薄荷朱古力新產品
薄荷朱古力而家係大勢！小編為大家盤點最近韓國推出9款薄荷朱古力口味新商品！
Hello，大家好，我哋係由韓國人每日提供最新韓國旅行資訊嘅Creatrip。
唔知大家係薄荷朱古力派定係反薄荷朱古力派呢？最近喺韓國，唔少食品公司都出咗好多薄荷朱古力嘅產品，今日就等小編同大家介紹有邊幾款啦！
薄荷朱古力新產品
1. HERSHEY’S 薄荷朱古力威化餅
價格： 1,800won
卡路里：330 kcal
購買地點： 7-11、 CU、各大超市
一盒有兩包裝，一包有六條，喺威化餅中間有一層薄薄嘅薄荷朱古力cream。
呢款唔算有好濃嘅薄荷朱古力味，好適合想挑戰食薄荷朱古力嘅新手。佢唯一有啲可惜嘅係，威化餅好薄同好易碎，食嘅時候要小心，如果唔係好易整污糟其他地方。
2. KANU 薄荷朱古力鮮奶咖啡
價格：4,500 won
卡路里： 80 kcl/包
購買地點：7-11、GS25、CU、各大超市
相信大家對KANU呢個咖啡牌子唔陌生，佢係韓國出名嘅速溶咖啡品牌之一。今次佢推出咗薄荷朱古力鮮奶咖啡，每盒有八包，就連包裝都用咗薄荷綠色，相當吸引。
KANU
呢杯鮮奶咖啡味道有少少咖啡嘅苦味，加上薄荷嘅香氣，一開始覺得唔算好濃味，但飲完之後，喉嚨嗰種薄荷涼快感會即刻湧上嚟，小編覺得飲嘅時候可以再加少少冰，會更加好飲。
3. CRUNKY 薄荷朱古力波
價格：1,500 won
卡路里：215 kcal
購買地點：GS25、各大超市
CRUNKY本身就出名食呢款朱古力波，今次推出薄荷朱古力口味，相當令人期待！
有啲可惜嘅係薄荷朱古力皮做得有啲薄，不過朱古力裏面有杏仁，食落都幾好味。有時做嘢做到攰，都可以食返一包補充吓能量！
4. Orion 薄荷朱古力草菇餅乾
價格：1,000 won
卡路里：271 kcal
購買地店：GS25、各大超市
呢款薄荷朱古力草菇餅乾，只睇外表已經俾佢吸引咗。
盒入面有一包好可愛嘅草菇餅乾，只食一粒，薄荷味就會喺大家嘅口中一直蔓延。
小編個人幾推呢一款，如果係薄荷朱古力控應該都會幾鍾意呢隻味。
5. ABC 薄荷朱古力曲奇
價格：1,000 won
卡路里：230 kcal
購買地點：GS25、各大超市
ABC呢個牌子以賣平嘅朱古力而出名，今次推出薄荷朱古力口味，都只係1,000won，價錢相當之抵！
雖然外表唔太討好…
不過佢都幾有薄荷味，食落有啲甜，小編覺得可以配咖啡一齊食會比較好。
6. Lotte 薄荷朱古力餅乾
價格：1,500 won
卡路里：550 kcal
購買地點：CU、各大超市
呢款係樂天推出嘅薄荷朱古力系列夏季特別版，只睇包裝已經覺得好吸引。
一盒有兩包，一包有六個，最啱口痕嘅時候拎一包出嚟食。
佢同第一款HERSHEY’S 薄荷朱古力威化餅一樣，中間都係有一層好薄嘅薄荷朱古力cream，但因為餅乾比較厚同實，食嘅時候唔會咁易跌哂啲碎，而且味道更加好食。
7. Orion情 - 薄荷朱古力批
價格：2,980 won
卡路里：131 kcal/包
購買地點：GS25、各大超市
情呢個牌子係好多人嚟到韓國都會買嘅手信之一，今次佢推出薄荷朱古力口味，當然都要買返一盒嚟試吓！
只係食一啖，薄荷味就會喺大家口中蔓延，超濃味，薄荷朱古力派嘅人一定要掃幾盒。
8. Choco Pie House 薄荷朱古力批
價格：2,500 won
卡路里：282 kcal
購買地點：7-11
Choco Pie House喺韓國都係一個出名食朱古力批嘅牌子，咁多款餅乾之中，呢款薄荷味係最濃，只食一啖，薄荷味都可以喺口入面留好耐！
呢個朱古力批要放喺攝氏0-10度嘅雪櫃保存，咁樣食嘅時候會更涼爽。
雖然係好味，不過佢卡路里相當高 。
9. Good Day 薄荷朱古力燒酒
價格：1,800 won
購買地點：7-11
Good Day喺韓國係出名燒酒牌子之一，今次為咗迎合年輕人口味，推出咗薄荷朱古力口味。
薄荷朱古力嘅酒精含量只有 12.5%，低於現有嘅燒酒。
只要打開蓋，就已經聞到好淡淡的薄荷朱古力味，令人有啲意外嘅係，呢款酒相對有啲甜，完全唔覺得自己係飲緊酒，如果平時覺得普通燒酒太苦，可以試吓呢隻味。
今日同大家介紹咗最近韓國推出嘅薄荷朱古力新口味商品，係薄荷朱古力批嘅朋友今次真係有福啦！之後嚟韓國，大家又會唔會將佢哋全部掃哂返去呢？另外如果想快啲試到嘅朋友，都可以搵我哋代購㗎！薄荷朱古力產品 撳我
如果有更多想知嘅內容，都可以隨時留言或者dm話俾我哋知：）
Instagram：creatrip.hk