全新韓綜《我們離婚了》
咩話?已經離婚嘅藝人夫婦再次同居?淨係聽都覺得太瘋狂!
Hello,大家好,我哋係由韓國人話你知每日最新韓國資訊嘅Creatrip。
#韓國綜藝 #綜藝節目
#我們離婚了 #太瘋狂了
韓國藝節目嘅題材真係日新月異,唔知大家有冇睇過幾年前好流行嘅《我們結婚了》呢?
最近即將新推出一個綜藝節目叫做《我們離婚了》,引起左唔少網民嘅關注。
等小編話畀大家知到底係點嘅一回事啦!
✨馬上Follow我哋IG
instagram.com/creatrip.hk
全新韓綜《我們離婚了》
如果你係有返咁上下資歷嘅韓飯,一定對以前嘅綜藝節目《我們結婚了》唔會陌生!
由2008年開始,一共出左九年。節目係以藝人「假想結婚」做賣點嘅實境仲藝節目,出現這多數都係來自當紅嘅偶像,所以都創造咗唔少令觀眾印象深刻嘅「假想夫婦」。
喺大家一直好期待《我們結婚了》會再重新開拍嘅時候,韓國TV朝鮮竟然即將會推出一套新嘅實境綜藝節目——《我們離婚了》。
呢個咁大膽嘅計劃公開咗之後,即刻引來唔少網民嘅關注同埋討論。
節目係由《戀愛的味道》嘅李國勇導演,KBS《快樂星期天》作家鄭善英聯手打造嘅綜藝節目。
同節目名一樣,係講述一對離婚夫婦重新回顧佢哋分開嘅日子,並且重新同居嘅「新型夫婦」生活實境節目。
目的係想令到夫婦二人可以再重新思考,喺離婚前後未了解過對方嘅生活,可以重新再諗下離婚嘅原因。
消息公布咗之後,演員李英河同鮮于銀淑都確定咗會出演節目。
佢哋係1981年嘅時候結婚,事隔26年,喺2007年嘅時候協議離婚。
韓國媒體報道,兩人離婚13年之後,將會通過新綜藝節目《我們離婚了》重新成為夫妻。
目前節目處於最終協調嘅階段,首播日期仲未確定。
不過呢個開拍嘅消息公開咗之後,唔少網友都紛紛提議以下呢啲已經離婚嘅藝人夫妻出演,一齊嚟睇下有邊個啦!
1.「雙宋夫婦」宋仲基&宋慧喬
2016年人氣好高嘅韓劇《太陽的後裔》就係佢哋結緣嘅主因,佢哋一直否定晒所有緋聞,但喺2017年嘅時候就突然宣布婚訊同舉辦婚禮。
當年結婚嘅時候令所有粉絲都超級羨慕,覺得佢哋係天造地設既一對,可惜係兩年後佢哋正式離婚。
今次呢套新綜藝節目,唔少網民都敲碗要求佢哋出演!
2.安宰賢&具惠善
佢哋喺2015年嘅時候,因為拍攝韓劇《Blood》結緣,兩個人假戲真做最終成為情侶。
佢哋結婚之後仲一齊出現綜藝節目《新婚日記》,佢哋當年夫婦嘅戀愛生活都非常之甜蜜,成日喺鏡頭面前放閃,令到睇嘅觀眾都非常之羨慕!
不過喺舊年,兩個人喺SNS上面鬧到轟轟烈烈,最終係今年正式離婚,各自都重新開始咗新嘅生活。
呢套綜藝節目取材咁「瘋狂」,小編都好想知道拍攝出嚟嘅效果會係點!唔知大家又會唔會期待呢一套新嘅綜藝節目呢?
✨馬上Follow我哋IG
instagram.com/creatrip.hk
其他延伸閱讀 | |
威本爸爸瘦身成功 | 最佳螢幕情侶排行 |