明洞Personal Colour | 春日個人色彩診斷
可以一次過做Personal Colour、化妝？超方便一條龍服務！
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今日小編嚟到一間位於明洞嘅Personal Colour中心，呢度仲提供埋化妝體驗服務！
明洞「春日個人色彩診斷」資訊
- 地址：서울 중구 남산동2가 14-9 2F
- 營業時間：10:00 - 19:00
- 可預約時間：11:00 - 16:00
- 語言：韓文、中文、英文、日文
明洞「春日個人色彩診斷」推薦原因
- 唔單止可以做Personal Colour診斷，仲可以加購化妝服務！
- 提供中文、英文、日文翻譯服務，就算唔識韓文都冇問題！
- 中心位於明洞，做完test之後可以即刻去行街shopping！
明洞「春日個人色彩診斷」價錢
個人色彩診斷 | 1:1 [40分鐘] | ₩130,000 （HKD 764.47） |
1:2 [70分鐘] | ₩240,000 （HKD 1,411.33） | |
1:3 [100分鐘] | ₩360,000 （HKD 2,116.99） | |
個人色彩診斷 + 化妝服務 | 1:1 [70-80分鐘] | ₩250,000 （HKD 1,470.13） |
1:2 [100-120分鐘] | ₩480,000 （HKD 2,822.66） |
※上述價錢包括翻譯費用。
※本頁面所標示嘅價錢以韓幣為準，港幣幣值會因應即時匯率而浮動。
明洞「春日個人色彩診斷」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
明洞「春日個人色彩診斷」注意事項
- 請最少喺3日前完成預約，你亦可以喺60日前進行預約。
- 個人色彩診斷體驗內容如下：
包括 翻譯、膚色及色調診斷、髮色推薦、化妝品推薦、飾品推薦 唔包括 體型分析 - 如非參加體驗，隨行人士（家人、朋友等）唔可以一齊入去聽。
- 請準確輸入所有相關資訊。
- 為得出更準確結果，體驗當日請唔好化妝或者戴有色隱形眼鏡，如果化咗妝嘅話需要喺開始前卸妝。
- 建議大家可以帶自己平時用開嘅化妝品，到時候專家會幫你睇適唔適合你。
- 如果預約咗有化妝服務嘅選項，而你嘅皮膚比較敏感，建議你帶平時用開嘅護膚品嚟。
- 通常需要除低眼鏡進行診斷，建議視力較差人士可以戴透明隱形眼鏡（如果平時都會戴住眼鏡嘅話都可以戴住眼鏡進行診斷）。
- 體驗前請避免過量飲酒，亦請喺有充足睡眠後進行診斷。
- 做完皮膚療程/微整型或者曬燈之後去做personal colour test嘅話結果可能會唔準。
- 請唔好著樽領衫。
- 如遲到15分鐘或以上將會當做No-show，預約將自動取消，費用亦不設退還。
- 如果想更改預約，或有任何疑問，請send email到help@creatrip.com查詢。
明洞「春日個人色彩診斷」預約流程
| STEP 1. | |
| STEP 2. | 請詳細輸入所有相關資訊， 我哋會喺1-2個工作天內確認預約， 到時候會再次通知你預約到嘅時段。 |
| STEP 3. | 體驗當日請提早15分鐘到達，向職員出示預約記錄。 |
| STEP 4. | 開始體驗！ |
明洞「春日個人色彩診斷」介紹
「春日個人色彩診斷」係一間位於明洞嘅Personal Colour中心，呢度唔單止有韓國大熱嘅個人色彩診斷，更加提供化妝服務，一次過可以滿足你幾個願望！喺明洞站行大約5分鐘就到，而且附近就係明洞大街，好容易就搵到！
成間中心由大堂同2間房組成，一間係做Personal Colour診斷嘅諮詢室，而另一間就係化妝房！呢度裝修以白色為主調，而且因為開張冇耐，所以全部道具同設備都好新淨！
小編今日揀咗做「個人色彩診斷 + 化妝」！正式開始之前會先填一份問卷，如果有咩唔明可以直接問專家~
填完之後專家就會根據問卷答案幫你進行簡單分析，亦都會稍微解釋Personal Colour基本理論。在場有專業翻譯人員，大家唔洗擔心會聽唔明！
跟住就會正式做Personal Colour Test！一開始會先分辨你係暖調定冷調，小編自己喺屋企check嘅時候覺得自己又似warm tone又似cool tone，而家有專家幫自己分析，真係好唔錯！
Best Colour
Worst Colour
之後就會做埋明亮度同飽和度診斷，專家更加會幫你揀埋Best Colour同Worst Colour！專家話就算係Worst Colour，都可以用唔同方式去活用，打破咗小編對Worst Colour嘅偏見！
跟住就到小編最期待嘅時間 —— 化妝品推薦環節！專家會首先幫大家睇平時用開嘅化妝品，然後再推薦幾款襯返你色調嘅俾大家。
大家可以直接試色，如果覺得滿意嘅話仲可以影低色號，做完test之後去Olive Young入手返支！
專家另外仲會推薦其他化妝品俾大家，大家都可以影低之後做參考！
跟住就會去隔離間房化妝，化妝師會根據頭先做完嘅Personal Colour Test結果同你嘅形象，揀最啱你嘅化妝品幫你化妝！
另外一個小貼士！喺化妝師幫你化妝嘅時候，大家可以順便偷吓師~ 小編以前搽唇膏會就咁搽，不過今次發現原來要一層層咁搽，化返個漸層咬唇妝會更加自然！
Before
After
呢個就係小編嘅化妝Before & After啦，係唔係成個人氣色同感覺都好唔同呢？
整體嚟講小編好推薦「春日個人色彩診斷」呢個一條龍服務俾大家！如果大家都對Personal Colour有興趣，不妨可以預約~
明洞「春日個人色彩診斷」前往方法
喺明洞站（명동역）3號出口出。
向左邊行，然後行入上圖小路。
向左邊直行。
去到三岔路口轉左。
直行大約80米。
去到上圖呢個地方之後上樓梯，你會見到一個寫住「Bomnal」嘅招牌喺你右邊。
行樓梯上去就到「春日個人色彩診斷」啦！
以上係明洞「春日個人色彩診斷」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
