Hello，大家好，我哋係由韓國人每日提供最新韓國旅行資訊嘅Creatrip。

薄荷朱古力又一突破！據業內人士表示，釜山．慶南燒酒公司舞鶴（무학/Muhak）創立嘅Good Day燒酒（좋은데이）將於下個月推出薄荷朱古力口味，相信會令「薄荷朱古力派」同「反薄荷朱古力派」雙方嘅爭持更加激烈！

開發人員指今次嘅新口味主要係以年輕人為對象，酒樽用上「Good Day 1929」嘅透明樽，代替現有嘅綠色燒酒樽，加上薄荷嘅獨特顏色，令佢睇起嚟好似一個淺藍色嘅樽，有一種清爽嘅效果。

비즈니스워치

MZ一代（10-30多歲）興起低酒精熱潮，所以Good Day薄荷朱古力嘅酒精含量只有 12.5%，低於現有嘅燒酒。另外，雖然薄荷朱古力嘅味道好獨特，最近掀起咗熱潮，被廣泛應用喺麵包、雪糕、甚至炸雞等各種產品上，但係薄荷朱古力嘅味道亦唔係每個人都接受到，更加有人覺得好似牙膏而相當抗拒。有見及此，開發人員保留薄荷朱古力嘅味道同風味之餘，將朱古力味調配至比薄荷味強一啲，盡量減低對薄荷朱古力味嘅抗拒感。

薄荷嘅清涼，朱古力嘅香甜，燒酒嘅苦澀味，三者加埋一齊，究竟會係咩味呢？大家又想唔想試？

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購