😋一個course入面包括多款甜品，更加可以揀配咖啡、茶或者特產傳統酒，提供超特別美食體驗！
😋鋪頭環境靚氣氛好，推薦大家特別日子嚟呢度慶祝！
😋可以體驗韓國最近流行嘅甜品Omakase，緊貼潮流！
😋韓國綜藝《Six Sense（식스센스）》都介紹過呢間餐廳，喺韓國人之間好受歡迎！
冬季Menu簡介✨
※Menu可能會根據季節而有所改動
今次全新推出嘅「Local tour guide」咖啡&甜品Omakase以韓國各地區美食做主題，大家可以一邊食甜品，一邊體驗韓國每個城市同地區嘅文化，嚟返場美食之旅！
江原花島 - 江原道楊口蘋果
呢款甜品以江原道破虜湖花島為創作靈感，運用江原道楊口出產嘅蘋果炮製而成。江原道楊口郡因為日夜溫差大，所以培植出嘅蘋果口感會更加脆口，配埋迷迭香雪糕、接骨木花布丁，味道層次多。呢款甜品更加會配一杯帶青蘋果同小紅莓香氣嘅哥倫比亞咖啡，相當襯。
國立海洋公園 - 全羅南道高興柚子
第二場美食之旅將會帶大家去到全羅南道高興郡，呢款甜品以群島海邊鵝卵石灘為靈感，以黑色米蛋糕、熱情果忌廉、無花果、蛋白霜脆脆同粒粒雪糕構成，配埋用高興柚子&潭陽竹整成嘅無酒精Highball，令人聯想起清新嘅海邊。
慶尚道阿爾卑斯山 - 慶尚北道金泉松茸
成個course最後將會帶大家去慶尚北道，呢款甜品以金泉松茸入菜，加上可可脆片同紅桑梅啫喱，令口感同味道更加豐富。最後配埋帶薄荷同橘皮香嘅柿子葉茶，為今餐畫上一個完美句號。
