仁川機場去弘大交通攻略
喺仁川機場點先去到弘大？教你點搭地鐵同機場巴士出弘大，超詳細教學快啲save低！
Hello，大家好，我哋係由韓國人每日提供最新韓國旅行資訊嘅Creatrip。
有好多遊客嚟首爾玩嘅時候都會揀住弘大，因為呢度夠旺夠熱鬧，無論係行街Shopping定想食好西都得，而且交通都非常四通八達，好多地方都可以好快去到！呢個時候問題嚟啦，到埗仁川機場之後到底要搭咩車先可以出到弘大呢？今日就等小編教你啦！
拖住行李唔想搭公共交通工具?🫠
仁川機場去弘大交通攻略
機場鐵路（站站停）
機場去弘大
| 出發地 | 所需時間 | 費用 |
| 仁川機場T2 | 59分鐘 | ₩4,800 |
| 仁川機場T1 | 53分鐘 | ₩4,300 |
機場鐵路時間表
| 弘大入口站 ➜ 仁川機場 | ||
| 頭班車 | 05:28 | |
| 尾班車 | 23:48 | |
| 仁川機場 ➜ 弘大入口站 | ||
| 仁川機場T2 | 仁川機場T1 | |
| 頭班車 | 05:15 | 05:24 |
| 尾班車 | 23:32 | 23:38 |
喺仁川機場出弘大可以去搭機場鐵路，不過要注意千祈唔好走去搭機場快線AREX，因為AREX唔停弘大入口站㗎！大家只要跟住「공항철도(일반) - Airport Railroad(All-stop)」呢幾個字行就會去到地鐵站！
機場鐵路就好似普通地鐵咁唔需要另外買飛，入閘嘅時嘟交通卡就得（記住要增好值先入閘上車啊）！順帶一提，去到弘大入口站之後如果需要轉車去其他地方，要經過轉乘閘口，不過嗰度唔會另外收費，大家唔需要擔心！
因為機場鐵路會喺仁川機場T2開出，所以如果大家係喺T2上車嘅話通常都唔洗擔心冇位坐！根據小編經驗，大部份情況下喺T1上車都會有位坐，不過因為T1最多人上車，另外開花站（개화역）同金浦機場站人流都比較多，所以記住要擺放好自己嘅行李，互相禮讓，唔好阻到其他乘客啦！
搭差唔多1個鐘頭之後就會到弘大入口站！因為搭嘅係機場鐵路，所以最近嘅出口會係3號、4號同5號出口。
弘大入口站因為有好多條地鐵線，所以出口比較多，地鐵站亦都相對比較大。如果你嘅住宿或者目的地喺其他出口附近嘅話，比起喺地鐵站入面兜兜轉轉，小編建議大家先喺出閘閘口附近嘅出口出，然後再喺地面行過去其他出口會比較方便！
如果大家太早到弘大，未可以check-in酒店住，或者想即刻去玩嘅話，大家都可以去7號出口嘅RAON行李保管處放低行李先！
弘大附近有咩玩？😆
仁川機場巴士
另外有好多朋友都會揀搭機場巴士去弘大，因為唔洗自己拖住行李周圍走，亦都唔洗逼地鐵啊嘛！當中可以去到弘大嘅機場巴士就係6002號啦！
6002號機場巴士
| 首班車 | 尾班車 | ||
| T2 | T1 | T2 | T1 |
| 05:15 | 05:35 | 23:10 | 23:30 |
| 仁川機場T2搭車位置 | 仁川機場T1搭車位置 | ||
| B1/F 30號閘口 | 1/F 5號閘口 | ||
※實際班次同價錢請以現場為準
喺仁川機場搭出去弘大嘅話落車巴士站會喺弘大入口站8號同9號出口中間嘅Kakao Friends前面，非常方便！
另一方面，如果要喺弘大搭機場巴士去仁川機場，建議大家預早3-4個鐘上車會保險啲，而上車位就會係喺弘大入口站2號出口前Samsung Store對面，大家可以參考上面個地圖！
以上就係小編幫大家整理出嘅仁川機場去弘大嘅方法，如果你今次嚟旅行都打算住弘大，不妨可以參考吓！
一大班人嚟旅行？
預約接送服務出首爾會抵過搭公共交通工具！
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com