Hello，大家好，我哋係由韓國人每日提供最新韓國旅行資訊嘅Creatrip。
講到韓國人識keep身材，真係除咗佢哋冇人敢認第一！好多韓星可能係短時間就可以減肥成功，甚至仲要體重keep得好，到底佢哋係咪真係食極唔肥？今日就等我哋一齊睇吓韓國飲食嘅秘密啦！
韓國控制體重飲食方式
1. 韓國食物含有適量蛋白質
講到食韓式料理，「小菜」絕對係重要元素之一！可能大家只會諗到有泡菜或者醃蘿蔔，但實際上係有埋雞蛋卷、魚同好多肉。所以韓國人食飯嘅時候，就算冇正餐，唔同嘅小菜一齊食，已經可以提供適量蛋白質，長時間都keep住飽肚感。
2. 韓國人食好多菜
雖然韓國嘅菜一啲都唔平，但其實諗諗吓，韓國人都幾鍾意食菜，特別係食燒肉嘅時候，通常燒完之後，韓國人會用菜包豬肉同其他小菜一齊食，咁樣一來食菜有纖維，而且比單只食肉更有助消化系統。
3. 韓式飯
如果大家去過韓國啲餐廳，應該都會發現除咗白飯，好多地方都會提供紫米飯，因為有研究發現，食全麥會更加有益，如果減肥盡量少食白飯，韓國會將白米同穀埋一齊煮嚟食，夠飽之餘仲可以控制體重。
4. 減少鈉含量同辣味
雖然食韓國嘢，好多時都覺得紅卜卜，落咗好多辣椒同辣醬，甚至好多韓國人都鍾意將湯同飯撈埋一齊食，但其實韓國都有唔少菜系好清淡，例如人蔘雞、飯焦粥等。
5. 日常鍛煉
呢個同食無關，因為韓國有70%都係山地，好多住宅都喺陡峭嘅山坡上，韓國人平時返工返屋企，自自然然就會行多咗路，每日都要上山落山鍛鍊身體。另外韓國人行路都好快（香港人都一樣，但同韓國人嘅急有啲唔同。），特別喺地鐵站，成日都會見到有人衝嚟衝去，轉站又要行一大段路。
6. 韓國女仔嘅秘密
當然除咗鍾意行路之外，韓國都有唔少減肥產品，好多韓星都有推薦過，大家又會唔會有興趣想買嚟試吓呢？
每個人都有自己獨門減肥方法，以上只係韓國人平時一啲小習慣，就嚟到春天，大家會唔會已經開始準備緊瘦身計劃呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
