韓星最愛嘅即食食品
韓國即食食品款式多，味道好！韓星又鍾意邊款？快啲入嚟跟住買同款即食麵啦！
Hello，大家好，我哋係由韓國人每日提供最新韓國旅行資訊嘅Creatrip。
大家都知韓國有好多款即食嘅食品！價錢平，方便又好味，隨便一間便利店都買到。咁多款即食食品入面，邊款得韓星嘅歡心呢？一齊去睇吓啦！
韓星最愛嘅即食食品
1. SHINee Key - 熱拉麵 (열라면)
價格： ₩720 (一包/約HKD5)
最先介紹嘅係韓國以辣出名嘅熱拉麵。 比起就咁食，加埋嫩豆腐一齊食更加好味。呢個食法喺韓國SNS好紅！ 想知詳細食譜嘅朋友可以撳入以下嘅link！
最近MBC綜藝節目《我獨自生活》SHINee Key同埋同期軍隊朋友一齊去旅行嘅時候，都用熱拉麵加埋嫩豆腐煮俾朋友食。 呢款熱拉麵係韓國人好鍾意嘅辣味即食麵，大家除咗辛拉麵之外，都可以試吓呢款！
2. BTS - Paldo 拌麵
價格：₩1050 (約HKD7)
Paldo拌麵喺1984年開始推出，係韓國拌麵品牌嘅始祖。 將煮熟嘅麵用凍水冷卻，撈上醬汁一齊食。酸酸甜甜又辣嘅醬汁超吸引！ 韓國人仲好鍾意配埋燒肉一齊食。
BTS成員都好鍾意Paldo拌麵。A.R.M.Y應該喺好多節目或者SNS度見過BTS食拌麵嘅樣！ 特別係因為演出要住海外酒店嘅時候，就成日見到佢哋將酒店牛排同拌麵一齊食。 去到國外掛住韓餐嘅話，呢個拌麵就啱啦！
大家如果想試吓BTS鍾意嘅拌麵係咩味嘅話，可以搵我哋代購！千祈唔好唔記得要好似BTS咁連埋肉一齊食啊！
3. NCT 辰樂 - 芝麻拉麵 (참깨라면)
價格：₩1200 (約HKD8.5)
芝麻拉麵係韓國非常有人氣嘅即食麵之一。 唔只有湯包同調味粉，仲有蛋同香辣嘅麻油，口感非常豐富！ 因為湯底好香芝麻味，所以韓國人食完芝麻拉麵都會將飯倒入湯度，當湯飯咁食，真係超好味！
鍾意呢款即食麵嘅韓星之一就係NCT 辰樂。佢每次喺節目度有食拉麵嘅機會，都會揀芝麻拉麵。 香噴噴嘅雞蛋、超香濃嘅芝麻味，大家一定要試吓！ 記得要配埋飯啊！😆
4. MAMAMOO 華莎 - 一口串串 (한입에 꼬치다)
價格：₩2000(約HKD14)
韓國便利店有賣好多款香腸。插喺長木條上嘅香腸種類叫做熱狗腸(핫바)。 買真空包裝嘅熱狗腸之後，用便利店嘅微波爐加熱就可以食到熱辣辣又好味嘅嘅香腸。 其中一款係「一口串串」，係用焗爐焗成嘅，肉汁非常豐富。
呢款熱狗腸咁出名嘅原因係MAMAMOO華莎出演韓綜《我獨自生活》嘅時間食過，佢去漢江時，邊食即食麵，邊食熱狗腸。即食麵，配上充滿肉汁嘅熱狗腸，真係超完美。
5. TXT 秀彬 - 卡邦尼火雞炒麵 (까르보 불닭볶음면)
價格：₩1500(約HKD10.5)
相信大家對黑色嘅辣火雞炒麵好有印象，呢款粉紅色嘅係卡邦尼味。因為加左芝士、煙肉，中和咗個辣味，令本身食唔到黑色原味火雞炒麵嘅人都可以接受，超受歡迎。起初只係當event咁限量上市，但上市一個月就賣出1100萬個，所以之後就正式上市，係一款超高人氣嘅即食麵！
TXT成員秀彬同其他成員一齊喺V LIVE做直播時，就食咗呢個 卡邦尼火雞炒麵，仲食得好滋味！平時鍾意芝士嘅話，一定都會鍾意呢款即食麵。
6. OH MY GIRL Mimi - 青陽辣椒炸醬麵 (불타는 고추짜장)
價格：₩1600(約HKD11)
韓國有好多款嘅炸醬即食麵。 其中呢款噴火辣椒炸醬麵，睇個名就知佢有幾辣。 加咗乾青陽辣椒片同辣椒籽油，可以感受到韓國辣味炸醬即食麵！麵偏薄身，可以真正感受到調食料嘅味道。
OH MY GIRL嘅Mimi喺自己嘅YouTube頻道上就挑戰咗食呢款噴火辣椒炸醬麵。 Mimi平時唔係好食辣，但係呢個辣炸醬麵雖然辣，但好有中毒性，所以Mimi食清光。 小編都親身試過，本身都唔係好食得辣，呢個麵真係好辣，但好減壓。 如果想挑戰嘅話，推薦大家試呢款噴火辣椒炸醬麵。
7. DRIPPIN 俊昊、敏緒 - 蕃薯年糕串 (고구마 찰떡꼬치)
價格：₩2800 (約HKD19.5)
韓國便利店即食食品入面有唔少好味又高質嘅甜品。 口痕嘅時候，又唔想去cafe，就可以去附近便利店買甜品食。 呢個蕃薯年糕串係上年冬天上市，人氣超高。
DRIPPIN 嘅俊昊同敏緒知道呢個蕃薯年糕串好紅之後，喺V LIVE直播時都食咗呢款甜品。軟腍腍嘅年糕，包住甜甜嘅蕃薯mousse，平時鍾意蕃薯味嘅朋友可以試吓！
8. AOA 雪炫 - 炸醬麵
價格：₩650(約HKD4.5)
雖然市面上推出咗各式各樣嘅炸醬拉麵，但冇一款可以贏過佢，所以呢款炸醬意麵可以話係韓國嘅國民炸醬即食麵。
AOA雪炫都曾經喺一個節目度公開過食炸醬麵嘅樣。放工之後返到宿舍，大手煮咗2包炸醬麵嚟食，立即成為話題。 見到佢食得滋味，吸引到廣告商搵佢代言添！ 如果大家想試吓韓國炸醬即食麵嘅話，一定要嘗試一下呢款國民炸醬意麵！ 包你唔會後悔！
9. ASTRO 文彬 - 真拉麵 (唔辣)
價格：₩850 (約HKD6)
藍色嘅真拉麵係韓國即食麵中首屈一指嘅唔辣即食麵。 以史高維爾辣度單位（Scoville Heat Unit，簡稱SHU）測試辣味指數，辣火雞炒麵係4400SHU，而藍色真拉麵只有640SHU。 整體上清淡帶少少鹹，啱晒唔鍾意食辣嘅人。
ASTRO文彬都係呢款藍色真拉麵嘅fans。 平時超鍾意食即食麵嘅文彬讚呢款麵味道好香，湯底好清！ 怕辣嘅朋友，可以試吓呢款藍色嘅真拉麵！
以上就係K-pop偶像本身鍾意食嘅即食食品！ 小編寫寫吓都流晒口水🤤 如果大家都想跟住佢哋食同款即食食品嘅話，可以撳入以下link，搵我哋代購！
如果有更多想知嘅內容，都可以隨時留言或者dm話俾我哋知：）
Instagram：creatrip.hk