2024韓國E道「SeS自動通關」教學&注意事項
原來遊客都可以行韓國海關E道！SeS自動通關申請資格、注意事項、常見問題
Hello，大家好，我哋係由韓國人每日提供最新韓國旅行資訊嘅Creatrip。
而家大家都已經可以自由四圍去旅行，最近亦都有越嚟越多人嚟韓國玩，所以過關嘅時候成日都要排長龍，要等勁耐先可以入到境... 呢個時候相信大家都會好羡慕可以行E道嘅韓國人，但大家又知唔知其實外國遊客都可以申請自助通關呢？
韓國旅行必備💡
想直接睇最想睇嘅部份？
打開目錄就可以跳去！
韓國E道「SeS自動通關」
韓國SeS自動通關介紹
경향포토
香港人只要事先申請SeS，就可以好似韓國人咁入境嘅時候行E道，唔洗曬咁多時間排隊等人工海關櫃檯。而就算冇另外申請過自助通關，出境嘅時候亦都可以直接行無人自助通道，快啲入到禁區！
申請SeS自動通關資格
- 持有免簽證晶片護照人士
- 需年滿17歲
- 護照有效期需至少6個月以上
- 過去冇韓國犯罪紀錄
事先喺韓國指定地點申請自動通關，日後喺外國入境韓國就可以自助過關，而有效日期同護照有效期一樣，唔洗每次入境都申請一次。
不過有唔少朋友都有DM小編話，就算已經申請好，有啲人會成功，亦都有啲人會唔得，但係暫時仲未有一個確實原因解釋到呢個現象，建議大家如果唔得嘅話可以換一部機再試一試。
申請SeS自動通關地點
仁川機場T1
- 地點：3樓出境大樓H區前
- 服務時間：07:00-18:00
仁川機場T2
- 地點：2樓政府綜合行政中心
- 服務時間：07:00-18:00
金浦國際機場
- 地點：2樓出入境辦事處（출입국민원실）
- 服務時間：星期一至五 09:00-18:00（Lunch Break 12:00-13:00）
釜山金海國際機場
- 地點：2樓出境事務科（출국사무과）
- 服務時間：星期一至五 09:00-18:00（Lunch Break 12:00-13:00）
大邱國際機場
- 地點：2樓大邱出入境機場遺失物室
- 服務時間：星期一至五 09:00-18:00（Lunch Break 12:00-13:00）
濟州國際機場
- 地點：3樓貴賓室前
- 服務時間：星期一至五 09:00-18:00（Lunch Break 12:00-13:00）
- 地點：首爾站機場鐵路B2/F辦事處（출장소）
- 服務時間：星期一至五 09:00-18:00（Lunch Break 12:00-13:00）
以上資料來自HiKorea官網，如果想喺其他城市（例如仁川、水原、清州、大田、光州等）辦理，可以去官網參考。
申請SeS自動通關教學
如果大家打算出境當日去申請，記住要預早多少少時間去，避免發生錯過check-in或者登機時間等等嘅問題。另外如果有咩問題，或者搵唔到申請地點，都可以問機場工作人員。
注意事項
- 自助通關有效期=護照有效期（如果有換過護照需要重新申請）
- 申請後入境唔需要寫入境卡（但仍需填寫海關申報表）
- 需本人辦理
- 可以填香港電話號碼
入到去辦事處首先要撳下面個紫色掣攞籌，然後等叫號碼。
之後只要跟住職員指示記錄雙手指紋同影相，再填埋電話號碼就得（可以用香港電話號碼，冇韓國號碼都唔緊要），成個過程5分鐘就可以搞掂！
整完之後就會幫你痴張貼紙喺護照上面，上面會寫埋有效日期，喺有效期內入境同出境韓國都可以直接行E道啦！
SeS自動通關FAQ
Q. 申請自動通關會很麻煩嗎？
A：唔會，大概5分鐘可以申請完！
Q. 護照類型有冇限制？
A：護照需要有內建晶片先可以成功辦理自助通關。
Q. 我已經申請咗，但係點解用唔到？
A：因為每個人保管護照嘅方式唔同，護照晶片狀態都可能會唔同，亦都可能有時候呢部機用唔到，換一部機就可以正常過關，如果試極都唔得嘅話建議向現場工作人員查詢。
Q. 自動通關資格有效期會去到幾時？
A：同你本護照嘅有效日期一樣，所以如果護照過期，自動通關資格亦都會隨即失效，換新護照之後記住要重新申請過！而如果你係持有韓國長期簽證嘅外國人，自動通關資格有效期就會同簽證有效期一樣（長期簽證仍然有效，但係護照過期嘅話，換新護照之後唔需要另外申請SeS；但係如果簽證過期或者之後會用其他簽證入境就需要另外申請）。
Q. 換新護照之後之前申請嘅自動通關仲用唔用得？
A：好似頭先所講，無論係護照到期定整唔見咗本護照需要補發，只要一換護照就一定要重新申請。
Q. 我申請咗自動通關但係護照上面冇貼貼紙...？
A：以前都會貼一張貼紙，但係而家都幾random吓。不過因為所有資訊都係透過電腦同護照晶片記錄，所以就算冇貼貼紙都唔需要擔心。
Q. 小朋友可唔可以申請？
A：唔可以，需要年滿17歲先符合資格申請。
Q. 冇申請自動通關都可以自助出境？
A：係，只要入境有資料+你冇喺韓國發生咩大事或者犯罪，出境嘅時候就算冇申請自動通關都可以直接行E道。
以上係韓國自助過關服務SeS嘅介紹，希望可以幫到準備嚟韓國玩嘅你啦！
喺仁川機場仲可以...
去旅行之前相信大家都要準備好多嘢，除咗買機票同book酒店，換錢、買Sim卡同交通卡都係必做動作之一！而家呢三樣野可以一次過喺機場搞掂曬，價錢仲平過坊間其他服務，想慳時間慳錢不妨可以參考吓！
平時大家都要走到首爾市區先可以用比較好嘅匯率換到錢，其實都真係幾嘥時間。透過我哋預約換錢可以直接喺機場以最平、最快、最方便方式攞到錢，即刻開始韓國之旅！大家仲可以事先用我哋嘅匯率計算機計可以換到幾多錢，仲會話你知可以慳到幾多！
去旅行冇data上網真係好唔方便！呢個時候大家應該都會事先買定韓國本地SIM卡或者租定WIFI蛋，我哋網站有一系列價錢實惠得嚟網速夠快嘅產品，仲可以一到埗就直接喺機場攞！
通常大家喺首爾玩都會選擇搭公共交通工具，手上有返張交通卡會方便好多！唔想出到首爾市區先臨急臨忙買？大家可以考慮透過我哋預訂交通卡，一到埗30秒內就可以即時拎到！
今次我哋爭取到同韓國超紅卡通人物BELLYGOM合作推出限量又獨一無二嘅交通卡，搭車同喺便利店+指定店鋪消費都可以用到！仲會先幫你入定₩5,000，等你可以攞到即用！大家可以透過Creatrip App隨時確認餘額&交易記錄，夠曬方便！
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com