武漢肺炎有用APP/網頁
武漢肺炎有用APP/網頁
哈囉，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃韓國確診＃新型肺炎
＃APP ＃網頁
大家應該知道，繼中國之後韓國而家已經成為第二多確診者國家。
因為疫情越嚟越嚴重，韓國國民衛生意識都慢慢增強。
如果大家咁啱喺韓國，小編推薦以下幾個APP同網頁比大家，等大家可以知道最新武漢肺炎資訊。
Creatrip亦為咗要嚟韓國旅行嘅大家著想，將持續更新相關新聞（點我），大家唔需要太過擔心同緊張，記住出門口一定要戴口罩同勤洗手！
武漢肺炎有用APP/網頁
1. NAVER APP/網頁
相信大家對NAVER都唔會陌生，因為NAVER就係韓國人最常用嘅搜尋網。
大家如果想最快知道最新武漢肺炎現況，用佢就唔會有錯。
大家只要喺搜尋位到打「우한 폐렴 」或「코로나 현황」就會搵到以下圖表。
因為NAVER主要顯示嘅都係韓文，為咗方便大家睇，小編將韓文譯咗比大家睇。
大家只要跟住顏色去睇就可以。
網址：https://www.naver.com/
2. 코로나19 (COVID-19)
呢一個網站可以話係小編最常用，因為佢係更新得最快而且最準。
佢唔單止可以睇到韓國最新情況，就連其他國家都可以睇得到。
小編為大家每日更新確診者都係靠佢！
因為暫時亦係只得韓文版，如果大家想睇中文版可以武漢肺炎確診案例（點我）
3. 코로나맵 (coronamap)
只要一入到去網站，大家最先會見到Notice, 只要撳속보(速報)，大家就可以睇到最新情況。
呢個網站主要係話比大家知，確診者去過邊度，大家只要避開唔去就可以。
小編大約Cap咗幾個大家想常會去嘅地方比大家睇。
大家可能會諗點解會有咁多細圓圈同數字，小編簡單同大家介紹：
綠色圈代表：數字係指第幾位確診者+ 圓圈係指確診者喺9日前以上去過
黃色圈代表：確診者24小時以上但未滿9日前去過
紅色圈代表：未滿24小時前確診者去過嘅地方
大邱
釜山
濟州
4. 신천지위치알림
呢個APP可以話係最新研發，一入去見到好多紅色圈，紅色圈係代表嗰嗰區域有幾多間新天地教會。
小編冇諗過....原來新天地教會喺整個韓國足足有731間咁多，小編建議大家經過時最好都係小心啲。
最後，為咗大家之後嚟韓國，可以更快得到更多關於肺炎資訊，大家可以（點我）去了解更多。
✨馬上Follow我哋IG
instagram.com/creatrip.hk
| 其他延伸閱讀 | |
 韓國入境規則改 |  首爾旅遊懶人包 |
 港韓直飛懶人包 |  韓國防疫新做法 |