👍🏻釜山係韓國第二大城市，同首爾又係另一番魅力！
👍🏻帶你去釜山必去景點，可以欣賞無敵海景之餘影相打卡一流！
👍🏻由朝玩到晚，行程夠充實！
主要景點介紹✨
📍海東龍宮寺：呢間寺廟鄰近大海，出名睇景靚，係釜山必去景點之一，大家嚟到都會得到一種療癒嘅感覺！
📍海雲台海岸列車：講起釜山一定唔少得呢架海岸列車，佢由以前釜山嘅「東海南部線」改建而成，將而家被棄置嘅尾浦站，連埋青沙浦、松亭站，等遊客可以欣賞釜山海岸線靚景！
📍甘川文化村：被稱為韓國馬丘比丘，係當地嘅一個文化村。喺朝鮮戰爭期間，原本呢度係一個難民營地，但之後當地人將每間屋油成五顏六色，令到呢度更多姿多彩，吸引唔少人嚟打卡。
📍松島天空步道：一條圍繞松島海邊，長達365米嘅天空步道，大家嚟到可以一邊聽住海浪聲，一邊欣賞超靚釜山海景！
