景福宮韓服 | 韓服衣櫥
每個時段只會接受1組客人預約嘅韓服鋪！到底有幾特別？
Hello，大家好，我哋係由韓國人每日提供最新韓國旅行資訊嘅Creatrip。
景福宮真係有好多間韓服鋪，今日小編要去嘅係由專業攝影工作室「北村照相館」自家開嘅韓服租借鋪「韓服衣櫥」，聽講同其他鋪頭好唔同，跟住小編一齊去睇吓啦！
想影韓服靚相？
景福宮「韓服衣櫥」資訊
- 地址：서울 종로구 윤보선길 65 B1F
- 營業時間：09:00-20:00
- 可預約時間：09:00 / 13:00 / 17:00
- 語言：韓文、英文
景福宮「韓服衣櫥」推薦原因
- 由專業攝影工作室開設，所有韓服設計同顏色都超上鏡！
- 提供小童韓服，一家大細可以襯返套韓服去影家庭照！
- 每個時段只會接受1組客人嘅預約，服務夠周到之餘唔怕自己想著嗰套韓服會俾人租走咗！
- 想著住韓服影相嘅話可以預約埋室內攝影棚，相當方便！
- 位於景福宮同安國站之間，一次過可以去唔同地方參觀同打卡！
景福宮「韓服衣櫥」Creatrip獨家優惠
景福宮「韓服衣櫥」價錢
高級傳統韓服租借 （4小時） | ₩50,000 (50000) |
※成人、小童韓服價錢相同
景福宮「韓服衣櫥」退款政策
| 預約後至體驗7日前取消 | 全額退款 |
| 體驗6日前或其後取消 | 不設退款 |
景福宮「韓服衣櫥」注意事項
- 請最少喺3日前完成預約，你亦可以喺60日前進行預約。
- 免費服務：韓服緞帶編髮服務、低髻編髮服務、頭飾、韓式繩結吊飾、手袋、鞋、帽
- 付費服務：髮簪編髮服務（₩5,000）
- 如同時預約室外拍攝，將免費提供玉戒指及冬季配飾。
- 同時段只接受1組客人預約（最少1人、最多10人同行）。
- 請按照人頭數預約。
- 體驗當日請準時到達，遲到超過10分鐘或以上預約將自動取消，屆時將不設任何退款。
- 唔需要俾任何保證金，不過需要放低護照副本。
- 韓服上身衫最多可以試著2次，裙只可以試著1次；如果想再試衫，每次需要額外支付₩5,000。
- 如果著淺色系上身衫，有可能會透底，建議體驗當日著白色或者肉色打底衫。
- 提供小童韓服（適合1~13歲小童），14歲或以上人士請穿著成人韓服。
- 如果遲還衫，每30分鐘將會收取₩5,000罰款。
- 如韓服出現髒污或損毀情況，「韓服衣櫥」有權向你徵收洗衣費或韓服製作費用。
- 如需更改預約，或有任何疑問，請send email到help@creatrip.com查詢。
景福宮「韓服衣櫥」預約流程
| STEP 1. | |
| STEP 2. | 請填寫所有相關資訊， 我哋會喺1-2個工作天內確認預約， 如果需要更改日期/時間我哋會另外通知你。 |
| STEP 3. | 體驗當日請準時到達，向職員出示預約記錄。 |
| STEP 4. | 開始體驗！ |
景福宮「韓服衣櫥」範例圖片
景福宮「韓服衣櫥」介紹
今日小編嚟到位於安國站同景福宮附近嘅「韓服衣櫥」租韓服！呢度最特別嘅係每個時段只會招待1組客人，揀/試韓服嘅時候會舒服自在好多~ 而家透過Creatrip預約仲可以平₩10,000（10000），大家都唔好錯過呢個機會啦！
「韓服衣櫥」前面就係韓國文化財之一嘅尹潽善家，連鋪頭前面條小路都好靚好有feel！
行落地下嗰層就會去到「韓服衣櫥」，因為呢度本身都係一間專業攝影工作室，所以沿著樓梯會見到唔少攝影師嘅作品。
入到去就會見到有超多韓服同各式各樣嘅飾物同鞋等等，全部都好新淨！
職員確認好你嘅預約之後，大家就可以去放低同鎖好行李，然後就可以去揀衫啦！
好似頭先所講，「韓服衣櫥」一次只會接待1組客人，所以唔會出現自己想著嘅款式俾人租走咗嘅情況！如果大家會預約埋北村照相館嘅拍攝服務，職員仲會按照你嘅形象同拍攝主題推薦韓服俾你！
「韓服衣櫥」嘅韓服比較貼近傳統韓服，而且因為用料同設計夠高質，著上身線條睇落會更加靚更加典雅。而顔色方面無論係鮮艷嘅原色，定係柔和嘅糖果色、漸變色或者有花紋嘅韓服都有，大家可以按照喜好慢慢揀！
連男性韓服同小童韓服都有，如果係同另一半或者一家大細一齊嚟，推薦大家可以襯返同一個色系！
職員見到小編一直十五十六，所以就過咗嚟推薦幾款韓服俾小編，仲幫小編襯衫添！
小編著完韓服之後第一個感覺係，「韓服衣櫥」嘅韓服嘅蓬鬆感同其他鋪頭嘅韓服唔太一樣！可能因為條內襯裙效果比較自然，反而會令人覺得條裙剪裁本身就咁蓬鬆優雅！職員都會一直喺隔離幫大家著，大家唔洗太擔心~
換完衫出到嚟化妝枱會見到有各式各樣可以同韓服配搭嘅髮飾同配飾，小編都揀咗個襯返今日套衫。
坐低之後職員就會幫大家set頭，今日小編會整一個運用傳統韓服髮帶嘅髮型（免費㗎！），另外低髻編髮服務都唔洗錢，睇吓大家鍾意邊種style~
職員勁熟手，三兩下就幫小編整好，再加多咗個頭飾令髮型睇落冇咁單調。
而小編朋友就加咗錢整髮簪編髮，「韓服衣櫥」有好多款髮簪，無論係傳統玉色，定比較現代嘅粉紅色同黃色都一應俱全。
整完之後成品係咁！如果大家比較鍾意華麗同高貴風格，推薦大家加錢整髮簪編髮，同韓服都好襯！
冬天仲可以租埋毛毛頭飾，應該會好cute！
大家仲可以揀各種飾物搭配，大部份都唔洗錢！
最後著埋鞋就準備好啦！
比起而家坊間流行嘅現代韓服，小編個人覺得「韓服衣櫥」嘅傳統韓服無論係剪裁定顏色都更加高貴優雅，而且因為質地靚，所以著上身完全唔會覺得拮。
兩個人一齊去旅行最尷尬嘅係通常都要一個揸機一個擺pose，再唔係就要影自拍，好少有機會可以兩個人一齊影全身照。不過因為「韓服衣櫥」係由攝影工作室開設，所以鋪頭內部有一個攝影棚可以俾大家預約嚟影相！
小編同朋友事先book咗自助攝影，攝影棚入面都有準備定唔少道具，大家可以好好運用佢哋~ 一開始影嘅時候可能會覺得好尷尬，不過因為係自助攝影，唔會有其他工作人員在場，所以好快就會上手，亦都會更加自然！
只要撳一撳個無線遙控器就可以撳到快門，而且因為夠細，通常都唔係好睇到。不過如果大家想影到好似有專業攝影師幫大家影嘅咁，擺好pose之後可以叫你個friend幫你撳XD
鏡頭左邊有個螢幕，右邊有塊鏡，大家中途可以睇吓成果，再商量吓點影效果會更加好！
影完20分鐘之後就可以去隔離房揀相，同樣有20分鐘時間可以慢慢睇。
一個禮拜之後就可以收到最終修圖後成果！不過俾個小貼士大家，如果大家企得太近嘅話會曝光搞到太白，所以應該要好似第二張示範圖咁企後少少，效果先會更加靚！
想知道更多有關北村照相館室內拍攝嘅詳情，可以撳下面條link睇~
小編仲有預約埋室外拍攝，最後揀咗去景福宮！因為小編同朋友係第一次影外拍相，所以唔係好識擺pose，不過好彩攝影師經驗豐富，會好nice咁指導大家點影先會更加自然同靚！
而且當日天氣好，喺陽光底下「韓服衣櫥」嘅韓服顔色會睇落更加柔和~攝影師會帶大家去幾個私家影相位進行拍攝，最後結果係...
登登登凳！一個禮拜之後就可以收到修圖後成果，小編同朋友都好滿意！如果大家都想體驗傳統韓服嘅魅力，超級推薦大家去預約「韓服衣櫥」！
景福宮「韓服衣櫥」前往方法
安國站（안국역）1號出口出。
第一個路口轉右。
直行。
繼續直行。
轉左。
咁就去到「韓服衣櫥」啦！
以上係景福宮「韓服衣櫥」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com