logo

韓國SNS最紅食譜

喺屋企都可以輕鬆煮得到！韓國最紅食譜Best 8

Jihyun Lee
4 years ago

Hello，大家好，我哋係由韓國人每日提供最新韓國旅行資訊嘅Creatrip。


因為受到疫情影響，喺出面食飯就好危險，每日叫外賣的話又唔健康價錢又貴。留喺屋企自己煮就係最好嘅選擇，而韓國嘅SNS上面都有好多又好味又特別嘅食譜。今日小編就會同大家介紹最近韓國SNS上面最紅嘅食譜BEST8，一齊睇下有啲咩啦！


忌廉海鮮麵

材料：不倒翁真海鮮湯麵、牛奶


只要有韓國「真海鮮湯麵」同牛奶，就可以整得到嘅料理，超級方便！佢係類似加咗辣味嘅忌廉意大利粉嘅味道，簡單得嚟又好食同方便！



做法：

  1. 將牛油或者食用油倒落個鍋到，按照個人喜好加蒜頭、洋蔥。（如果屋企有魷魚或者蝦，可以加埋落去一齊炒！）
  2. 蒜頭變黃嘅時候，加入200ml牛奶、100ml水同1/2嘅海鮮辣湯調味料再落麵。
  3. 面熟嘅時候，放半匙羹cream cheese（如果冇嘅話，可以用忌廉代替）。
  4. 加一半海鮮麵入面嘅辣椒油，撈匀之後就完成啦！


유튜브 노른자두


如果想再簡單啲的話，可以唔做第一個步驟，如果只係想用拉麵同牛奶就食到一餐的話，就一定要試下喇！


嫩豆腐熱拉麵

材料：熱拉麵、嫩豆腐


如果想食韓國嘅豆腐湯，又嫌煮得好麻煩的話，小編推薦呢個方法！煮佢嚟當宵夜真係一流，小編最近都差唔多一星期煮一次嚟食。



做法：

  1. 放入250ml嘅水同半包嫩豆腐煮。 
  2. 水煮滾之後放入1/2個熱拉麵嘅面同調味粉。
  3. 根據個人喜好放入辣椒、蒜頭、蔥等。
  4. 最後再落啲胡椒粉就完成！


유튜브 쥬니엠 juni.M


熱拉麵再加嫩豆腐一齊煮，嫩豆腐湯就完成啦！仲有拉麵可以一齊食，食完一定超級滿足。


大豆調味醬煎豆腐

材料：豆腐、大豆調味醬


呢度嘅「大豆調味醬」係韓國嘅料理精華，係用大豆發酵液同蔬菜提取物製成嘅健康好味調味料，被稱爲魔性調味料，只要落少少都會變得好味。



做法：

  1. 將豆腐切成一粒燈。
  2. 倒2匙羹橄欖油同2匙羹大豆調味醬。
  3. 후추를 취향껏 뿌려주세요.根劇個人喜好可以撒啲黑胡椒。
  4. 如果想再惹味啲可以加啲羅勒或香芹。
  5. 放入氣炸鍋，180度炸15分鐘，或者200度炸20分鐘，越高溫可以整得越脆。


출처: 유튜브 에어뷰-Air Fryr Food Review

如果想食健康又好味嘅減肥食物，好推薦俾大家食㗎！


戲院花生醬魷魚

材料：魷魚絲、花生醬


喺戲院嘅代表性零食，花生醬魷魚，小編去戲院嘅時候都成日會揀花生醬魷魚，唔會揀爆谷。



做法：

  1. 將魷魚絲（150g）浸喺水入面10分鐘。
  2. 之後得魷魚乾哂，將一匙羹白糖同一匙羹花生醬同魷魚絲一齊攪匀。
  3. 將魷魚絲鋪喺平底鍋，用細火烤一陣就完成！


SoRe's kitchen[소소한레시피]


又甜又鹹嘅味道，成日都會令人上癮嘅花生醬魷魚！喺屋企一邊睇Netflix一邊食花生醬魷魚享受下啦！


摺起嚟食嘅紫菜包飯

材料：大片紫菜、白飯、想要嘅餡料（雞蛋、醃蘿蔔、餐肉、泡菜等）


紫菜包飯係將白飯同各種材料一齊包住食嘅代表性韓食，因爲食起嚟好方便，所以好啱去郊遊食！

不過缺點就係一個人喺屋企好少會整嚟食，因爲太難整得好，餡料太多嘅話，旁邊會就裂開，太少嘅話，紫菜包飯又會捲唔到，所以就有呢個折起嚟食紫菜包飯出現喇！


유튜브 우리의식탁 W TABLE

做法：

1. 將正方形紫菜包飯分爲4面，一面放飯，其他3個面就可以根據自己嘅喜好放餡料。

2. 喺中間剪一半，按順時針方向折起嚟，就可以簡單完成！


유튜브 나도Nado


製作方法好簡單，而且可以根據個人喜好揀材料，係最近喺SNS同YouTube最紅嘅美食之一。


微波蒸雞蛋

材料：雞蛋


蒸雞蛋係韓國嘅代表性之一，雖然製作方法好多樣化，不過今次介紹嘅係用微波爐就可以簡單完成！



做法：

  1. 將兩隻雞蛋同半杯水撈匀。
  2. 可以落一啲大豆調味醬，冇嘅話落鹽同豉油都可以。
  3. 可以按照個人喜好落啲胡椒粉。
  4. 鋪一層保鮮膜之後，喺微波爐入面1分鐘 - 30秒 - 30秒 - 20秒 - 10秒嘅順序去叮。
  5. 好食嘅蒸雞蛋就完成！


  유튜브 쥬니엠 juni.M


因爲食落又暖又滑，所以食完成個人都會好舒服，同辣嘢一齊食會更加好味！


蘋果醬穀物多士

材料：麵包、蘋果醬、穀物



好食嘅嘢加埋好食嘅嘢係無論點整都係好食，鬆軟嘅麵包，甜甜嘅蘋果醬，仲有穀物相遇的話到底有幾好味？


做法：

  1. 喺烤麵包機或者平底鍋上面將麵包烤成金黃色。
  2. 喺一面搽蘋果醬。
  3. 喺搽蘋果醬撒嗰一邊落穀物，就可以簡單完成！



유튜브 얌얌쿠킹 yumyum cooking


入面軟淋淋，出面就係香脆嘅蘋果醬穀物多士，喺朝早就可以配一杯咖啡一齊食，完成一餐飽肚嘅早餐。


米紙雞

材料：雞胸肉、米紙


想搵啲食完唔會肥嘅料理就一定要睇呢個，每當減肥嘅時候一定會成日諗起嘅炸雞，而家就算係減緊肥都可以食。



做法：

  1. 雞胸肉切成一啖嘅大細。
  2. 將米紙切成一半。
  3. 將切好嘅好米紙點一點水，再同雞胸肉一齊捲。
  4. 搽上少少橄欖油，鹽同胡椒粉。
  5. 放入氣炸鍋，180度炸10分鐘，翻面再炸10分鐘就可以完成！ 如果冇氣炸鍋嘅話，都可以喺焗爐入面焗或者直接油炸都得。
  6. 最後就完成啦。


유튜브  Food Atelier 푸드아뜰리에


喺薄薄嘅米紙上面加高蛋白嘅雞胸肉，就唔洗擔心會肥啦？


以上就係喺韓國SNS上面嘅流行食譜。包括頭先介紹嘅部分食材在內，都可以透過我哋Creatrip代購服務購買！即使係完全唔識煮嘢食嘅小編，上面介紹嘅食物都可以好簡單咁整到。大家都可以挑戰下㗎！



如果有更多想知嘅內容，都可以隨時留言或者dm話俾我哋知：）

  Instagram：creatrip.hk

  Facebook：Creatrip 帶你認識韓國每一面

  韓國代購


熱門文章