韓劇OL服飾介紹
參考5套韓劇OL服飾介紹，簡單得嚟超有時尚感！
Hello，大家好，我哋係由韓國人每日提供最新韓國旅行資訊嘅Creatrip。
每日返工著衫襯嚟襯去都係嗰幾款？已經唔知再點襯好？咁今日小編就會介紹5套韓劇女主角襯過嘅衫俾大家參考，希望可以幫到大家有啲靈感啦！
韓劇OL服飾介紹
德魯納酒店
tvN
第一款要同大家介紹嘅就係IU喺《德魯納酒店》著過嘅衫，呢幾年復古風再次流行，古典得嚟又顯優雅，俾人一種大方得體嘅感覺。
如果大家怕著復古嘅正裝好成熟或太普通，可以學似IU咁著雪紡恤衫同喺中間加條腰帶，除咗可以突出腰嘅線條之外，仲顯得更高貴。
如果想再睇落後生啲，大家可以上身著恤衫，下身襯一條魚尾裙，簡單得嚟已經好好睇！
tvN
而喺恤衫方面，大家只要揀有蝴蝶結或者有荷葉邊嘅就OK！
Start-UP：我的新創時代
第二套要介紹嘅係喺前年熱播完嘅《Start-Up》，主要係講有一班有夢想，好想成為成功人士嘅一班年輕人奮鬥故事，所以秀智喺劇入面著嘅衫都比較年輕化，當時唔少韓國OL都開始學佢打扮。
喺劇入面，可以見到秀智主要係恤衫襯牛仔牌，簡簡單單已經好好睇。
而當中小編發現到，秀智好多時上身都係以藍色、粉紅色同米色為主，恤衫嘅袖口位都比較特別，簡單得嚟俾人一種舒服同輕鬆嘅感覺
tvN
如果大家覺得睇落唔夠正式，可以加返件西裝外套，而秀智通常都係會著比較鬆身嘅外套，咁樣睇落再有種型格嘅感覺。
大力女都奉順
JTBC
如果大家係行開可愛路線，咁就一定要參考《大力女都奉順》入面嘅朴寶英Style啦！
JTBC
喺劇入面，朴寶英好鍾意著連身裙配少踭皮鞋，簡單得嚟又俾人一種甜美嘅感覺。
JTBC
除咗格仔連身裙之外，喺韓國又點可以少咗一條碎花連身裙呢？幾乎係韓國OL每人都必備一條！
JTBC
除咗連身裙之外，劇入面朴寶英仲好鍾意著有領恤衫，再配件簡單冷衫，一樣都係好好睇！
她很漂亮
MBC
高準熹身高172cm，唔少人都稱佢為「短髮女神」，佢每一次著過嘅衫，都會成為焦點，因為簡單得嚟就已經好好睇。
MBC
喺《她很漂亮》入面，佢主要都係著鬆身恤衫再配一條西褲，中間絕對唔可以少咗條腰帶，睇落去相當有型。
大家亦都可以參考吓黑色連身裙入面襯件簡單恤衫，即刻秒變OL裝！
金秘書為何那樣？
tvN
tvN
金秘書最獨特嘅風格就係恤衫領口有個小細節，當時節目一出，即刻受到唔少OL歡迎，佢嘅風格睇落會比較謙虛，但同時有種女人味。
tvN
除咗衣著方面，金秘書喺劇中都拎過唔少手袋去襯，俾人一種利落同聰明嘅感覺。
每一套韓劇，女主角底配角都有自己一套特色嘅OL風格，唔知當中有冇邊一套大家會想試吓呢？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk