2022大邱找換店資訊
2022最新韓國大邱換錢攻略！大信/大美找換店資訊整理，喺大邱換錢要靠運氣？
Hello，大家好，我哋係由韓國人每日提供最新韓國旅行資訊嘅Creatrip。
呢幾年除咗多人會去首爾、釜山同濟州之外，亦多咗人去大邱。平時大家喺首爾換錢，相信都已經好熟悉，但喺大邱換錢，聽講好多時都要睇老闆心情再睇佢開唔開，有時仲要未必一定換到。所以大家一定save底呢篇「大邱找換店攻略」，之後去大邱就唔需要再煩！Creatrip網站亦都有每日提供首爾匯率畀大家參考，大家可以撳我睇匯率（明洞一品香、大使館、第一換錢中心）嘅匯率通通都有。
| 2021韓國各地換錢資訊 | ||
| ₩釜山 | ₩首爾 | ₩清州 |
2022大邱換錢/匯率
1. 認識韓幣
韓幣紙鈔分別有 ₩50,000 、 ₩10,000 、 ₩5,000 、 ₩1 ,000 四張面額，硬幣嘅話有₩500、₩100、₩50、₩10、₩1。
基本上₩100以下幣值太細，喺韓國都唔會太見到。
2. 喺韓國定係香港換好？
大邱匯率比首爾差，但又比香港銀行好，不過都要靠大家運氣（老闆成日都會唔開門），所以建議大家心理要準備好「可能換唔到錢」或「換唔到好匯率」。同時記得帶多幾張海外高回饋信用卡以備不時之需（大邱周圍都可以碌卡）。
另外大邱嘅匯率唔會好似首爾、釜山咁好，建議大家去大邱換錢「以美金為主」，而且帶定少少韓幣喺身會比較保險，如果由首爾或釜山等城市去大邱玩嘅朋友，可以先喺首爾或釜山唱定先。
美金/港幣換韓元匯率
- 台灣 < 大邱機場 < 大邱找換店
- 舊版美金 < 新版美金
- 小鈔美金 < 百元美金
冷門幣換韓元匯率
美金、台幣、人民幣、港幣、星幣、日幣喺釜山基本上都可以換韓元，但其他貨幣就品太肯定。
建議大家去到釜山找換店再詢問，目前Creatrip可以答到大家嘅貨幣匯率只有明洞找換店（撳我）。
3. 大邱找換店（大信找換店、大美找換店）
大邱「大信找換店」位於中央路站3號出口方向（地下街19號出口前面，見到GS25轉左）。
「大美找換店」鄰近中央路站1號出口（地下街2號出口前），兩間找換店老闆都係同一個人！
如果其中一間冇開，建議直接打電話問（英文OK），話唔定老闆就喺附近。
- 大邱中央路「大信找換店」
地址：대구 중구 국채보상로125길 6
營業時間：平日09:00 - 19:00、週末休息（時間只供參考）
電話：053-431-6577
- 大邱中央路「大美找換店」
地址：대구 중구 국채보상로 568
營業時間：平日09:00 - 19:00、週末休息（時間只供參考）
電話：053-254-8070
再次提醒大家，小編之前平日去大邱，連續兩日老闆都冇開門，因為小編唔需要換錢，就冇打電話去問，建議大家真係要帶定少少韓幣喺身，或者請民宿老闆幫手打電話去問找換店老闆。
同場加映：
Money Box
Money Box位於半月堂站附近，交通方便，提供多種貨幣可以兌換，加上匯率好！Creatrip會員可以用更抵價錢換到更多錢！
4. 大邱機場銀行
- 位置：大邱國際機場國際線大廳1樓Gate3隔離「大邱銀行」
- 營業時間：09:00 - 16:00
如果想喺大邱機場先換少少韓常，咁大家只可以喺GATE3大邱銀行換，不過要注意，因為大邱機場規模唔係好大，公眾假期、週末假日都有可能會休息，而且16:00之後就唔開門。
以上係2022年嚟大邱換錢嘅相關資訊，小編再度提醒以下四點：
- 有幾多韓幣就帶幾多
- 出門口換錢之前先打電話去問
- 冇開門都要打電話去問
- 大邱週末幾乎係換唔到錢
如果記住以上四點，再帶幾張海外信用卡，或者由首爾、釜山過去大邱玩嘅朋友，先喺當地換定先。因為喺大邱換錢真係超唔方便（要靠運氣），希望以上資訊可以幫到大家。
如果有更多想知嘅內容，都可以隨時留言或者dm話俾我哋知：）
Instagram：creatrip.hk