😋裝修充滿美國舊金山感覺，復古得嚟顏色鮮艷，影相超上鏡！
😋喺首爾就可以食到正宗美國家庭式料理，無論係意粉、牛排定千層麵都超水準！
😋曾經上過唔少韓國電視節目，平日都要排隊等位，超高人氣！
😋龍山三角地站行4分鐘就到，交通夠方便！
😋出示Creatrip優惠券即可享全單9折優惠！
餐廳簡介✨
龍山「Sam Sam Sam」喺Instagram勁hit，呢間美國家庭式餐廳曾經上過韓國美食節目，連平日都要排隊等位！餐廳出面有好多好cute嘅手繪畫，而且充滿美國風情，仲有最近好hit嘅收據即影即有，等緊嘅時候可以影返張相留念！
「Sam Sam Sam」餐廳內部都一樣裝修得好靚，顏色夠鮮艷，而且好有一種去咗美國餐廳嘅感覺！
「Sam Sam Sam」最受歡迎嘅三款意粉分別係CALIFORNIA ST LASAGNA（加州風肉醬千層麵）、PORCINI GNOCCHI（牛肝菌忌廉Gnocchi）同JAMBON BEURRE PASTA（火腿牛油意粉）。
平時嘅Gnocchi都係用薯仔整成，不過「Sam Sam Sam」嘅Gnocchi係用麵粉同Grana Padano芝士整成，口感好特別！再配埋自家製牛肝菌忌廉汁，味道超濃郁！
講起「Sam Sam Sam」，就一定唔少得呢款肉醬千層麵！用各種蔬菜同肉碎熬製而成嘅自家番茄肉醬，配上薯餅、薯蓉同芝士，超有特色，唔怪得咁多人排長龍都要嚟食！
呢款JAMBON BEURRE PASTA嘅醬汁係用日式麵豉、羅勒青醬整成，上面仲有一片片牛油，加埋JAMBON火腿同開心果味道夠獨特惹味（小編個人認為呢款意粉真係要親自嚟食先得）！