江南美食 | 肉典食堂
喺江南行完街想食返餐正宗韓式燒肉?厚切豬肉配上涼爽冷麵,一次過滿足你幾個願望!
Hello,大家好,我哋係由韓國人每日提供最新韓國旅行資訊嘅Creatrip。
嚟韓國玩點可以唔食返餐燒肉啊!但喺第一次嚟韓國唔知道去邊度先可以食到正宗嘅韓國燒肉?或者嚟親都係食嗰兩三間?就等小編今日介紹一間位於江南嘅燒肉店俾大家啦!
肉典食堂係全韓國第一間燒肉店,而最方便大家行完街打完卡之後去嘅分店就一定係江南分店啦。只要係我哋會員,出示優惠券就可以每人得到一包價值₩3,000米水!
江南美食「肉典食堂」資訊
- 地址:서울특별시 강남구 테헤란로8길 11-4
- 營業時間:星期一至六 11:30 - 21:30 (Break Time 15:30 - 17:00)、逢星期日休息
江南美食「肉典食堂」推薦理由
- 只要係我哋會員,出示優惠券,就會每人送一包米水。
- 所有肉都超厚同夠肉汁,令人一試愛上!
- 因為係韓國第一間燒肉店,職員燒得啱啱好。
- 除咗燒肉之外,呢度仲有拌冷麵、醬油炒豬肉等主食可以叫。
江南美食「肉典食堂」優惠及注意事項
- 落單嘅時候向職員出示優惠券,就會送每人一包米水。
- 唔需要事先預約。
- 如果用coupon嘅時候有任何疑問,都可以send email到help@creatrip.com查詢。
- 優惠券只可以喺江南分店用。
- 一開始落單嘅時候,最少有一個部位嘅肉要叫2人份或以上。 (唔可以全部都叫1人份)
- 唔可以帶外來食物。
- 午餐Menu限11:30 - 14:30提供。
江南美食「肉典食堂」價格
菜單 | 價格 |
厚切梅頭豬(150g) 통목살 (150g) | ₩18,000 |
厚切五花肉(150g) 통삼겹살 (150g) | ₩18,000 |
豬頸肉(150g) 항정살 (150g) | ₩20,000 |
[午餐] 拌冷麵 [백반류] 비빔냉면 | ₩8,000 |
[午餐] 肉典醬油炒豬肉 [백반류] 육전 돼지불백 | ₩9,000 |
[午餐] 水冷麵/拌冷麵 + 肉典醬油炒豬肉 [백반류] 냉면 (물/비빔) + 육전 돼지불백 | ₩12,000 |
肉典米水(400ml) 육전식혜 (400ml) | ₩3,000 |
* 午餐Menu限11:30 - 14:30提供。
江南美食「肉典食堂」介紹
今日要介紹嘅燒肉店「肉典食堂」位於江南站附近,好容易就可以搵到。方便嘅地理位置同有保障嘅味道唔單止吸引到觀光客嚟食,連韓國人都經常會幫襯。
餐廳内部非常闊落同乾淨,唔怕坐得唔舒服,而且仲可以容納大約60個人,相對嚟講可以快啲等到位啊!
食食吓燒肉覺得好膩?餐廳仲有嘢飲同啤酒可以叫嚟配住食,梗有一款飲品啱你!
埋到位叫完嘢食,餐廳職員就會送上小菜。呢度嘅小菜款式每日都唔同,不過全部都好啱配住燒肉食。除咗小菜,餐廳仲會提供各種醬料同生菜,俾大家食燒肉嘅時候可以有多啲花款去享受。
厚切梅頭豬 300g / 厚切五花肉 150g / 豬頸肉 150g
小編呢次叫曬呢度最出名嘅menu,真係比平時食嘅燒肉厚好多,係唔係睇到都覺得好吸引呢?
不過大家要注意,一開始落單嘅時候,一定要其中一份肉先叫2人份或以上,之後先可以再單份咁加。好似小編咁,呢次就叫咗2人份嘅厚切梅頭豬,同埋厚切五花肉、豬頸肉各一人份。
肉送到埋嚟之後專業嘅職員會幫大家直接燒,大家只要等食就可以。
肉典食堂係全韓國第一間用呢種方式燒肉嘅餐廳,職員全部都訓練有數,所以大家完全唔需要擔心會燒燶咗。而且呢度嘅肉全部都係厚切嘅,每嚿都燒到金黃色,非常juicy。
為咗可以令大家由頭到尾咁享受,職員會由脂肪比較少嘅梅頭肉開始燒,再燒五花肉俾大家,冇咁易覺得膩之外,仲可以感受到每款肉嘅魅力。
平時燒五花肉淨係燒正反兩面都會熟,但係因為呢度嘅肉非常厚,所以要燒曬咁多面先會熟,職員全部都受過專業訓練,務求令大家每啖肉都會係最完美。
同其他燒肉店唔一樣嘅地方係,呢度會每人提供鹽、刀魚醬同埋包飯醬各一碟,可以根據個人喜好點住食之外,仲唔使話要一台人share一碟咁唔方便。直接食可以享受原汁原味,但點埋醬汁一齊食仲可以帶出肉汁嘅鮮甜,有另一種風味。
燒完五花肉之後,職員會抹走多餘嘅油,開始燒最多油脂嘅豬頸肉。
職員會同時將燒好嘅梅頭肉同五花肉夾起,擺係烤盤嘅另一邊,唔會燒燶嘅同時仲可以保持溫度,保證啖啖肉都係熱。
覺得淨係食肉會太dry?肉典食堂仲有提供拌麵、牛肉餅、水蘿蔔泡菜等等俾大家配住一齊食。
水冷麵/拌冷麵 + 肉典醬油炒豬肉套餐 ₩12,000
小編呢次就叫咗冷麵配醬油炒豬肉嘅set,冷麵配上呢度自家製嘅醬油炒豬肉,好惹味!不過呢個set得午餐menu入面先有,所以只限11:30-14:30可以叫,唔想錯過嘅朋友,就要喺呢段時間去啦!
韓國人食燒肉,一定唔少得一碗冷麵。大家可以揀要水冷麵定拌冷麵,而小編個人覺得食油膩嘅嘢嘅時候,一碗酸酸甜甜嘅拌冷麵係絕配!大家仲可以選擇加埋set入面有嘅水蘿蔔泡菜湯落冷麵,真係好開胃㗎!
大家嚟韓國通常都係食辣炒豬肉,唔知大家又有冇食過醬油炒豬肉呢?呢個menu非常適合想食韓式料理,但又怕辣嘅朋友,醬油炒豬肉醬汁都係自家調配,同出面食到嘅會唔同。而且上菜嘅時候仲會連住個火爐一齊上,唔怕會攤凍曬,非常貼心。
米水(亦都有人叫甜米露)係一款傳統韓國飲品,用麥芽、米、糖、蜂蜜、水等等製作而成。韓國人通常會喺大時大節食完大餐之後當甜品飲幫助消化,而肉典食堂都有賣自製嘅米水!
只要向職員出示我哋提供嘅優惠券,就可以每人免費得到一包價值₩3,000嘅米水。食完燒肉飲返包唔會太甜嘅米水當甜品,就可以完美咁結束呢餐啦。一包米水分量多(400ml),而且仲要係以人頭數計一人一包,千祈唔好錯過呢個優惠啊!
肉典食堂除咗燒肉之外,仲有各式各樣嘅配菜同主食,加埋最後嗰包米水,食完真係飽到攬住個肚行出餐廳,非常滿足。而且呢度亦都令人有一種喺韓國人屋企食飯嘅感覺,職員都好親切,感覺好warm。
想體驗吓正宗韓式燒肉,但又唔知道去邊好?小編非常推薦大家去肉典食堂!
江南美食「肉典食堂」前往方法
喺江南站1號出口出嚟。
一直向前行。
一直直行到見到一條大嘅斑馬線。
見到條大斑馬線之後,過馬路再轉右。
繼續直行。
喺第一個路口轉入去。
再直行一陣就會見到肉典食堂㗎啦!
點先可以享有江南「肉典食堂」 送禮優惠?
現場消費Click下面網址下載Creatrip專屬優惠券,出示俾店員睇即可享有獨家優惠。
以上係江南「肉典食堂」嘅介紹,有任何問題請先詳讀呢篇文章。
如果睇完之後有任何疑問,或者我哋語言、標示唔清嘅話,麻煩請send email告知,以方便我哋改進。
如果有更多想知嘅內容,都可以隨時dm話俾我哋知:)
Instagram:creatrip.hk
Mail:help@creatrip.com