😋由1945年營業至今，獨家配方已經傳承三代，係韓國歷史最悠久嘅烤排骨專門店！
😋入選韓國美食指南Blue Ribbon，連韓國人都會專程嚟食！
😋所有牛肉都經過古法熟成，加上獨家海鹽調味，令客人可以食到牛肉最天然風味！
😋餐廳入口有個手印，傳聞會為客人帶嚟好運！
😋有提供獨立房，私隱度夠高，可以同家人朋友享受私人時光！
😋提供多種語言Menu，唔識韓文都唔緊要！
Menu✨
華春屋烤牛排骨定食 (美國牛/200g) [配大醬湯、白飯、甜品；最少需要叫2人份] 화춘옥 갈비정식 (미국산, 200g) | ₩45,000/人 |
華春屋烤調味牛排骨 (美國牛/200g) 화춘옥 양념갈비 (미국산, 200g) | ₩59,000 |
華春屋烤韓牛排骨 (180g) 화춘옥 한우 양념갈비 (180g) | ₩78,000 |
韓牛生拌牛肉 (130g) 한우 육회 (130g) | ₩55,000 |
辣醬蟹 (250g) 양념게장 (250g) | ₩25,000 |
排骨湯(美國牛) 왕갈비탕 (미국산) | ₩22,000 |
華春屋冷麵 화춘옥 참냉면 | ₩15,000 |
大醬湯 된장찌개 (후식) | ₩7,000 |
※2024年8月價錢
餐廳介紹✨
「華春屋」係一間有接近80年歷史嘅餐廳，係韓國歷史最悠久嘅烤排骨專門店，最近喺網上有唔少人都有介紹，而且佢仲入選埋Blue Ribbon美食指南，受到韓國人同外國遊客愛戴！
門口有一個手掌印，周邊仲癡滿勁多韓國明星嘅簽名！有傳聞話有客人掂過個手掌印之後中咗六合彩，大家記住要去吸吓好運！
「華春屋」清潭店有兩層，而2樓亦都有幾間獨立房，就算係私人聚會都好啱。
話明係烤排骨專門店，牛肉品質當然有保證！「華春屋」每份肉都勁新鮮，而且職員會幫大家燒到八成熟左右，再放喺加熱鐵盤上面，等大家可以食到最後一塊肉都係咁juicy咁暖！
「華春屋」仲有自家釀製覆盆子酒，味道夠清新，同烤肉好夾，鍾意飲酒嘅朋友們一定唔可以錯過！
呢度仲有唔少Menu可以揀，除咗烤肉之外，推薦大家食生牛肉同排骨湯，可以享受原汁原味嘅新鮮牛肉之餘會更加飽肚！
