白種元餐廳總整理
白種元老師旗下美食餐廳總整理！CP值超高美食你又食過邊啲？
Hello，大家好，我哋係由韓國人話你知每日最新韓國旅行資訊嘅Creatrip。
同時係代言人、廚師兼老闆嘅人，全韓國就只有白種元最成功，佢可以話係家傳戶曉嘅韓國美食達人。除咗大家有睇開白種元喺節目上推薦嘅韓國餐廳之外，白老師嘅自家品牌更係一定要食，究竟有邊啲？位置又分布喺邊到？收藏呢篇文章就可以一次過睇晒啦！
白鍾元個人履歷
白種元出生於忠清南道禮山農村一個富裕家庭。 因為受曾祖父影響，佢喺好細個嘅時候，就對生意產生興趣，喺佢讀緊延世大學Year1嘅時候，第一份Part time就喺酒吧都返工，之後入到軍隊又開始幫手煮嘢食 ，慢慢積累經驗。
退伍之後，他接手咗一間「元祖菜包飯餐廳」，諗住認真踏入飲食界。 不過可惜因為IMF影響，要孭起17億韓幣債務，正當佢諗住放棄嘅時候，佢去咗香港一轉，食過香港嘅美食之後再返嚟韓國諗住重新出發。
佢重新振作諗住再搞好返「元祖菜包飯餐廳」，同時開始發展大家都熟知嘅「韓信大排檔」連鎖店。因為佢識得投資同埋點做，好快就獲得好成績同成就。
白種元拍過嘅電視節目
雖然白種元唔係一位藝人，但由2010年起，佢就已經出現過20幾部電視節目，當中為大家介紹佢幾套代表作。
真正韓國味道 (2010年 - 2011年)
呢個係白種元第一次上嘅電視節目，佢要去一啲比較鄉下地區，一邊搵由老人家製作嘅食譜，一邊介紹傳統味道。
韓食大賽2（2014年）
喺全國唔同地區搵嚟韓食專家，嚟一場烹飪比賽，當時白種元係以評判出現，當時佢俾咗唔少專業意見，因為呢個契機，俾人知道佢除咗係一位餐廳老闆之外，仲係一位對食物好有研究嘅人。
My Little Television（2015年 - 2017年）
而令最多人識佢係2015年出現MBC節目《My Little Television》，當時佢邊煮嘢食，邊同觀眾交流，教大家一啲喺屋企都可以簡單做嘅食譜，深受大家歡迎。
白種元的胡同餐館（2018年至今）
由2018年開播至今嘅《白種元的胡同餐館》，唔單止韓國受歡迎，喺海外都有唔少人追捧，白種元會親自去餐廳同老闆見面，之後客觀分析佢哋餐廳狀況，之後再俾一啲專業意見。
Paik's Cuisine YouTube （2019年至今）
除咗會上唔同電視節目之外，佢仲係一位YouTuber，佢會上傳好多唔同韓食食譜，而家有成500幾萬人訂閱，2019年6月13號第一個影片，只係用咗45個鐘就已經有1百萬人訂閱。以當時韓國國內YouTube嚟講，係最快有1百萬訂閱嘅人。
美味的廣場（2019年2021年）
《美味的廣場》係韓國SBS綜藝節目，佢哋以幫助農業同地區經濟發展為宗旨，利用各地區當地產品開發新菜式。
喺韓國五花肉同埋梅花肉係最多人食，所以好容易令人忘記食後腿肉，韓豬自助金管理委員會同白種元合作，一齊推出「빽햄」罐頭，之後佢仲上 BTS節目《Run BTS!》一齊宣傳，BTS成員仲要用「빽햄」嚟煮飯對決，最後由白種元做評判。
白種元可以話係飲食界方面創造咗唔少成功神話，佢會用自己能力去幫助一啲餐廳或者農作物。
而家就等我哋睇吓，佢自己本身有幾多間餐廳啦！
白種元餐廳總整理
1. 香港飯店0410（홍콩반점0410）
唔使小編多講，香港飯店可以話係白種元老師最出名餐廳之一，雖然名係寫香港但唔係食香港料理㗎~ 炸醬麵、糖醋肉同辣海鮮麵，完全係去韓國一定要食。唔單只份量十足，價錢亦非常公道，只要見到홍콩반점紅色招牌，就一定要入去試吓啦。
- 明洞店：서울 중구 명동10길 14
- 弘大店：서울 마포구 와우산로23길 44 B1
- 東大門店：서울 중구 장충단로13길 11
- 釜山西面店：부산 부산진구 중앙대로680번가길 38
- 釜山廣安里店：부산 수영구 광안해변로 193 2F
- 釜山海雲台店：부산 해운대구 중동1로 29
2. 新村食堂（새마을식당）
新村食堂都係好出名嘅白種元餐廳，主打平而且品質唔差嘅烤肉，要食到飽又唔想洗好多錢，唔再只有烤肉放題，白種元老師嘅「新村食堂」可以話唔會令各位失望。鮮嫩多汁嘅烤肉同泡菜鍋，真係值得一試再試。
- 弘大店：서울 마포구 어울마당로 144
- 新沙店：서울 강남구 도산대로11길 34
- 鐘閣本店：서울 종로구 우정국로2길 42
- 大學路店：서울 종로구 대학로11길 3
- 釜山慶星大店：부산 남구 용소로8번길 7
- 大邱東城路店：대구 중구 동성로5길 75
3. 韓信大排檔（한신포차）
唔需要刻意去網修，只要有位再搭配幾款菜，呢一種就係韓國人最鍾意嘅餐酒館。每到週末嘅夜晚，「韓信大排檔」就會勁多人去食，喺呢到點份主菜，剩低嘅就用酒精填滿，超級滿足XD。
- 鐘路店：서울 종로구 삼일대로17길 40
- 弘大店：서울 마포구 잔다리로 13
- 新村店：서울 서대문구 연세로7안길 10-4
- 大學路店：서울 종로구 대학로12길 13
４. 站前烏冬0410（역전우동）
站前烏冬由來係白種元老師喺車站前面一個人食住烏冬，想等大家都有呢種毫無負擔空間可以食飯，而站前烏冬唔單止平而且仲有舒適空間，呢嗰正正係白老師真正落實嘅成果。
價錢全部都好平！一人份飯或麵，食起嚟毫無負擔又有飽足感。
- 弘大店：서울 마포구 어울마당로 127-1
- 江南店：서울 강남구 테헤란로4길 46
- 建大店：서울 광진구 아차산로 224
- 東大門店：서울 종로구 종로 300-1
- 釜山西面店：부산 부산진구 중앙대로680번가길 9
5. 石拜基家烤肉（돌배기집）
石拜基家烤肉亦係白種元老師旗下之作，但呢個相對就無咁出名，相對於近似嘅「新村食堂」，石拜基家烤肉價錢、服務都差唔多，大家可以喺街上留意一下有無見過呢間店鋪。
- 新村店：서울 서대문구 명물길 37
- 蠶室店：서울 송파구 올림픽로32길 18 7호
- 永登浦店：서울 영등포구 영중로4길 6-1 1층
- 釜山西面店：부산 부산진구 신천대로62번길 47
- 釜山海雲台店：부산 해운대구 양운로80번길 8
6. 白鐵板0410（백철판）
睇咗咁多烤肉，想食啲唔同嘅肉，白種元老師都可以滿足大家嘅需求！白鐵盤主打辣炒雞排，喺各處都有分店，滿滿一鍋辣炒雞排完全係唔分季節都可以享用嘅美味，下次嚟記住要試吓。
- 弘大店：서울 마포구 양화로16길 34
- 建大店：서울 광진구 동일로22길 105
- 江南店：서울 강남구 강남대로78길 16
- 釜山海雲台店：부산 해운대구 구남로12번길 4
7. Paik's Coffee（빽다방）
相信呢間店都唔使小編介紹，都知道佢係一間超高CP值嘅連鎖咖啡廳，一大杯飲品都唔超過₩4,000，出面咖啡廳一杯美式咖啡都超過呢個價錢，可以話非常超值，而且分店周圍都有，經過嘅時候就飲返一杯啦。
8. 未定麵店/美情麵條（미정국수）
未定麵店同白種元老師嘅「站前烏龍」有啲似，但呢到更主打麵類料理，除咗湯麵、撈麵、餃子麵等等，同樣都係走大碗特色。周圍都有分店嘅未定麵店，咁啱經過又肚餓嘅話，可以去呢到充吓飢。
- 弘大店：서울 마포구 홍익로 10
- 江南店：서울 서초동 1308-10
- 仁寺洞店：서울 종로구 삼일대로 405
當然白鍾元老師旗下品牌都唔只得呢八間，仲有好多美食品牌係小編仲未介紹，但仲沒試過嘅朋友！去韓國試吓啦，白種元老師美食絕對唔會令各位後悔。
如果有更多想知嘅內容，都可以隨時留言或者dm話俾我哋知：）
Instagram：creatrip.hk