梨泰院爆確診案例
梨泰院夜店爆確診案例！韓媒標題：「Gay夜店」網民鬧爆：邊個敢認自己去過？
Hello，大家好，我哋係由韓國人話你知每日最新韓國資訊嘅Creatrip。
日前，韓國新增嘅一單病例，確認移動路線嘅時候，發現佢喺上星期去過梨泰院，仲要去咗三間夜店，總計接觸者達2,000人。
不過，原本呢單平常不過嘅疫情新聞，卻引起爭議，一齊睇下啦！
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
梨泰院夜店爆感染者
據了解，京畿道龍仁市一個就職IT產業嘅20幾歲男性，5月1號晚11點起，去咗梨泰院三間夜店。
2號返屋企之後，出現發燒同腹瀉症狀，5號檢驗後確診。
同行嘅朋友檢驗後，同樣確診感染新冠肺炎。
對此，感染者去過嘅店家、夜店都表示會配合檢疫。
另外，呢名男子就職嘅公司都已經全面消毒，密切接觸嘅同事亦已接受檢驗同隔離。
不過，呢件事喺韓網出現一番爭論。
原因係呢名感染者去過梨泰院一帶嘅同志夜店，好多韓媒都喺標題都提到呢個男人去咗Gay Club（게이 클럽），試圖增加點擊率。
唔少網民表示：去夜店就去夜店，點解要強調係去過「同志」夜店呢？
部分聲音就嘲諷記者：韓國嘅同志夜店聽講都係同志先會知喺邊，記者係咪去過好多次？
另外，亦有相當理性嘅留言分析指韓國對同志唔太友善嘅情況，可能會令防疫延誤。
新聞媒體大肆報導「同志夜店」，萬一呢啲接觸者真係出現症狀，但自己性取向被公開，而不敢去篩檢，對社會造成嘅問題會更大。
除此之外，好多網民都指責感染者喺呢啲時候仲去夜店，冇遵守當時仲未解除嘅社交距離限制。
呢名男子冇同過感染者接觸，亦冇去過海外旅行。
當局認為佢去梨泰院夜店個陣雖然無症狀，但已處於發病初期，具有傳染力。
防疫當局目前積極檢查緊同確診者有接觸過嘅人，怕首爾再有大批感染者出現。
✨馬上Follow我哋IG
instagram.com/creatrip.hk
| 其他延伸閱讀 | |
 韓國同性戀文化 |  梨泰院「 甜栗」探訪 |