東方神起允浩係 「發明王」？
東方神起允浩天生就係「發明王」？唔做演藝界可能更仲更加又發圍？
엑스포츠뉴스
Hello，大家好，我哋係由韓國人話你知每日最新資訊嘅Creatrip。
#東方神起 #允浩
#韓國男團 #天生就係發明家
出道15年嘅東方神起成員允浩唔單止能歌善舞，唔講唔知原來仲好有創意，簡直就係天生嘅發明王。
允浩一直以嚟就對發明充滿興趣，佢喺「與專利廳最契合的藝人」嘅排行調查之中排第一名㗎！
佢即使有幾忙，都會搵時間發明一啲創新嘅嘢，一齊睇下佢究竟發明咗啲咩啦。
✨馬上Follow我哋IG
instagram.com/creatrip.hk
東方神起允浩係 「發明王」？
1. 可以開蓋嘅口罩
呢個發明就真係犀利啦！
允浩發明呢款口罩主要目的係覺得戴住口罩嘅時候想飲水好麻煩，成日都要又戴又除，所以就發明咗呢個創新版口罩。
呢款口罩喺2020年3月16號已經正式登記為專利，所以只要戴呢款口罩，就可以輕鬆咁飲水啦！
呢款口罩係由允浩同佢朋友（instagram：85st_coffee）一齊發明嘅，喺佢嘅ig亦都upload咗教學影片。
咁方便！小編都想買啊！
2. 雙層杯
呢個發明就係允浩為咗環保而發明嘅雙層杯。
呢個杯嘅底部有另外一個小杯仔去裝其他飲品，簡單啲講就姐係一個杯可以飲到兩款唔同嘅飲品。
呢個發明唔單止環保，仲可以一物兩用真係好方便。
3. 杯蓋貼
除咗雙層杯之外，允浩都喺2017年發明咗呢個「杯蓋貼」，喺杯蓋上面貼一貼，就可以喺同一個杯分別飲唔同種類嘅飲品，係唔係好方便呢？
4. 哈哈笑口罩
允浩最近開咗個Youtube頻道叫「發明王（발명왕）」，佢一心想佢戴緊口罩嘅時候啲人都認得佢，唔少粉絲都話好想買呢款口罩啊！
5. 雨傘吸水器
喺「發明王」嘅第二集開始，允浩就整咗呢款雨傘吸水器，佢將海綿放咗喺一條管入面，只要你將用完嘅傘放入去咁就可以吸走曬啲水。
當呢個產品成功攞到專利權嘅時候，允浩話真係超開心！
6. 家用卡拉OK神器
喺第四集「發明王」裡面，佢嘅目標係想可以喺屋企享受到卡拉OK，但希望可以減少到噪音。
允浩同佢嘅朋友竟然諗到用裝雞蛋嘅托盤做隔音，以下呢個就係允浩戴著雞蛋托盤嘅樣啦！
佢地整咗一個迷你K房，主要用紙皮箱做間房，裡面貼滿曬雞蛋托盤。
製作組都有不斷test下個噪音測試，但係律師有講到話因為呢款產品有類似嘅產品已經申請咗專利，所以佢哋就冇辦法再申請啦><
允浩真係好多才多藝，發明咗好多唔同嘅得意嘢，唔知大家最鍾意邊款發明呢？
可以留言話畀小編知啊！
✨馬上Follow我哋IG
instagram.com/creatrip.hk
| 其他延伸閱讀 | |
 韓綜《我們離婚了》 |  韓星「人生金句」 |