韓國打工文化
韓國可能係全亞洲工作壓力最大嘅國家？做嘢唔準出錯？OT無極限？
Hello，大家好，我哋係由韓國人每日提供最新韓國旅行資訊嘅Creatrip。
唔知大家嘅工作可唔可以維持到work life balance呢樣嘢呢？你哋覺得工作最困難嘅位又係邊到？今日小編就同大家睇下韓國嘅打工仔有咩辛酸啦！
韓國人喺工作上遇到咩困難？
1. 老細咩都會揼俾你做
每個員工每日都有自己嘅職責要做，但如果老闆突然間俾啲額外嘅job你，你又會有咩感覺？當然就梗係覺得好辛苦啦！
因為有時根本手頭上嘅工作都未搞得掂，就突然間有新嘅job，真係隨時handle唔到啊！不過好多韓國嘅上司都係用呢個工作模式，所以唔少韓國人都覺得好辛苦。
2. 做曬所有嘢都唔敢走
3. 臨收工先有新嘢做
Seoul awesome
有時心諗：「就快六點，可以放工啦！」個腦有時仲會諗：「啊！ 放工去食咩好呢？今晚去唔去happy hour好呢？」
但突然！係突然！韓國嘅老闆好興喺五點四十五分就突然俾一份新嘅嘢你做，仲要講話URGENT！呢個時候唔知大家會有咩想法呢？
4. 只可以聽從命令
好多韓國上班族都唔敢違抗上司嘅命令，就算明明下屬本身係冇錯嘅都只可以話：「對唔住」或者「咁好啦」！
好多人都唔敢表達自己嘅立場同埋想法，因為韓國嘅階級觀念好重，佢哋驚俾人覺得自己冇禮貌。
5. 上司心情唔好就會向下屬出氣？
相信其實呢一點好多國家嘅職場都會出現呢個問題！不過好多時如果同韓國人一齊做嘢，都要睇佢哋面色同埋情緒，如果一個唔小心踩中佢哋嘅地雷嘅話，就會當咗你係出氣筒！
6. 要出席聚會
韓國嘅職場文化就係好多時都要出席聚會，好多時員工放工之後都想約下其他朋友或者返屋企休息，未必想出席咁多聚會。不過....如果你拒絕唔去會食（회식)嘅話，就會俾上司覺得你唔合群！
7. 忙到冇假放
喺韓國做嘢嘅朋友，佢哋都會話好多時有假都冇得放！即使係放緊年假，都冇辦法100%真係放假！有時放緊假其實只不過係唔洗返公司，而係轉咗home office！
其實做嘢唔多唔少去到邊都會辛苦！大家盡咗最大嘅努力就好！唔好俾咁大壓力自己！小編為你哋加油啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk