Day 3續續
wai yi cai
a day ago
📍味贊王 (推！⭐️⭐️⭐️⭐️4.5/5)
上年已經好想食 但係冇開 轉咗去食伍班長
今次終於食到 9pm等位 都係等咗一陣就入咗去
佢淨係食豬 我哋就叫咗兩份豬頸肉一份五花肉 仲有泡菜湯同埋一個冷麵(好似叫蔬果冷麵？
食完覺得太好食啦😭 所以追加咗一份豬頸肉！
店員會幫你燒埋 仲會推薦食法(用白泡菜包住啲肉再加啲小菜😂幾得意
但係就咁點鹽都已經好juicy🥺
五花肉勁邪惡 油脂勁豐富 我同男朋友推薦豬頸肉！😋
再加埋個冷麵好freshhh 可以解膩
啲小菜包括生菜 食完都可以refill~
我太鐘意生菜包肉 所以refill咗幾次😂
Day 4 主線: 雪濃湯+Biff 廣場+廣安里+刀削麵+two millack market+Object貼紙相
📍雪濃湯⭐️⭐️⭐️3.5/5
係ig見到人氣老店幾高評價就去咗
（咁啱佢係biff 廣場隔離
其實我覺得雪濃湯係豬肉湯飯嘅牛version
佢湯底幾清清淡 如果要泡飯食就有啲唔夠味
我哋加左好多調味料😂
📍Biff 廣場
呢都有條好似弘大咁嘅街
有好多潮牌同小店（我喺度買咗個皮袋～
Biff 廣場嘅本體係一條小食街咁
有好多韓劇入面嘅小食帳篷
因為啱啱食完好飽 就冇食到啲咩
如果你淨係嚟釜山 想行下街買下野都可以嚟嘅！
📍廣安里沙攤
個沙攤距離個地鐵站真係好遠
我哋行咗好耐先到
去到Olive young先知道show Busan pass 會送一小袋sample
（得廣安里海邊呢間有！）
但係我哋嗰陣已經過咗期 冇得攞。。。
📍나사리식당
刀削麵& 牛肉他他拌麵⭐️⭐️⭐️⭐️⭐️
呢個都係台灣YouTuber KiKi 推薦嘅
真係好驚豔！好好食！
我哋2個人冇叫set 因為都好大碗
個刀削麵好足料 有扇貝青口
啲貝類多到睇唔到個麵😂
湯底好鮮甜
記住食咗個刀削麵先食牛肉他他
因為個牛肉他他比較濃味
你食完再飲刀削麵就會冇咩味
我最鍾意佢個 刀削麵
男朋友就佢個牛肉他他拌麵多啲
啱時間去食嘅話 仲可以坐到窗邊 睇到啲船放煙花！
