整嘅髮型，好多韓國男仔都會去呢間江南髮型屋整頭髮！
✏️小編小貼士：雖然好多江南髮型屋都有提供男士美髮服務，不過相對上冇咁專精；如果想體驗由韓國男士理髮師幫你/男朋友整頭髮，推薦可以優先考慮呢間髮型屋！
C.PLOT顧客真實評價💬
★★★★★ 吳小芳 ｜ 🇹🇼 台灣 ｜ 2026.02.12 店裡裝潢很高級很時尚，美髮師很親切很帥，店裡有好多帥哥美髮師，會用Papago翻譯，給他看了髮型照片，剪完非常滿意，真的很會剪！技術非常好！ |
★★★★★ JIAIRENE ｜ 🇹🇼 台灣 ｜ 2024.08.13 整間店很有特色，給人就是濃濃的紳士感，這次是帶家人到這邊體驗韓國的美髮，選擇了剪跟燙髮，跟設計師溝通時，會給你建議，不會講韓文設計師也會用軟體跟你溝通。 |
更多參考圖片&真實評論👇🏻
6. SCATTER LOUNGE(스카터라운지)
- 地址：서울 강남구 봉은사로38길 4 3F
- 營業時間：
- 星期一至五 10:00-20:00
- 星期六 10:00-19:00
- 前往方法：彦州站（언주역）5號出口行4分鐘
- 語言服務：韓文、中文(普通話)、基本英文
Creatrip獨家優惠💈
·體驗後填寫評論，即可免費獲得3枝指甲油或女士私密清潔液
「SCATTER LOUNGE」使用得到全球專利嘅頭皮護理儀器、溫熱Galvanic微電流技術同含有幹細胞培養液嘅產品，幫助頭皮排毒、促進血液循環、放鬆斜方肌等，為你全方位管理頭皮健康。而自家研發嘅頭皮紋身機器已經喺25個國家被使用，即時覆蓋脫髮部分，瞬間變年輕！
小編朋友上次本身打算去做頭皮SPA，點知發現原來「SCATTER LOUNGE」仲有提供埋護膚醫美療程，所以二話不説即刻預約咗去做諮詢。去到首先會用專業鏡頭幫你分析頭皮同皮膚狀態，之後專家就推薦咗最啱小編朋友而家狀況嘅護膚同頭皮SPA療程。
然後就會入獨立療程室先做護膚療程，之後就一邊敷住面膜，一邊做頭皮去角質、按摩同水療，小編朋友做做下居然瞓著咗！做完之後會再幫你check一次頭皮狀態，大家可以見到小編朋友頭皮角質問題有明顯改善，而且感覺更加清爽唔笠！
✏️小編小貼士：通常頭皮SPA專門店都只會做頭皮SPA或者頭皮護理療程，好少會有埋護膚療程可以一次過做嘅鋪頭，如果你時間比較緊逼，無辦法抽時間做醫美，都推薦大家可以喺度做簡單護膚療程！
SCATTER LOUNGE顧客真實評價💬
★★★★★ miladriessen ｜ 🇳🇱 荷蘭 ｜ 2025.05.27 真的是一次非常愉快的經歷，還有最友善的員工！非常放鬆，我絕對推薦😌。 |
更多參考圖片&真實評論👇🏻
邊間江南髮型屋最啱你？
睇完上面介紹都唔知應該去邊間髮型屋整頭髮好？不如參考埋下面比較表，睇下邊間江南髮型屋最符合你需求啦！
髮型屋 | 特色 | 招牌療程 | 推薦對象 |
提供詳細諮詢、出名電髮、可用中文/英文溝通 | - 剪髮+頭髮造型 | 第一次去韓國 salon、想整韓系自然風髮型 | |
漂染經驗豐富、提供高級護髮療程、可用英文/日文溝通 | - 染髮+護髮療程 | 想漂染淺色或 pastel tone髮色 | |
提供頭皮檢測、韓國明星都會幫襯、可用英文溝通 | - 強化頭皮護理療程 - 脫髮護理療程 | 有頭皮困擾、想做專業頭皮護理 | |
擅長造型感較強嘅韓式髮型、可用英文溝通 | - 韓式剪髮+造型 | 想整設計感強、完成度高髮型 | |
男士專用髮型屋、會更仔細處理頭髮比例同層次等、可用英文溝通 | - 剪髮+諮詢 - 剪髮+電髮 | 想體驗韓國美髮嘅男士 | |
可一次過做頭皮同皮膚護理、提供獨立療程室、可用中文/基本英文溝通 | - 頭皮舒緩療程 - 頭皮&皮膚護理療程套餐 | 想做頭皮SPA兼簡單護膚 |
江南仲有呢幾間髮型屋值得參考👇🏻
預約江南髮型屋前一定要確認嘅5件事
➀ 準備參考相片
如果你想剪出接近自己預期嘅效果，建議一定要準備好參考圖片，當日去到現場俾髮型師睇。尤其係瀏海、層次、髮尾厚薄同染髮色調，單靠文字或者對話未必可以表達清楚，用圖片通常會更容易溝通。
➁ 預留足夠時間
剪髮、染髮、電髮同頭皮護理所需時間可以差好遠。如果你同一日仲有食飯、shopping、影相或者其他行程，預約前最好先問清楚大概要幾耐。
➂ 問清楚有冇附加費用
通常韓國髮型屋都會根據頭髮長度、髮質、有冇漂染過頭髮、髮型師等級、護髮療程等而需要支付附加費用，有機會令最後收費同最初見到嘅價錢唔一樣。
➃ 講清楚而家頭髮同頭皮狀況
之前有冇漂過、染過、電過，頭皮會唔會敏感，平時會唔會出油或者痕癢，呢啲其實都會影響髮型師最後俾你嘅建議。特別係之前有漂過頭髮嘅話可能會影響到電髮效果，如果冇同髮型師講嘅話甚至可能會令頭髮損傷更嚴重。
➄ 唔好太依賴 walk-in
江南好多髮型屋都好容易full，特別係夜晚同weekend時段會有更多人預約，唔會接受walk-in。所以推薦大家如果揀好心儀髮型屋，記住要提早預約，以免出現整唔到頭髮嘅情況。
身在香港，唔知可以靠咩途徑預約江南髮型屋嘅話，推薦大家可以透過Creatrip預約，網站提供繁體中文（廣東話）頁面，亦都可以直接用港幣俾錢，比起Naver或者IG DM更加方便！
江南髮型屋常見問題FAQ
| Q1. 江南髮型屋同弘大、明洞髮型屋有咩分別？
A：整體嚟講，江南髮型屋分類會更細，選擇亦更集中。弘大通常比較年輕、潮流感強，明洞就對旅客嚟講位置方便。如果你更在意造型完成度、諮詢，或者想揀更有明確定位嘅髮型屋，推薦你考慮江南髮型屋。
| Q2. 江南髮型屋會唔會比較貴？
A：普遍有機會比部分其他地區稍為貴少少，但實際都要睇你做咩項目、頭髮長度、需唔需要另外加護髮療程，同埋有冇指定設計師等等。
| Q3. 唔識韓文去江南髮型屋整頭髮會唔會好難溝通？
A：而家好多江南髮型屋都可以用簡單英文（甚至係中文）溝通，好似今日介紹過嘅6間髮型屋都可以用英文溝通，而more on hair甚至有中文服務。不過識講中/英文嘅職員未必每日都在場，但用翻譯機溝通都夠。建議大家可以準備定參考圖片，令溝通更順暢。
| Q4. 想去江南剪頭髮一定要預約？可唔可以即日預約或者walk-in？
A：建議最好預約，特別係染髮、電髮、頭皮管理等需時較長項目，未必可以安排到俾你walk-in。加上江南比較出名嘅髮型屋通常都唔接受walk-in，可唔可以即日預約就要視乎髮型屋規定，不過透過Creatrip就可以即日預約今日介紹過嘅MOCLOCK！
| Q5. 韓國剪髮、染髮、電髮、頭皮SPA通常要幾耐？
A：如果唔計諮詢時間，喺韓國剪髮通常需時30-40分鐘，染髮就需要1-2小時；電髮大約係2-3小時，而頭皮SPA就大約1-1.5小時左右。不過如果你頭髮比較長，或者中途會加護髮療程，就要預更多時間，建議大家後續行程唔要安排得太緊凑。
| Q6. 江南剪髮、染髮、電髮、頭皮SPA大概要幾多錢？
A：根據2026年5月各大江南髮型屋價錢表，江南剪髮、染髮、電髮、頭皮SPA大約收費係：
剪髮 | ₩30,000~40,000 (KRW 30,000~KRW 40,000) |
染髮 | ₩130,000~150,000 (KRW 130,000~KRW 150,000) |
電髮 | ₩200,000~252,000 (KRW 200,000~KRW 252,000) |
頭皮SPA | ₩98,000~120,000 |
不過價錢會根據髮型屋/造型師等級、頭髮長度等而有所不同。
| Q7. 江南髮型屋最受歡迎嘅項目係咩？
A：嚟韓國旅行嘅朋友通常都會去做韓式剪髮、霧感染髮、髮根電髮、男士剪髮/電髮，同埋頭皮護理。
| Q8. 韓式髮型一定要漂髮或者電髮先做到？
A：唔一定。好多韓式髮型其實主要靠剪裁、層次、瀏海設計同整理方法去完成。當然，如果你想要更明顯嘅捲度、蓬鬆感或者髮根支撐，電髮就會有幫助。
江南一直都係首爾美髮熱門地區，唔止係因為salon多，而係選擇夠細、定位夠清楚。你可以搵到偏造型感嘅店、對外國人較友善嘅店、專攻男士髮型嘅店，亦可以搵到真係以頭皮管理為主嘅地方。
如果你今次去韓國整頭髮，記住諗清楚今次最想做咩療程，再根據預算同髮型師風格揀髮型屋會最好。希望今日呢篇文可以幫你揀到真正適合自己嘅 salon！
你可能會有興趣
本文由留韓10年以上、曾多次實際體驗首爾髮型屋嘅Creatrip小編整理，結合在地觀察、實際體驗同外國旅客最常遇到嘅預約、交通、語言溝通等需求，希望幫大家更輕鬆安排行程。
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
