Hello，大家好，我哋係由韓國人每日提供最新旅行資訊嘅Creatrip。
上次介紹完富貴女韓星排名之後，大家又估唔估到今次男星No.1又會係邊個呢？只可以話韓星真係好識投資....真係令人好羨慕
富貴男韓星排名
TOP 6 - EXO Xiumin
버블유 코리아
喺舞台上Xiumin散發嗰種性感得嚟又可愛嘅一面真係好難令人唔望佢，但原來私底下嘅佢係一名宅男，好多fans都話佢真係好愛家，就算係當兵期間，放假期間都係留喺屋企 佢曾經喺訪問都講過最討厭屋企有好多頭髮喺地下，所以只要喺屋企就會成日打掃，佢而家住緊廣津區，19年開始獨居，黑白簡單嘅設計，真係好正，就連客人房都好悉心咁準備（可唔可以去瞓一晚 ），而家買賣價係大約19億韓幣。
MBC
TOP 5 - 東方神起 允浩
한국경제
之前電視節目都有播過允浩屋企，佢屋企有好多古代嘅家具，連主持人都笑佢唔係idol，仲話好少人喺屋企擺呢啲 雖然大家都話睇落去好似老一輩先會住嘅屋，但係允浩屋企價錢一啲都唔平，自己一個住但有5間房，而家買賣價係28億韓幣。
TOP 4 - SHINee 泰民
노컷뉴스
唔知大家仲會唔會記得以前細個寫過嘅日期或紙仔呢？泰民喺佢好細個嘅時候就已經寫過，大個咗要做一個出色嘅人，買一間好嘅屋俾父母，到大個咗泰民除咗真係實現咗買樓嘅承諾之外，仲買埋車！超有孝心 而家佢住緊江南區，只係睇外觀已經好似係去咗外國咁，室內超大，而且仲可以望到漢江海景，佢住緊嗰度每一間屋都有一個直達返屋企嘅lift...會唔會太正 咁高級嘅屋，當時佢買係以23億韓幣買入，而家已經升到29~32億。
TOP 3 - BIGBANG G-Dragon
인사이트
曾經有報導講過，GD嘅制作版權就算唔做嘢，一年都可以有14億韓幣，屋企雪櫃放咗世界三大美食（松露、鵝肝、魚子醬），1kg大約係600萬韓幣，連戴錶一隻都要5億幾韓幣，佢唔單止音樂方面好，就連時裝界都係達人級，而家住緊城東區，大廈入面大家諗到嘅golf場、游泳池、Gym room等全部都有，屋企每一個角落望到嘅景都係超靚，13年以30億韓幣買入，而家已經升到33億韓幣。
TOP 2 - 2PM 澤演
중앙일보
澤演私底下係一個超可愛嘅人，由細佢就好聽爸爸話，應慳得慳，就算連返工都係踩單車，18年佢買咗江南屋嘅一間屋，屋企附近有個大公園，當時以接近25億韓幣買入，短短兩年期間，屋已經升咗15億韓幣，真係十分滿分十分嘅完美同聰明男人啊！
TOP 1 - Super Junior 利特
세계일보
第一位就係Super Junior隊長利特啦！喺16年佢結束10年宿舍生活，第一次出嚟獨居，平時就好鍾意留喺屋企， 而家住緊城東區，落地玻璃窗可以望到整個漢江景，屋入面有一個超大嘅廳，3間房、2個廁所，而家買賣價已經係43億8千萬韓幣。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
