😋呢間龍蝦料理專門店上過超多韓國美食節目,出名龍蝦新鮮又大隻!
😋提供超豐富龍蝦套餐,仲可以食到新鮮鮑魚、大蝦等等,鍾意食海鮮嘅你一定唔可以錯過!
😋環境氣氛好,無論係一大班人聚餐定係要慶祝特別日子都好啱去!
😋職員服務夠親切,更加有提供英文餐牌,唔洗怕會睇唔明!
😋地鐵站行1分鐘就到,而且就喺益善洞,食飯前/後可以去行街!
餐廳簡介✨
位於益善洞嘅「海天漁夫」係一間韓國知名龍蝦料理專門餐廳,呢排經常喺IG見到有人介紹佢哋,望落勁誇張勁豐富,今次終於有機會嚟!
呢度嘅龍蝦出名大隻,叫完嘢食之後老闆就會出去外面水箱即刻捉一隻龍蝦入去整,即叫即整夠曬新鮮!
「海天漁夫」有提供英文Menu,大家記住要按人頭數叫Set。等一陣之後職員就會嚟上菜,上齊之後會擺到成張枱都係,勁誇張!小編平時食飯前都唔會點影相,但係嚟到呢度真係會不自禁相機食先!
因為係即叫即整,所以所有海鮮都非常鮮甜,完全唔會有腥味。而且每份餐點都勁足料,特別係龍蝦真係好大隻,啖啖肉食落勁正!