韓國大型娛樂公司練習室介紹
HYBE、SM、YG、JYP嘅藝人喺邊度練舞呢？韓國Top4練習室到底係點樣？
Hello，大家好，我哋係由韓國人提供最新韓國旅行資訊嘅Creatrip。
練習室可以話係偶像喺入面度過最多時間嘅空間！而我哋呢啲粉絲都好鐘意睇佢哋練習室入面啲跳舞片，因為可以見到佢哋平時著嘅私服，練舞過程等等。到底同偶像一齊度過無數歲月嘅練習室係點樣嘅呢？今日就同小編一齊瞭解一下4間大型娛樂公司嘅練舞室啦！
韓國大型娛樂公司練習室介紹
1. HYBE（Big Hit）
首先我哋睇吓BTS所屬公司HYBE（Big Hit）嘅練習室，隨住BTS越嚟越成功，佢哋嘅練習室都有好大嘅變化！
呢間係喺牆上面寫住Big Hit嘅練習室，如果係BTS初期粉絲的話，應該會好熟悉呢度！BTS由練習生時期到出道初期，都喺呢間練習室度過咗好多時間！
呢段就係喺2015年拍攝嘅練舞片，7個男仔喺呢度跳舞確實係顯得有啲啲窄。
不過隨住Big Hit公司大樓搬遷，BTS嘅練習室都發生咗超級大嘅變化！ 地板、牆同天花板都用咗白色，感覺變得舒服咗。
由呢個時候開始，呢度唔單止可以俾到BTS嘅7位成員跳舞，仲可以同到一班dancer一齊練舞！大家可以睇吓BTS《FIRE》嘅練舞版，就可以更加睇到佢嘅大細。
然後呢間練習室要有做過一次翻新工程！白色練舞室雖然係好靚，不過地板好似大理石一樣咁硬嘅材質會令到粉絲好擔心BTS成員嘅膝頭。
然後睇BTS《DYNAMITE》練舞版本的話，就可以見到最近嘅練習室！又寬敞又乾淨，練習起嚟都應該特別方便！
BTS嘅後輩組合TXT都喺呢間練習室拍過《某天頭上長出了角》嘅各種舞蹈片！
Big Hit收購嘅Source Music女團GFRIEND都喺呢間練習室拍攝咗《MAGO》嘅練舞片！ 真係有好多唔同嘅偶像組會都有用呢個練習室！
根據官方消息，HYBE喺今年3月22號再次搬公司！ 呢次公司大樓嘅練習室到底係點樣，都令到好多粉絲好好奇！
3月31號TXT 《Poppin' Star》嘅練舞版本公開，新公司大樓嘅練習室都正式亮相。 簡潔幹練嘅室內裝修，空間都好闊落，除咗音樂放送用嘅舞蹈練習之外，就連演唱會走位練習都應該做得到！好期待以後見到更多喺新嘅練習室練舞嘅片！
2. SM
擁有東方神起、Super Junior、少女時代、SHINee、EXO、Red Velvet、NCT仲有Aespa等咁多藝人嘅SM娛樂公司到底有個點嘅練習室呢？
呢一段就係EXO出道專輯入面嘅《History》練舞片，大概喺10年前，如果你係SM IDOL嘅老粉絲的話，肯定會好熟悉呢個練習室！
SM嘅第二代K-POP偶像組合、東方神起、Super Junior、少女時代、SHINee嘅練舞片一定會出現嘅地方！ SM偶像粉絲之間流傳住SM=白雲牆嘅公式，SHINee嘅Key都喺一個綜藝節目入面展示咗呢面牆，仲話：「大家都應該知道呢面牆？」
K-POP偶像界嘅傳奇舞蹈SHINee《Sherlock》都係喺呢度拍！咁樣就巳經過咗10年，時間過得真係快。
而且嗰時仲會上傳啲真實練習片，最近舞蹈視頻都係另外進行單獨拍攝，不過嗰個時候係為咗確認舞步嘅時候拍，就好似東方神起嘅呢段《Catch me》！
當然最近拍嘅練習片鏡頭運用等等都特別好，不過以前嘅練舞片更加真實，有好多粉絲都好懷念嗰個時候。
拍少女時代《Mr.Mr.》練舞片嘅練習室，都係除咗雲背景練習室之外，喺以前嘅練舞片段入面經常都可以見到嘅練習室！
呢個練習室比雲朵背景練習室稍為大啲，就好似SHINee嘅《Everybody》一樣，可以靈活運用空間，都可以輕鬆練習。
不過呢度喺2016年SM娛樂公司建造新辦公樓之後，幾乎就冇出現過。Red Velvet嘅《Rookie》就係喺呢度拍完最後一條練舞片，之後就冇再見過呢間練習室。
咁SM藝人而家係用緊點嘅練習室呢？SM有咁多藝人，所以都分咗幾個練習室用，所以就俾大家睇吓經常公開嘅三個練習室。
第一個就係喺呢度！ 拍攝泰民《MOVE》嘅練習室就係2017年左右開始出現嘅SM練習室之一。
喺NCT《DREAM GO》登場嘅呢個地方淨係睇片都覺得佢好闊落！其他練習室大多數都係喺地下，所以唔會有窗，而呢個練習室嘅特徵就係佢有一個大窗。
拍攝NCT 127《英雄》嘅練習室都係新嘅練習室之一！ 確實比之前用嘅練習室更闊落敞同乾淨。
NCT U嘅《Make A Wish》都係喺呢度拍攝，睇嚟NCT比其他組合更加成日用呢個練習室。
如果係SM藝人嘅粉絲的話，應該都知道呢個練習室！ 唔單只係練舞短片，亦都係通過各種媒體經常出現嘅地方。 EXO嘅《obsession》都係喺呢度拍攝！
由泰民嘅《Criminal》練舞短片可以睇得出，呢個練習室好大，可以自由移動。
而且後面仲設置咗各種設備，所以演唱會等大型舞台都可以喺度準備好多嘢。根據公開內容，SM娛樂公司計劃將公司大樓搬遷到首爾聖水洞，都好期待本公司之後新練習室到底係一個點嘅地方。
3. YG
由上到下嘅順序係 BIGBANG《BANG BANG BANG》、BIGBANG《Tonight》、2NE1《我最火》嘅編舞片段！ 三首都係10年左右嘅歌曲，特有嘅黑暗照明係YG練習室最大嘅特徵！
之後後輩組合iKON嘅《LOVE SCENARIO》練舞片都係喺呢度拍攝。
WINNER 《Really Really》嘅舞蹈片段都係喺呢度拍攝，真係好歷史悠久嘅練習室。
當然BLACKPINK都係喺呢個練習室度練習過！ 出道曲《WHISTLE》嘅編舞短片都係喺呢度拍攝。 現有嘅練習室背景只係一面牆，喺BLACKPINK嘅練習片段入面設置印有BLACKPINK標誌嘅布幕。
《Kill this love》等好多BLACKPINK嘅舞蹈短片都係喺呢度拍攝！ YG練習室特有嘅暗淡照明一直都冇變過。YG 10幾年嚟一直用同一個練習室，直到上年YG建造6000坪規模嘅新公司消息傳開房後，粉絲都好期待新裝修嘅練習室會係點樣。
上年9月拍攝Treasure嘅《I LOVE YOU》練舞短片入面，就首次公開咗新公司嘅練習室！ YG新公司總共有7個練習室，聽講係為咗令每一個藝人都可以單獨使用練習室要準備嘅。
以前嘅練習室睇落好似有啲細，而新公司大樓嘅練習室睇落就特別闊落，聽講Treasure拍攝呢段短片嘅時候，因爲公司仲未完工，所以就逼不得已用BIGBANG嘅練習室！
最近回歸嘅iKON都係喺新公司大樓嘅iKON專用練習室拍攝，確實比以前嘅練習室更大，設施都睇落係更加好！
BLACKPINK嘅專用練習室係點樣嘅呢？ BLACKPINK嘅練習室可以喺《Love Sick Girl》嘅練舞短片入邊睇到！
背景似唔似歐洲嘅城堡？ 好似BLACKPINK嘅形象一樣顯得好高級！
而且空間好大，所以好啱練舞！ 可以更廣泛咁利用空間，對藝人嚟講應該係更加好。
咁樣睇到佢哋新公司大樓嘅練習室，感覺到YG一直為自己嘅藝人好努力咁付出同支援。
4. JYP
初期嘅JYP舞蹈練習室就係咁嘅樣，呢段片係2009年2PM嘅《I hate you》練舞片，呢個時候仲未有固定上傳練舞短片嘅文化，咁睇真係有種好舊嘅感覺。
之後JYP嘅練習室經過改造之後變得更光，GOT7嘅《Stop Stop It》同《Just Right》都係喺呢度進行拍攝。
TWICE由出道開始就一直用呢個練習室，TWICE嘅《Signal》、《LIKEY》雖然都唔係走位多或者空間利用率高嘅編舞，不過睇落就窄咗少少。
睇2PM嘅練舞短片的話，就可以睇得出真係太窄，根本都唔夠佢哋練舞。
正因為係咁，除咗佢哋經常用嘅練習室之外，仲有一個更大嘅練習室，就好似GOT7《If You Do》嘅舞蹈練習片段一樣，相對起嚟真係大好多！
順便講吓JYP入面仲有黑色牆壁上面掛住白色燈光嘅練習室，主要係Stray Kids同TWICE出道前嘅節目《SIXTEEN》登場，大概係練習生經常用嘅練習室之一！
JYP嘅練習室喺搬遷大樓之後就有好大嘅變化。
TWICE嘅《I Can't Stop Me》舞蹈練習短片，係唔係變闊咗好多呢？ 紅色嘅長同天花板上面寫住JYP嘅電燈令人印象好深刻。
練習室變得闊落咗，好似ITZY嘅《Not Shy》移動路線多嘅舞蹈都可以好自由咁跳！
呢個練習室仲有隱藏嘅秘密，睇ITZY 2020年首爾歌謠大戰年末舞台練習短片的話，就可以睇到兩個練習室合埋一齊！ 我哋喺上面睇到嘅紅牆就係有分咗呢兩個空間嘅作用！ 所以喺練習演唱會或者年末演出等大型舞台嘅時候，就會打開後面嗰一面紅牆用。
除此之外，JYP嘅公開資料入面顯示，舞蹈練習室總共有9個。
由Stray Kids嘅《God's Menu》舞蹈練習短片入邊可以見到，仲有清涼嘅天藍色練習室！
拍攝ITZY嘅《DALA DALLA》就係小灰色練習室。
每個練習室都有明確嘅主題，呢個都係同其他所屬公司最唔同嘅地方。
今日大家同小編一齊了解咗咁多間大型娛樂公司嘅舞蹈練習室，唔知大家又最鍾意邊一間練習室呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk