首爾自助/專業室內拍攝 | 北村照相館
同另一半飛韓國，想留返一個美好回憶？不如就嚟影自助/專業室內拍攝啦！
Hello，大家好，我哋係由韓國人每日提供最新韓國旅行資訊嘅Creatrip。
而家韓國越嚟越流行自助/室內拍攝，唔知大家之後會唔會想到嚟試吓呢？今日小編想同大家推薦北村照相館（本店），呢度可以同你最珍貴嘅朋友、屋企人、另一半紀錄獨一無二、最靚嘅一刻，而且包修圖同哂相，有興趣嘅朋友，就要繼續睇落去啦！
需要專業外拍服務？
「北村照相館(自助/專業室內拍攝)」資訊
- 地址：서울 종로구 윤보선길 65 B1F
- 營業時間：
- 星期一至五 11:00 - 20:00
- 星期六及日 10:00 - 20:00
- 可預約時間：
- 星期一至五 11:00 - 19:00
- 星期六及日 10:00 - 19:00
「北村照相館(自助/專業室內拍攝)」推薦原因
- 無論係自助攝影定專業拍攝都可以自己揀相，自由度夠高！
- 韓國時下最流行自助攝影，自己撳掣影相，完全唔需要怕尷尬！
- 揀專業拍攝嘅話攝影師會教大家擺pose同表情，仲會進行1:1修圖！
- 可以影婚紗相、全家福、情侶/友誼照等多種風格，任何要求都可以幫大家完成！
「北村照相館(自助/專業室內拍攝)」選項
證件相拍攝
| 1人 | ₩25,000 (25000) |
- 價錢包括：沖哂8張相、攝影後1對1修圖、修圖後電子檔
- 備註：
- 拍攝後大約20分鐘內可以拎相
- 嚴禁配戴有色隱形眼鏡
- 請避免著白色上身衫
自助攝影
| 黑白自助攝影 (金額為2人價錢、1人同價) | ₩40,000 (40000) |
| 彩色自助攝影 (金額為2人價錢、1人同價) | ₩50,000 (50000) |
彩色&黑白自助攝影 (金額為2人價錢、1人同價) | ₩60,000 (60000) |
| 加人數 | ₩10,000/人 (10000/人) |
- 流程：自助拍攝 20分鐘 + 揀相 20分鐘 [2小時後可以拎相（限16:30前拍攝人士）]
- 攝影棚內設有相機、無線拍攝遙控器、專業照明、預覽螢幕等設備。
- 價錢包括：沖哂2張相、攝影後1對1修圖、修圖後電子檔、拍攝過程縮時影片(30秒)
- 現場付費項目：
- 加購所有相片原圖（₩20,000）
- 加購沖哂相片（₩5,000/張）
- 延長拍攝時間（₩10,000/5分鐘）
- 加購九宮格相（₩5,000/人）
- 拍攝只限時間，冇限次數。
- 如果加人數，將會根據所增加人數增加哂相數量（最多8人同時進行拍攝）
- 如預約16:30後時段需要喺下一日拎相。
- [平日預約優惠] 每組客人可以沖哂多2張相
專業室內拍攝
| 專業室內拍攝 (金額為2人價錢、1人同價) | ₩100,000 (100000) |
| 加人數 | ₩50,000/人 (50000/人) |
- 流程：由專業攝影師提供表情/動作指導及進行拍攝 +揀相（全程約40分鐘）
- 價錢包括：沖哂2張相（黑白/彩色各一、5*7R）、修圖服務、修圖後電子檔
- 現場付費項目：
- 加購相片原圖（₩50,000）
- 加購修圖及沖哂相片（₩20,000/張；如拍攝人數為3人需支付₩30,000/張、4人需支付₩40,000/張，如此類推）
- 最多6人同時進行拍攝。
- 大約會影50張相左右。
- 16:30前拍攝人士可以喺2小時後拎相；如預約16:30後時段需要喺下一日拎相。
「北村照相館(自助/專業室內拍攝)」退款政策
預約後至體驗7日前取消 | 全額退款 |
體驗6日前或其後取消 | 不設退款 |
「北村照相館(自助/專業室內拍攝)」注意事項
- 請最少喺2日前預約，你亦可以喺30日前進行預約。
- 如果想當日領取最終成品，請預約16:30前時段。
- 原則上修圖後電子版會喺2個小時內透過email send俾你；如果有另外加購電子版原圖，將會即時send俾你（上述時間僅供參考，實際所需時間需視乎照相館狀況）。
- 請務必準時到達，如遲到10分鐘或以上預約將自動取消，屆時將不設任何退款。
- 預約開門時段（星期一至五 11:00、星期六及日 10:00）人士請準時到達；預約其他時段人士建議提早10~15分鐘到場準備。
- 未有提供任何妝髮服務。
- 只提供韓文、英文服務。
- 如需更改預約，或有任何疑問，請send email到help@creatrip.com查詢。
「北村照相館(自助/專業室內拍攝)」預約流程
STEP 1. | |
STEP 2. | 請詳細輸入相關資訊及支付全額， 我哋會喺1個工作天內確認你嘅訂單。 |
STEP 3. | 請提前10至15分鐘到現場準備， 並向職員出示預約憑證。 |
STEP 4. | 開始體驗！ |
「北村照相館(自助/專業室內拍攝)」介紹
北村照相館（本店）位於安國站附近，Naver有超過6,900人留低過評論，滿分5分、平均有4.9分！之前《Heart Signal》第三季都有出現過，之後就越嚟越有人氣，而家就等小編介紹吓佢有幾勁啦！
見到上圖落樓梯去B1就係㗎啦！
自助攝影
呢度係自助攝影準備室，以及影完相之後揀相嘅地方，建議預約咗嘅朋友可以提早10至15分鐘去到，現場有提供風筒、捲髮器、梳、梳妝台、更衣室、大鏡等你影之前可以再confirm一下儀容，不過要注意嘅呢度冇包set頭同化妝服務，大家去之前要準備好。
喺正式影之前，自助攝影揀黑白方案有2隻色揀，而彩色方案有4隻色，每款都有唔同氣氛，質感相當細膩。
如果已經準備好，就可以去到另一區，呢度用咗大布圍住，影嘅時候唔需要擔心有人會見到。
上圖手機係縮時攝影用，會影底拍攝過程縮到得返30秒嘅短影片，之後會用email send俾你，而下面嘅計時器係set咗20分鐘，呢段期間唔會有任何人打擾你，另一邊嘅顯示器大家可以check返影成點。
另一邊有放花、帽等可愛道具，大家可以自由使用。
至於地板上標有中心點，無論係企定坐底都可以，快門係手上無線遙控器，當你準備好再撳就可以。
因為係自助拍攝，可以喺一個私人空間入面任擺pose，一啲都唔會尷尬！
而且拍攝現場唔單只有顯示器，仲有一塊全身鏡，大家可以隨時確認自己狀態。
影20分鐘之後，就可以揀2張相去修圖，而小編揀咗情侶照以及兩人嘅獨照。小編個人好鍾意呢度嘅米色背景，超有氣氛同質感，之後小編會想再揀灰色背景影多次！
至於修圖需要大約2個鐘，基本上就係整理頭髮、調整五官對稱同四肢，但唔可以要求合成或更改髮型。
以上係小編影完之後嘅成果，就算係同一張相，只要唔同色都有唔同風格，如果係平日預約去嘅話，會多送2張相，真係好抵！
上圖左邊係修圖前、右邊係修圖後，大家睇唔睇得出有咩分別呢？唔單只顏色變得更加勻稱、五官同髮型都修改得乾淨俐落，之後大家如果有想特別調整嘅部份，都可以同工作人員事先講聲。
小編真心好滿意呢度，亦好推薦大家之後嚟可以試吓影，紀錄底你同另一半嘅可愛又難忘嘅一刻！
專業室內攝影
專業室內攝影同自助攝影係分開，呢度同樣有梳妝設備、鏡同風筒。
專業室內拍攝影可以揀灰色或米黃色背景。
呢度空間大，有超大嘅燈光同專業攝影師會喺隔離指導，教大家點擺pose同表情，另一邊亦有鏡、鮮花道具、衣架等，大家可以善用。
呢度嘅專業攝影師好nice，會教大家點影係最自然，影嘅期間慢慢會發現原來自己擺pose係咁有天份？
講完一開頭可能點都會有少少尷尬，不過好彩攝影師嘅協助先會放鬆啲，影出嚟嘅成果亦都好好！
影完之後會喺大約50幾張相入面，揀2張去修圖同哂出嚟，大家可以揀要2張黑白或彩色，定係各1張，如果想多哂，可以另外加價₩20,000就有多一張！至於所有相都好滿意，可以加價₩50,000拎到所有相嘅原始檔。
由拍攝到修圖都非常細緻，睇落係唔係好pro呢？
左邊係修圖前，右邊係修圖後，膚色同細節都修得相當完美。
之後嚟韓國相同另一半影返一輯情侶相，不如就嚟呢度啦！
證件照拍攝
北村照相館除咗啱啱介紹嘅自助攝影、專業室內拍攝之外，還有好多人嚟韓國必影嘅證件照服務，基本以白色做背景，建議唔好著白色衫去。*提提大家：護照、身份證都有指定size，大家影之前可以留意一下。
影嘅時候攝影師會俾專業建議，等大家可以表情更加放鬆同自然。
影完相之後，選擇揀最鍾意嘅一張去修圖，20分鐘之後就可以拎相。
「北村照相館」前往方法
安國站（안국역）1號出口出。
直行，第一個轉角位轉右。
直行。
繼續直行。
向左邊望就會見到「北村照相館」！
以上係「北村照相館(自助/專業室內拍攝)」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com