韓劇《Start-Up》介紹
秀智、南柱赫《Start Up》獲得超級好評！劇情大綱亮點吸睛！創新題材引起全韓關注！
Hello，大家好，我哋係由韓國人每日提供最新韓國旅行資訊嘅Creatrip。
近排最受關注嘅電視劇莫過於係十月tvN新上嘅呢套《Start Up》，呢套劇由裴秀智、南柱赫、金宣虎、姜漢娜呢四個演員主演，受到好多人嘅關注！
《Start up》第一集平均收視係4.5%（最高5.3%），而第二集為4.4%（最高收視區間為5%），真係唔錯啊！
小編就同大家一齊睇睇《Start Up》嘅劇情、人物設定，同埋呢套劇有咩咁爆嘅話題啦！
《Start Up》大綱
《Start Up：我的新創時代》故事講述一班有夢想，好想成為成功人士嘅一班年輕人奮鬥嘅故事。
每個人都想成功，雖然往往路途係孤單，或者唔會被諒解，但其實青春就係最大本錢，應該要襯後生嘅時候接受多啲挑戰、令自己更上進！
而《Start Up》嘅幕前陣容真係好強大，係由《德魯納酒店》嘅吳忠煥導演執導，同埋邀請咗《皮諾丘》、《聽見你的聲音》嘅朴惠蓮做編劇，佢哋繼《當你沉睡時》之後二度合作，打造咗今次咁大規模嘅作品！
《Start Up》人物介紹
南柱赫（飾演 南道山）
三山科技（삼산텍）創辦人南道山，曾經以數學天才嘅身分榮耀家族。不過佢而家就係一個投資極都唔成功嘅失敗者，成為屋企嘅恥辱。
而佢喺無意間畀徐達美（秀智 飾演）誤認為記憶裡面嘅初戀Oppa，但佢又將誤會轉化成現實，並以「為咗想再次發光」嘅理想重新創業！
而早前先喺Netflix短劇《非常校護檔案》出現嘅南柱赫，將挑戰同以往唔同嘅演技，展現「書呆美」嘅特色，演繹年輕人嘅青澀同埋色彩。
裴秀智（飾演 徐達美）
秀智飾演一個夢想想成為韓國賈柏斯嘅徐達美，雖然一無所有，但滿懷好勝心同埋超強語言、工作能力，開始咗創業嘅道路。因為佢好早就知道自己想做啲咩，所以一讀完大學就即刻投身社會做嘢。喺呢段期間，佢遇上咗南道山，發展商業同埋情感上嘅關係。
秀智開朗可愛嘅魅力，加上佢嘅青春活力，令人好期待佢喺《Start Up》裡面會點樣度過人生嘅難關。
金宣虎（飾演 韓志平）
韓志平係SH公司嘅首席團隊負責人，孤兒出身嘅佢靠自己努力同埋商業頭腦，坐擁無數資產，雖然佢嘅形象好Cold，但對佢有恩嘅人就會好warm。
金宣虎係近幾年演技出眾嘅演員之一，2017年以《Two Cops》獲得MBC演技大賞同埋新人賞嘅殊榮，受到好多人嘅認同！
姜漢娜（飾演 元仁才/徐仁才）
唔理係學歷、美貌定係資歷都相當出眾嘅CEO元仁才，喺《Start Up》裡面完全擺脫咗富二代嘅身分，希望可以畀人肯定佢嘅是實力。
佢嘅身世都喺戲裡面揭露咗，原來佢係徐達美嘅親家姐，係佢媽咪帶著佢改嫁，佢喺戲裡面都挑戰咗為自己嘅事業打拼而創業！
唔知演出過好多劇姜漢娜，會唔會靠《Start Up：我的新創時代》成為佢嘅新代表作呢？
《Start Up》其他配角角色
除咗陣容強大嘅的四大主角之外，《Start Up》嘅其他配角角色都相當精采。
劉秀彬喺《愛的迫降》中出演身為北韓軍人但好鍾意睇《天國的階梯》，令人非常深刻。
而喺《Start Up：我的新創時代》裡面就同金度完、南柱赫一齊合作做三山科技的創辦人之一。
另外，早前因拍劇而感染新冠肺炎嘅金元海，已經好返回歸，飾演南柱赫爸爸嘅角色。
劇情主要圍繞追夢，好多人都喺網上發表自己對追夢嘅睇法，比起 朴寶劍主演嘅《青春記錄》同埋 《你喜歡布拉姆斯嗎？》以愛情戲碼為主，《Start Up》嘅關注度真係好高！
眾多嘅演員都被唔少網民稱讚！
《Start Up》劇組都表示：「裴秀智、南柱赫、金宣虎以及姜漢娜，呢幾個年輕嘅演員真係特別地有活力。」
另外，佢哋都話《Start Up》係屬於青春的故事，為了令多啲人有同感同埋更加有挑戰性，全組劇組人員都好努力拍攝！
有咁好嘅題材，究竟《Start Up》會唔會成為今年年度最爆嘅韓劇呢？大家一齊期待下啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk