2021年tvN韓劇推薦
2021年tvN超華麗嘅韓劇陣容排住隊播出！《機智醫生》2製作中，仲有朱智勳、宋仲基、玉澤演、李昇基回歸啦！
Hello，大家好，我哋係由韓國人每日提供最新韓國旅行資訊嘅Creatrip。
有線電視台tvN嘅韓劇係除咗jtbc之外，相當有品質保證嘅「韓劇出產機」。近呢幾年，有線電視台嘅韓劇聲勢更加逐漸輾壓無線電視台，因為tvN、jtbc呢啲非公營企業，喺選材上面會比較大膽，更加迎合年輕人嘅口味，成為話題冠軍。
睇返呢兩年嘅熱門韓劇，大多數都係以有線電視台製作為主。2020年就嚟要結束，大家可以期待下嚟緊2021年確定會喺tvN開播嘅韓劇，唔少都係男女神級別嘅合作，真係相當之令人期待啊。
tvN 2021年韓劇
1. 《智異山》（지리산）
- 主演：全智賢、朱智勳、成東鎰、吳正世
下年嘅重頭劇之一《智異山》已經開展咗如火如荼嘅拍攝，《孤單又燦爛的神：鬼怪》、《太陽的後裔》、《陽光先生》嘅導演加上《Signal》編劇呢個組合，同埋全智賢、朱智勳、成東鎰、吳正世等人嘅合作演出，可以話係前所未見嘅超華麗陣容。
10月29號，首次公開咗喺南原市嘅拍攝佈景，製作組同演員都一齊祈禱拍攝可以安全順利。
喺《智異山》入面飾演最佳管理員嘅全智賢，同啱啱嚟到呢個地方，可以見到因為山難而罹難嘅亡魂嘅朱智勳、管理所所長成東鎰、現實主義嘅同事吳正世等人，以廣域嘅智異山為背景，展示前所未有山貌主題嘅懸疑。
2. 《Vincenzo》（빈센조）
- 主演：宋仲基、全汝彬、玉澤演
喺早幾日（11號），宋仲基透過經紀公司以親筆信向粉絲表示問候，除咗關心大家最近嘅生活，、亦都交代咗自己近期拍攝緊嘅tvN新劇《Vincenzo》嘅狀況，為粉絲送上溫暖。
《Vincenzo》嘅劇情就係關於宋仲基飾演嘅黑手黨戰略家兼律師因為組織內部嘅矛盾、爭鬥而喺義大利走嚟韓國。
佢有出色嘅協商能力同領袖風範可以掌控大局，係一個徹底嘅復仇組織者，後來遇到又毒舌又勝負欲強嘅頂級律師全汝彬，兩個人就惡鬥惡，展開深刻嘅復仇。
另外，玉澤演飾演嘅角色係呢間律師事務所嘅實習生，對於全汝彬絕對信賴，亦都對突然出現嘅宋仲基充滿莫名嘅敵意......
《Vincenzo》嘅製作組表示呢套劇將會喺2021年上半年播出。
而呢類都係大家會期待嘅黑色喜劇，獨創嘅素材同角色定位，喺大家面前呈現最完美嘅經典陣容，喺未開播就已經累積咗非常大嘅關注。
3. 《Mouse》（마우스）
- 主演：李昇基、李熙俊、朴柱炫、P.O、慶收真
李昇基已經確定出演tvN嘅2021年新劇《Mouse》，飾演警察局嘅新進巡警。
《Mouse》一開頭就係以「世界透過遺傳基因嚟檢查到未出世嘅嬰兒，如果有心理上嘅疾病，仲會唔會俾佢嚟到呢個世界上？」呢個問題拉開序幕。
而主線故事，就會以李昇基同令全世界陷入恐慌嘅精神病殺人患者對峙，生活發生翻天覆地嘅變化，開啟呢個故事。
製作組都表示，《Mouse》同其他精神病患者題材嘅電視劇，以完全唔同嘅獨特方式進行拍攝，大家未來可以繼續關注李昇基嘅演技。
李熙俊都會參與《Mouse》嘅拍攝。
而以《人性課外課》爆炸性演技獲得知名度嘅朴柱炫，以《德魯那酒店》累積好評嘅P.O、有「小孫藝珍」之稱嘅慶收真，都會加入《Mouse》嘅拍攝。
4. 《蘇利南》（수리남）
- 主演：河正宇
時隔13年，今年主要係出演電影比較多嘅演員河正宇，終於要透過tvN嘅新劇《蘇利南》回歸小螢幕，令粉絲都好激動。
不過《蘇利南》嘅拍攝真係一波三折，受到疫情嘅影響，原本喺今年年初已經要開始嘅拍攝計劃，無限期延後，連2021年可唔可以播映都係未知之數。
據了解，《蘇利南》嘅主要拍攝地點係多米尼加共和國，製作組仲表示投入左400億韓元（即係大約2.5億港幣）製作。
以喺南美國家蘇利南成為毒品之王嘅韓國人嘅真實故事為基礎，進行改編。
原本《蘇利南》預計除咗喺tvN播出之外都會係Netflix上架，但呢一套作品因為疫情影響，分分鐘仲需要一段時間先可以面世。
jtbc《HUSH》
有小道消息表示，黃晸玟亦將出演《蘇利南》，但目前因製作計畫推遲，已無後續消息。
而黃晸玟睽違8年，也將以jtbc新劇《HUSH》回歸小螢幕。
5. 《機智醫生生活》第二季（슬기로운 의사생활 시즌2）
- 卡司：曹政燮、柳演錫、鄭敬淏、金大明、田美都
根據【體育東亞】嘅報導，《機智醫生生活》劇組挑選緊加入下年夏天開播嘅《機智醫生生活》第二季配角。
同樣都係以99級醫大同屆生五人組：曹政奭、柳演錫、鄭敬淏、金大明、田美都為中心，加入新嘅登場人物同埋元素，相信第二季會帶來更加多嘅歡笑同感動。
喺第一季完結嘅時候，製作組就埋下咗伏筆，透露第二季嘅到來，目前都確定會喺12月初進行拍攝，所以一切選角同事前準備嘅功夫相信會喺11月完成。
2021年又可以見到五人幫嘅活力啦！tvN嘅《機智醫生生活》製作團隊都喺採訪入面表示，雖然目前唔確定開播嘅時間同日期，但最遲都會喺2021年嘅六月播出，真係超級超級期待！
6. 《Navillera》（나빌레라）
- 卡司：朴仁煥、宋康、羅文姬、洪承熙
由同名網絡漫畫改編而成嘅《Navillera》，確定會喺2021年上半年開播，題材上大家可能比較陌生，但有追開韓國漫畫嘅人相信一定有聽過《Navillera》。
由2016年起開始連載，獲得9.9分嘅超高分評價，仲有「傳奇人生網路漫畫」嘅好評。
故事講述人生邊緣嘅70歲老人，同啱啱先開始迎接人生嘅23歲少年，兩個人一齊向夢想嘅道路進發，而宋康已經確定出演《Navillera》入面芭蕾少年呢個角色。
同原作有超高嘅還原度，《Navillera》製作組表示，前輩演員朴仁煥、羅文姬嘅老練，配合宋康、洪承熙嘅氛圍，已經落實咗呢個特別嘅演員組合，希望各位繼續期待，觀賞《Navillera》入面美麗嘅芭蕾奇蹟。
以上就係六套而家已經確定會喺2021年tvN播出嘅新劇嘅消息同埋演員陣容，唔知道大家最期待邊套？
小編個人最期待《機智醫生生活》仲有《Mouse》！小編會繼續幫大家留意嚟緊韓劇嘅最新消息，咁我哋下次再見啦～
如果有更多想知嘅內容，都可以隨時留言或者dm話俾我哋知：）
Instagram：creatrip.hk
