韓國職場術語
喺韓國返工除咗要有「眼色」之外，職場術語你又識幾多？
Hello，大家好，我哋係由韓國人每日提供最新韓國旅行資訊嘅Creatrip。
唔少人都可能會希望喺韓國返工，體驗一吓職場生活，不過有時一啲用語，講出嚟同做嘅未必係一樣，一齊睇吓有邊啲！
韓國職場真假用語
之前韓綜《劉QUIZ ON THE BLOCK》就有請一位做fashion行業嘅負責人，當中有一個主題係講「職場人語言解釋本（직장인 언어 해석본）」，唔少人睇完到大笑，因為有時我哋口講，同心入面未必一樣，當中有幾個例子想同大家分享！
喺韓國返工，第一樣嘢要學識嘅就係要識睇人「眼色」，呢樣可以話係喺韓國生活需要嘅技能之一，做任何野都好需要有sense。而家就講啲例子俾大家知，喺韓國返工邊啲句子要特別注意啦！
1. 네 언제든지 연락 주세요（有咩問題隨時都可以搵我）
講：네 언제든지 연락 주세요（有咩問題隨時都可以搵我）
心諗：연락 주지마세요（千祈唔好搵我）
喺韓國職場想同人打交道，喺分開嘅時候都會講話，有咩問題都可以隨時聯絡我，但其實唔少人心諗千祈唔好搵我。
2. 담당자가 자리를 비워서（負責人而家唔喺度）
講：담당자가 자리를 비워서（負責人而家唔喺度）
心諗：내 책임은 아니다（唔係我嘅責任）
相信一間公司唔同嘅人都會負責唔同嘅位，但如果收到電話有人問嘢，唔係自己做開嗰範，好多時都會直接講담당자가 자리를 비워서（負責人而家唔喺度），直接推翻個波俾同事。
3. 언제까지 드려야 할까요?（幾時要交俾你？）
講：언제까지 드려야 할까요?（幾時要交俾你？）
心諗：오늘까지는 아니라고 해주세요.（千祈唔好講係今日。）
有時收到上司叫你做嘢，佢冇講到幾時要交，但相信冇人會想聽到係今日掛！
4. 언제까지 주실 수 있나요?（幾時可以交俾我？）
講：언제까지 주실 수 있나요? （幾時可以交俾我？）
心諗：지금 주세요.（而家交俾我。）
老闆問到幾時可以交俾我，多數都唔會想你拖，其實係想你當日交。
5. 다음부터 참고하겠습니다（下次開始會參考）
講：다음부터 참고하겠습니다（下次開始會參考）
心諗：이번에는 안 하겠습니다（但今次唔會參考）
好多時講다음부터 참고하겠습니다（下次開始會參考），至少有90%以上係解今次係唔會參考。
6. 가능한 부분을 찾아보겠다 （我會試吓再搵吓有咩可以做到）
講：가능한 부분을 찾아보겠다（我會試吓再搵吓有咩可以做到）
心諗：블가능하다（冇可能搵到）
好多時可能報告完，之後老闆覺得唔滿意會叫你去重做，叫你重新搵過啲資料，但其實可能你會覺得搵到嘅已經寫晒，就算再試吓搵，一樣都冇可能加到啲咩。
7. 사실은（其實呢）
講：사실은（其實呢...）
心諗：사실이 아니다（冇其實呢回事）
好多時老闆問你點解啲嘢仲未做晒，大多數人都會用其實呢…去做開頭，一可能真係有原因，二來可能只係一個藉口。
唔知香港有冇邊啲職場術語，其實都係口講同心諗唔一樣呢？歡迎留言話俾我哋知，可以一齊討論吓！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
