弘大7FACE化妝掃

女士必睇！超靚又好用嘅化妝掃！弘大「7FACE」必買嘅高質手工化妝掃

Yeong

4 years ago

Hello，大家好，我哋係由韓國人話你知每日最新韓國資訊嘅Creatrip。

＃弘大＃美妝店

＃化妝掃＃韓妹必行

＃7Face＃美妝用品

弘大真係個購物天堂，唔單止服飾店多，仲有好多好好買嘅文具精品店。

弘大商圈有間專門賣化妝掃嘅「7FACE」，最近人氣越嚟越高。

弘大商圈開咗兩間7FACE，唔少商品都主打手工製作嘅化妝掃，快啲睇下小編嘅探訪後記，下次都嚟睇下。

✨馬上Follow我哋IG
instagram.com/creatrip.hk

睇到招牌，就知係賣咩啦！主打化妝掃嘅7FACE，雖然店內空間唔大，但就佈置得非常雅致，而且幾百種化妝掃，各種款式、功用都有，咁多位一定要嚟行下。

真係一入到嚟7FACE，就會被咁靚嘅化妝掃吸引，做成好似花嘅形狀。

唔單止實用，用嚟送禮都好得體。

想送啲嘢畀朋友？不妨嚟7FACE行下啦！

真係有好多款，仲要款款都好靚。而且仲有sample畀大家摸一摸啲毛。

而且7FACE好有創意，將化妝掃整成花束，送畀女性朋友就夠晒特別。

7FACE現場仲有試用區，可以喺呢度直接感受各種化妝掃嘅觸感同試下好唔好用。

咁就唔怕買咗化妝掃之後，返到屋企先知唔啱用。

睇到呢度，姊妹們係咪蠢蠢欲動，好想嚟呢？

唔同用途嘅化妝掃都分門別類放好，一目了然。

雖然7FACE嘅化妝掃價格，比一般開架品牌嘅化妝掃貴，但店家主打手工制作，而且每款都唔一樣，喺韓國美妝界係好出名嘅牌子。

喺7FACE唔需要擔心語言不通，因為標價上面都會有中文，寫明化妝掃嘅主要用途。

當然唔係淨係得一般嘅化妝掃啦！其他比較特別嘅美妝蛋、粉餅都有，大家可以慢慢揀。

弘大7FACE嘅兩間分店裝修風格唔太一樣，大家有興趣嘅可以兩間都行下，但化妝掃基本上冇咩分別。

唔同功能、大細都有，平時化開妝嘅朋友一定好鍾意呢度！畢竟化妝掃買多多都唔怕！

大家之後嚟弘大，唔單止可以喺化妝品店買化妝品，想買化妝掃嘅朋友。

小編推薦大家可以嚟弘大嘅7FACE行下，因為真係種類超多！

完全係韓國化妝掃界嘅第一把交椅。

大家都嚟弘大7FACE揀返支自己鍾意嘅刷具啦！用嚟做禮物送畀人，都係非常好嘅選擇嚟㗎！

✨馬上Follow我哋IG
instagram.com/creatrip.hk

其他延伸閱讀
美妝韓文教學	弘大荒謬的生肉