Hello，大家好，我哋係由韓國人每日提供最新旅行資訊嘅Creatrip。
唔少人氣高嘅明星藝人透過拍攝、廣告、制作版權等等多個唔同方法去賺錢。佢哋擁有好多人做一世野都賺唔到嘅資產，令到好多人都好羨慕。而呢班明星都好識投資，會用賺返嚟嘅錢去買「磚頭」，大家又會唔會想知而家住最貴樓嘅女韓星又會係邊個呢？
富貴女韓星排名
TOP 7 - 宣美
톱데일리
雖然喺舞台上成日都俾人一種好性感嘅感覺，不過佢現實生活中係一個宅女，佢可以喺屋企Hea足同瞓足一日唔出門，唔少fans都問佢可唔可以出嚟見下大家 佢住嘅地方係喺三成站附近，交通方便，而且夠多嘢行，而家買賣價更加係高達12億3千萬韓幣。
TOP 6 - 孫淡妃
데이즈드
孫淡妃雖然間唔中會上唔同綜藝，但其實佢真正身份係一位歌手，當年佢首《미쳤어》 (Crazy) 真係冇人唔識唱，因為呢首歌嘅爆紅，身價一年即刻升咗3倍，佢而家住喺龍山區，屋嘅設計非常特別，而家買賣價已經升到15億至20億韓幣，而家同緊兩隻貓貓一齊生活緊。
TOP 5 - 洪真英
부산일보
洪真英而家喺清潭附近生活緊，屋企附近有一個超大公園，喺同一幢樓已經有齊醫院、Gym Room，設施非常方便，加上有一個超大落地玻璃窗，夜晚睇夜景超正。而家買賣價已經升到21億韓幣。
TOP 4 - 少女時代 潤娥
경향신문
大家會唔會想知女神住邊呢？佢而家住緊江南區，喺嗰度附近有好多公園可以散步，同時夠靜可以保護個人私隱，每一間房仲有一個小露檯，目前買賣價係25億左右，另外佢仲喺2018年購入咗一棟位於首爾江南區清潭洞，價值100億韓幣嘅大廈，當時喺韓國都引嚟唔少關注，而家每個月收緊3千萬韓幣租金，同時當時100億買入，而家都升到120億。
TOP 3 - IU
티스토리
IU幾乎佢每出一首歌都成為大熱，當時韓國年齡19歲嘅佢，已經擁有100億，相當之厲害！IU而家住緊首爾龍山區， 屋內每一個位都可以望到漢江，同時大廈仲有Gym Room、練習golf嘅地方、Cafe、泳池等。而家買賣價係27億至34億韓幣。
TOP 2 - f(x) Krystal
이데일리
平時就好鍾意睇夜景嘅Krystal同家姐Jessica而家住緊黑石站附近，屋內部用咗高級白色大理石去裝修，每一間房都超大，就連廁所都可以望到漢江景，而家買賣價已經升到35億韓幣，對比2016年嗰陣足足升咗10億！
TOP 1 - 秀智
세계뉴스통신
第一位就係有「國民女神」之稱嘅秀智啦，識唱、識跳、識演，根本冇嘢係難到佢，佢而家住緊論峴區，屋嘅內、外部完全好似去咗歐洲咁，屋入面有4間房，3個廁所，一個人住134坪，而家買賣價已經係40億韓幣。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
