Hello，大家好，我哋係由韓國人每日提供最新韓國旅行資訊嘅Creatrip。
出外旅行，最怕就係突然唔見咗嘢，呢啲事冇人會希望想發生。不過如果喺韓國真係唔好彩唔見咗嘢可以點做呢？今日小編將會為大家逐一講解。
如果喺韓國唔見嘢可以點做？
同失物認領相關嘅韓國社會現象
喺韓國如果唔見嘢，好多時韓國人都唔會拎走或者掂，因為街上好多CCTV，如果拎走可能會俾人誤以為係小偷，所以好多時都係只擺喺原位。
不過亦有好多人可能會拎去附近嘅警察局或者附近嘅失物認領處，所以喺韓國如果唔見嘢，多數一係喺原位、一係就喺警察局或失物認領處。
唔同情況下唔見嘢可以點做？
1. 餐廳、Cafe等公共地方唔見
如果大家係喺餐廳或者Cafe唔見嘅話，可以先冷靜，呢個情況下大家只要返去舖頭問櫃檯就可以。不過如果大家係唔見咗一段時間，可以先向鋪頭打電話，如果仲有keep到，大家可以返去拎。通常喺Naver、Kakao、Google都可以搵到舖頭嘅資料。
2. 喺旅行景點唔見
當你喺博物館、主題公園等地方唔見嘅時候亦都可以放心。因為呢啲地方通常都有完善嘅失物認領處。 如果係喺樂天世界或者愛寶樂園等唔見咗嘢，唔使太過氣餒。因為好多人都會打去失物認領處，之後都係搵得返，同時職員仲會幫大家寄返屋企，郵費就要自己俾。
3. 喺大學唔見嘢
如果大家之後有機會嚟韓國留學，大家都可以以作參考～ 喺大學唔見嘢，見到嘅學生，多數都係會將佢哋拎到指定嘅Office申報或者拎去失物認領處，以方便學生可以打電話去問。
에브리타임 앱
同時韓國大學生好多時都會用呢一個叫做Everytime嘅app，學生之間會喺上面交流，有時唔見嘢，有學生會直接post上網，只要聯絡出post嘅人，之後見面交收亦都得。
4. 喺搭公共交通工具嘅時候唔見
如果搭交通工具嘅時候唔見嘢，佢哋通常都有完善嘅失物認領處，搵得返嘅機會都好高。
1. 地鐵
可以直接去地鐵客務中心，同職員講唔見咗啲咩，幾點上車同落車，喺邊個位唔見（多數月台都會有號碼，大家可以搭車前留意），之後職員就會好快幫大家跟進，如果有職員發現，就會將佢送到客務中心。
1、2號線 | 3、4號線 | 5、8號線 | 6、7號線 | 9號線 | |
失物認領處 | 시청유실물센터 （市廳失物認領中心） | 충무로유실물센터 （忠武路失物認領中心） | 왕십리유실물센터 （往十里失物認領中心） | 태릉유실물센터 （泰陵失物認領中心） | 종합운동장유실물센터 （綜合運動場失物認領中心） |
位置 | 시청역 지하2층 (11號出口方向) | 충무로역 지하1층 (3號出口方向) | 왕십리역 지하1층 (5號出口方向) | 태릉입구역 지하3층 (7號線等候室前) | 종합운동장역 지하1층 (9號出口方向 ) |
電話號碼 | 02-6110-1122 | 02-6110-3344 | 02-6311-6765 | 02-6311-6766 | 02-2656-0930 |
首爾地鐵站總共有5個失物認領中心，大家只要去返搭嘅指定線去問就可以，所有中心開放時間都係平日9:00 - 18:00。
根據首爾交通公司數據顯示，自2019年11月1號起一年時間內，總共發現有113,106件失物 （平均每日大約310件），其中76,903件已經歸返俾失主。
2. 巴士
喺巴士上發現唔見嘢，多數都係車返去巴士廠，有需要嘅話，可以打去問，只要講底係唔見咗咩、車牌號碼、落車嘅站同時間，都可以有效同快一步搵到。
網站使用方法 (首爾地區)
1. 撳버스도착정보（巴士到達情報）
2. 輸入巴士車牌號碼
3. 聯絡信息欄上嘅電話號碼。
4. 如果仲係保管中，只要去拎返就OK。
3. 的士
如果搭的士唔見，大家要記得落車之後拎收據，因為通常都會寫係邊間的士公司、車牌號碼，司機電話號碼等。同樣都係要講底唔見咗咩，喺邊度上車同落車，越詳細越好。
如果係用卡俾錢，可以用智能手機 ARS 服務進行查詢。 的士用嘅卡主要係T-MONEY同 CASHBEE兩種。 如果係T-MONEY可以打1644-1188，如果係CASHBEE可以打1644-1472。不過如果真係唔記得係搭邊款，都可以兩間都打去問一問。
接通ARS查詢，輸入卡號瑪，即可通過短信收到的士公司同司機聯絡方式。
如果係搭Kakao Taxi，可以聯絡客服中心或Call車前有嘅司機聯絡方法，好多時都可以搵得返。
4. 火車
只要打電話去1544-7788，跟住負責人指示，同講返相關資料就可以搵到。
5. 大眾交通失物認領網站
好多時唔見嘢，車廠或者客服中心都會影底之後擺上網，大家可以喺대중교통 통합분실물網站睇吓。
網站使用方法
1. 撳습득물 리스트（失物清單）
2. 揀喺邊度唔見、唔見嘅係咩種類、日期等。
3. 之後撳搜尋睇吓有冇喺個list入面。
4. 如果有，可以直接打電話聯絡再去拎返。
6. LOST112
雖然以上方法都好有效，但講到最好用嘅一定係喺國家警察廳運營嘅 LOST112 網站上搵最方便，喺公共交通工具、公共場所唔見，過咗一星期都冇人拎就會交去警察局保管，就算有啲唔見咗好耐嘅物品，呢個網站都可以搵得到。
網站使用方法
1. 入到網站搵 주인을 찾아요!(搵失物主人) 。
2. 喺唔同類別之中，撳自己唔見咗嘢物品類型。
3. 輸入喺邊度唔見、期間等再撳搜尋。
4. 如果你發現唔見嘅嘢喺網站入面，可以聯絡保管緊嘅警局，確認完之後再去現場拎。
Lost112仲有手機apps，比起用網站，手機仲可以放大圖片，更易睇得清，不過有一個唔好嘅係佢冇得揀日期同類別。
如果喺個List度搵唔到，可以喺분실물을 신고하는 기능網站加入會員再申報，如果發現有類似嘅物品，警局會主動聯絡你，網站有提供韓文、英文、中文、日文服務。
有用嘅表達方法
以下一啲如果唔見嘢嘅時候可能需要用到嘅詞彙/表達方式，希望可以幫到大家。另外比起直接去失物認領處，如果可以先用信息聯絡會比較好，Send嘅時候最好附上失物嘅相，搵到嘅機會亦都會相對大啲。
只要認住以下呢幾個字，都係代表失物認領處：유실물、분실물、습득물、분실물센터、유실물센터、보관 중等。
唔見物品：여권（護照） / 신분증（身份證） / 핸드폰（手機）/ 에어팟 （AirPods）/ 갤럭시 버즈（Galaxy Buds） / 지갑（銀包）/ 가방（手袋） / 카드（卡） / 학생증（學生證） / 쇼핑백（購物袋） / 옷（衫）
對話：
1. 안녕하세요, 00에서 00을/를 잃어버렸어요.
意思：你好，我喺00（邊度）唔見咗00（物品）。
發音：annyeonghaseyo, 00eseo 00eul/leul ilh-eobeolyeoss-eoyo）
2. 안녕하세요, 00시 쯤에 식당을/카페를 방문했는데 물건을 잃어버려서 연락 드렸습니다. 제가 식당/카페에 00을/를 두고 온 것 같은데 혹시 보신적 있으세요?
意思：你好，我喺00시 쯤（幾點）嚟過餐廳（식당）/Cafe（카페）但有嘢唔見咗，所以聯絡你，唔知你有有見到00（唔見嘅物品）呢？
發音：annyeonghaseyo, 00si jjeum-e sigdang-eul/kapeleul bangmunhaessneunde mulgeon-eul ilh-eobeolyeoseo yeonlag deulyeossseubnida. jega sigdang/kapee 00eul/leul dugo on geos gat-eunde hogsi bosinjeog iss-euseyo?）
3. 안녕하세요, 식당/카페에 00을/를 두고 온 것 같은데, 아직 있나요?
意思：你好，我好似留底咗00（唔見嘅物品）喺餐廳（식당）/Cafe（카페），唔知而家仲有冇呢？
發音：annyeonghaseyo, sigdang/kapee 00eul/leul dugo on geos gat-eunde, ajig issnayo?
4. 안녕하세요 기사님, 저는 0월 0일 0시 쯤에 기사님의 버스/택시를 탔던 승객입니다. 제가 버스/택시에 00을/를 두고 내렸는데 혹시 이 물건을 보신적 있으가요?
意思：你好司機，我係0월 0일 0시（幾月幾號幾點）搭過巴士（버스）或的士（택시）嘅乘客，我好似留底咗00（唔見嘅物品），唔知你有有見過呢？
發音：annyeonghaseyo gisanim, jeoneun 0wol 0il 0si jjeum-e gisanim-ui beoseu/taegsileul tassdeon seung-gaeg-ibnida. jega beoseu/taegsie 00eul/leul dugo naelyeossneunde hogsi i mulgeon-eul bosinjeog iss-eugayo?
5. 저는 00시 00분 쯤에 00역에서 내렸습니다. 제가 탄 버스는 00번입니다.
意思：我係 00시 00분 쯤（幾點幾分左右）喺 00역（邊個站）落車，我搭嘅巴士係00號（幾號）。
發音：jeoneun 00si 00bun jjeum-e 00yeog-eseo naelyeossseubnida. jega tan beoseuneun 00beon-ibnida.
6. 저는 00시 00분 쯤에 00역에서 내렸습니다. 지하철은 0호선이고, 지하철 칸 번호는 0-0번입니다.
意思：我係 00시 00분 쯤（幾點幾分左右）喺 00역（邊個站）落車，地鐵0호선（幾號線），月台號碼係 0-0번（幾號）。
發音：jeoneun 00si 00bun jjeum-e 00yeog-eseo naelyeossseubnida. jihacheol-eun 0hoseon-igo, jihacheol kan beonhoneun 0-0beon-ibnida.
7. 물건을 받으려면 언제, 어디로 가야하나요?
意思：如果我想拎返失物，請問幾點同去邊度拎就得呢？
發音：mulgeon-eul bad-eulyeomyeon eonje, eodilo gayahanayo?
8. 물건을 찾아주셔서 감사합니다.
意思：多謝你幫我搵返。
發音：mulgeon-eul chaj-ajusyeoseo gamsahabnida.
喺旅行途中，突然之間唔見野冇人會想，不過如果真係發生呢啲事，都可以試吓以上方法，希望可以幫到大家啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
