韓國流行男士髮型
要成為型男首先要由髮型入手！一次過話俾你知今年韓國流行啲咩「Oppa髮型」！
Hello，大家好，我哋係由韓國人每日提供最新韓國旅行資訊嘅Creatrip。
今日小編想同大家介紹最近韓國流行嘅男性髮型，如果大家都想自己/男朋友剪返個「韓仔oppa頭」，咁可以參考吓啦！
韓國流行男士髮型
1. Dandy Cut（댄디컷）
Produce 101
呢款髮型喺韓國一直都好受韓仔歡迎，特點係後面短，瀏海長，長到要啱啱好遮到眉毛，又唔會遮到眼。
강남미인
呢種髮型俾人一種可愛嘅感覺，而且仲可以巧妙地遮住太闊嘅額頭，Dandy Cut係一個容易打理嘅造型，唔少男仔都適合！
2. See Through Dandy Cut（시스루 댄디컷）
Instagram：@songkang_b
佢同Dandy Cut有啲唔同嘅係，頭髮會再透薄啲，望落會更加輕，另外好多時都可以露少少額頭，望落去即刻會蓬鬆啲同時尚啲！
3. Regent Cut（리젠트 컷）
BAZAAR
講到Regent Cut，好多韓國人第一時間會諗到宋仲基，呢個造型令佢由一個可愛花美男，即刻變咗一位超有魅力紳士，相當吸睛！
FNC Entertainment
通常呢種髮型都係冇瀏海，露出整個額頭，如果你想試變成熟風，呢款Regent Cut都係一個唔錯嘅選擇。
4. Ive League Cut（아이비리그 컷）
문화뉴스
Ive League Cut同頭先介紹嘅Regent Cut有小小相似，不同之處在於長度比較短，頭髮亦唔似Regent Cut咁會梳向一邊，而係會向上梳，營造一種比較自然嘅感覺。
5. Comma Bangs（쉼표머리）
金秘書為何那樣
Comma Bangs（逗號髮型）係將瀏海捲成逗號形狀，令額頭露出一半頭髮。大家有留意開韓國潮流的話，都應該知道呢個逗號髮型喺韓仔之間好流行，佢俾人一種溫柔得嚟又男性化嘅感覺。
朴寶劍Twitter
想俾人一種事業型男性嘅感覺，試轉呢個髮型就最啱。
6. SWAT Cut（스왓컷）
梨泰院Class
如果大家試吓剪超短髮型，咁呢一款Swat Cut（栗子頭），可以話係一大挑戰！
梨泰院Class
自從朴敘俊喺韓劇《梨泰院Class》以呢個髮型出現之後，曾經一度興起，如果想俾人一種乾淨俐落嘅感覺，可以試吓。
7. AS Perm（애즈펌）
Suspicious Partner
AS perm係用瀏海好自然咁遮住額頭、可以調整髮際線嘅髮型，蓬鬆嘅電髮令瀏海整體上睇落好有活力，俾到人可愛嘅印象。
Respect Entertainment
就算係輕輕咁吹乾個頭就即刻快速變有型，亦都係AS perm嘅優點。喺韓國，唔單止係大學生同上班族，好多男性都會揀set呢種髮型！
8. Shadow Perm（쉐도우펌）
鬼怪－孤單又燦爛的神
Shadow係會將成個頭微微電攣，睇落相當自然，而講到呢個髮型，最多人印象深刻就係李棟旭喺《鬼怪－孤單又燦爛的神》set過。
鬼怪－孤單又燦爛的神
Shadow Perm俾人一種成熟穩重嘅感覺，但缺點係好難set得好，如果唔細心啲去整，頭髮可能會變成雀巢，睇落好亂。
9. Garma Perm（가르마 펌）
鬼怪－孤單又燦爛的神
好多韓國男藝人都有set過呢個髮型，主要係將頭髮以5:5或 2:7比例分開捲，而講到呢個髮型，最多人第一時間諗起嘅就係孔劉。
Soompi
想要自然捲或者大捲取決於個人喜好，呢種髮型俾人一種好有男子氣概嘅感覺，喺韓劇經常會出現嘅經典髮型。
10. Soft Spin Swallow Perm（소프트 스핀스왈로펌）
Instagram：@youngdae0302
呢個髮型係因為金永大喺韓劇《The Penthouse上流戰爭》而變得流行，指嘅頂部頭髮一直向前捲曲嘅髮型。
Instagram：@youngdae0302、 Penthouse
Soft Spin Swallow Perm顧名思義，係更柔軟、更自然嘅感覺。 每個捲髮都分開單獨捲，令頭髮望落去更濃密豐盈。
唔知以上10款韓國流行Oppa髮型，男士們會唔會都想去剪返個呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk