Netflix韓國電影推薦
留喺屋企冇嘢好做？一齊睇戲啦！5套必睇Netflix韓國電影推薦！
Hello，大家好，我哋係由韓國人話你知每日最新韓國資訊嘅Creatrip。
＃韓國電影
＃推薦影片
疫情底下，冇得出街玩，又唔想行山，又買唔到Switch玩動森，一於睇下戲啦！
今日小編就嚟介紹5套好睇嘅Netflix韓國電影，包保套套精彩！
✨馬上Follow我哋IG
instagram.com/creatrip.hk
Netflix韓國電影
1. 娑婆訶（2019）
- 主演：李政宰、朴正民、李才仁
講述韓國教、鬼神嘅懸疑電影《娑婆訶》，係舊年上映嘅電影，非常新。
小編個陣都有去戲院睇。
電影嘅氣氛營造得相當好，場景表達到人對邪神嘅恐懼，令人入戲。
當時上映嘅票房都唔錯，大家喺Netflix都有得睇～
對呢類題材有興趣嘅朋友，星期六日可以搵嚟睇下！
Netflix韓國電影
2. 首爾熱搜（2015）
- 主演：車仁杓，賈斯汀·鍾
故事背景係1986年嘅首爾，當時嘅政府為咗畀海外出世嘅韓國人，重新認識佢哋嘅根，舉辦咗一個Camp。
呢個Camp邀請喺海外長大嘅韓國青年番嚟參加，但每次嘅Camp基本上都係喺一片混亂結束。
故事類型相當少見，算係輕鬆嘅喜劇。
呢啲青年喺Camp入面，逐漸認識到家庭、友情、愛等等，算係一套共同療癒、成長嘅電影。
呢度一樣可以喺Netflix睇到！
Netflix韓國電影
3. TheHost / 韓流怪嚇（2006）
- 主演：宋康昊、邊熙峰、朴海日、裴斗娜、高我星
相信唔洗小編介紹，呢套《韓流怪嚇》大家應該都聽過，可以話係韓國電影走上國際嘅第一步。
呢套戲喺Netflix都有得睇，不過要用英文名《The Host》先搵到。
故事講述首爾漢江出現殺人嘅怪物，造成市民恐慌，展現出人性真實嘅一面。
雖然已經係十幾年前嘅電影，CG特效亦有啲假，但都佔咗南韓電影史嘅一席位。
執導呢套戲嘅奉俊昊導演用佢專屬嘅手法處理，獲得相當高嘅評價。
《韓流怪嚇》上映一個月內，入場人數就超過一千萬，係《阿凡達》上映前韓國史上最賣座嘅電影。
首爾市政府更加製作過怪物嘅大型展覽，引起唔少話題。
來源：Visitseoul
Netflix韓國電影
4. 柳烈的音樂專輯（2019）
- 主演：金高銀、丁海寅
《柳烈的音樂專輯》講述11年嚟，重複相遇、錯過嘅一段戀情。
由教導所出嚟嘅丁海寅，遇到金高銀嘅嗰一日，啱啱就係電台DJ柳烈新節目嘅第一集，自此之後成套電影都充斥住音樂氣氛。
電影樂有浪漫、清新嘅韓國愛情電影風格，劇情上都反覆圍繞住失去、原諒、相遇、和解嘅元素。
清新嘅畫風好啱小編胃口，推薦畀鍾意呢種電影風格嘅朋友。
有興趣嘅朋友，可以喺Netflix搵嚟睇㗎！
Netflix韓國電影
5. 半世紀的諾言(2014）
- 主演：黃晸玟、金侖珍、吳達庶、羅美蘭等
《半世紀的諾言》電影海報
故事講述男主角經歷過1950年韓戰、1963年嘅赴德運動、1974年越南戰爭等大事。
觀眾就好似睇住佢成長一樣，由細個個陣同妹妹失散，到最後透過電視台成功搵番失散妹妹，同時電影仲講述咗南韓近半個世紀嘅歷史。
小編睇個陣都忍唔住喊咗出嚟，真係好感人，仲要呢類電影嘅朋友唔好錯過啦！
唔知呢5套電影大家鍾唔鍾意呢？
其實仲有好多Netflix韓國電影都好有趣～
小編今次介紹咗一啲人氣好高，相對好評都多嘅電影畀大家，一齊留喺屋企追劇啦！
✨馬上Follow我哋IG
instagram.com/creatrip.hk
| 其他延伸閱讀 | |
 Netflix韓劇 |  2020韓國電影 |
