Hello，大家好，我哋係由韓國人每日提供最新韓國旅行資訊嘅Creatrip。

韓國無論喺化妝定美髮方面都好出名，亦都有唔少朋友嚟韓國玩嘅時候會專門抽時間去整頭髮！今日小編幫大家整理咗2024年韓國5款流行髮色，想緊貼最新潮流就千祈唔好錯過啦！

邊幾間韓國髮型屋最受香港人歡迎?💈

2024韓國五大流行髮色

Orange Brown

一講起橙啡色頭髮，小編第一個諗起嘅韓星就係LE SSERAFIM嘅允真！呢款髮色比起普通啡色更加有記憶點，又唔會好似齋橙色咁sharp，令人睇落更加有氣色！

Reddish Brown

呢種髮色係偏紅嘅啡色，無論係好似ITZY彩領咁染得啡啲，或者好似LE SSERAFIM恩採咁染紅啲，小編個人覺得都非常顯白！

Bambi Brown

Bambi Brown顧名思義就係會令人聯想起鹿仔嘅啡色~ 因為呢款髮色色調偏中性，所以無論係冷色調定暖色調嘅朋友們都可以染，而且仲會俾人一種溫柔甜美嘅感覺！

Olive Brown

橄欖啡色比較特別，比起齋啡色，帶少少綠色會令整體感覺更加潮！呢款髮色仲好啱春天暖色調嘅朋友們，想換個新造型嘅話推薦大家染呢款色！

 Personal Colour推薦髮色

Peach Fuzz

有關注開潮流嘅朋友們應該都知道2024年Pantone色係Peach Fuzz，呢種顏色介乎於蜜桃色同橙色之間，之前有唔少Idol都有染過類似嘅色！專業人士估計Peach Fuzz將會成為今年夏天最流行嘅髮色，清新得嚟夠活潑可愛！

唔知大家嚟緊會唔會想挑戰其中一隻髮色呢？歡迎大家留言分享俾小編知！ 

想知自己屬於咩色調？🎨

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購