💃1MILLION係K-POP界數一數二嘅舞蹈團隊，想學韓國舞蹈、體驗韓國最新最流行文化，嚟呢度就啱啦！

🕺由專業K-POP舞者進行教學，就算係第一次學跳舞嘅你都可以盡情享受！

💃課程其中一個重要環節係會一齊拍舞蹈Challenge影片，仲可以得到1MILLION限定週邊商品，超有紀念價值！

🕺參加人士來自世界各地，大家可以識到一班志同道合嘅朋友，一齊體驗K-POP魅力！

課程介紹✨

「ViBE K-POP舞蹈1日體驗課程」大約為時2個鐘頭，大家可以喺呢段時間盡情享受舞蹈、放低自我，更加有機會同專業舞者+來自世界各地嘅朋友們交流！喺STUDIO入口就已經見到四周圍都係佢哋個logo，亦都有個螢幕一直播住dancer們嘅跳舞影片。

體驗開始之前首先會喺1樓接待處同Cafe集合，之後老師就會嚟同大家會合，解釋今日體驗嘅流程。

一開始會先參觀1MILLION STUDIO，1樓有舞蹈練習室同Photo Zone，老師話SEVENTEEN、ITZY等等嘅人氣IDOL都經常嚟拍片！

參觀完大樓之後，就會返落1樓練習室正式開始學跳舞，一開始會聽住音樂熱身，大家記住要認真熱身之後先唔會咁易整親！

之後就會正式開始學今日嘅舞蹈，老師會慢慢數拍子，亦都會check住係唔係每個人都跟得上，真係好sweet！

練完舞之後就會幫大家分組（大約5-6個人），每組要以頭先學嘅舞蹈為基礎去排走位同加入新嘅舞蹈元素，排一隻好睇嘅舞再拍片！

然後大家就可以喺1MILLION STUDIO入面搵地方拍片同影相，仲有機會同其他參加人士傾偈，成個過程好好玩。

如果大家都想去1MILLION參觀同跳舞，記住要快啲預約「1MILLION ViBE K-POP舞蹈1日體驗課程」，一圓KPOP夢啦！