Big Hit新公司大樓介紹
Big Hit娛樂將會喺新嘅公司大樓迎接「HYBE時代」，公司入面竟然有桑拿房，一張辦公椅最平都要130萬韓幣？
Hello，大家好，我哋係由韓國人每日提供最新韓國旅行資訊嘅Creatrip。
Big Hit尋日（22號）將公司大樓搬到位於首爾龍山區嘅「龍山貿易中心」，總共26層高、總面積大概有6萬平方米，有大概1000多位相關公司職員到呢座新大樓返工。內部有音樂工作室、攝影工作室等娛樂特殊設施、辦公用空間、公用福利空間等三個部分組成，地下仲準備咗向一般大眾公開嘅博物館空間。
벤처스퀘어
新辦公大樓為咗體現新文化，Big Hit喺19號宣布會將公司名改為「HYBE」，從而作出一個新開始。 憑藉「Hyper Nomad」嘅概念，作為一間實現HYBE價值嘅公司，所有公司職員喺實現象徵連接、擴張「HYBE」價值嘅同時，創造出新嘅價值，嚮往水平、連接嘅空間，可以引領更有效率嘅工作文化。
벤처스퀘어
新大樓追求嘅理念唔單只係一個「聚集嘅空間」，而係員工「自發性去聚集嘅空間」。 基本上成間公司追求所有空間都係開放嘅「移動辦公室」，仲引入咗自主坐席制系統，可以通過公司嘅應用程序去揀自己想要嘅座位上面辦公。 另一個與眾不同嘅地方係，呢個辦公室係可以根據員工同工作去變化。 可以透過「移動架」去改變工作空間嘅大細，並且可以根據參與人數同目的自由改變同使用工作或會議空間。
매일경제
爲咗最佳嘅工作環境，係唔可以忽視辦坐椅嘅重要性，所以Big Hit將高性能辦公椅放喺辦公室入面。首先個人用辦公椅揀咗被稱爲「辦公用品界嘅Chanel」嘅美國高價辦公椅赫爾曼·米勒Airon。 作爲微軟、蘋果、Google等世界級IT企業使用嘅辦公椅，都係幾有名氣。 赫爾曼-米勒-Airon，每個價格係差唔多130萬至190萬韓幣之間。
爲員工準備嘅福利空間都有好多，將辦公空間分爲3層，設置內部樓梯，方便樓層間移動，樓層同樓層相會嘅地方，會有爲員工提供放鬆同自由交流嘅休息室、健身房等。
벤처스퀘어
公司嘅第18層就係公司食堂，而喺第19層，即係最上層就係爲咗靈活思考同交流，有桑拿房、咖啡廳同外部庭院等。 種植咗200幾棵白樺樹嘅外部庭院，爲咗可以為員工舒緩疲憊嘅心靈，命名爲「Comb」，咖啡仲有同特別咖啡品牌「Pretts」合作，提供獨創嘅辦公室咖啡品牌。
全權負責新公司空間分工嘅閔熙珍（音）CBO表示：「空間創造態度，而態度創造價值同文化」，「我哋爲每位員工營造可以獲得靈感同便利嘅空間，相信喺呢種空間自由工作嘅文化可以創造企業嘅新價值。」
大家睇完Big Hit新公司大樓嘅介紹，有冇都好想去Big Hit做佢哋嘅員工呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
