Liim Brow（江西）

預約注意事項🚨

• 請最少喺2日前完成預約，你亦可以喺60日前進行預約
• 同時段只接受1人預約
• 所需時間：約90分鐘

預約流程📝

1. 撳「快速預訂」開始預約，請確保已選擇正確選項，並詳細輸入所有相關資訊
2. 我哋會喺2個工作天內確認預約，到時候會再次通知你預約到嘅時段
3. 體驗當日請準時到達，向職員出示預約記錄
4. 開始體驗！

評論優惠活動✨

STEP 1.	登入Creatrip網站之後，撳入「我的頁面」，確認預約記錄。 確認體驗完畢之後，撳右下角嘅「填寫評論」。
STEP 2.	評完分之後，請留低你對今次療程嘅評價同感想（需要upload埋相）。
STEP 3.	向職員出示你嘅評論記錄。
STEP 4.	經確認後即送一支唇彩/護唇油（價值約₩20,000）。

基本注意事項

• 請務必準時到達。
• 如遲到15分鐘或以上，預約將自動取消，訂金亦不設退還。
• 只接受體驗3日前取消及申請退款。
• 「Liim Brow」提供24小時網上諮詢服務，你可以透過Instagram DM（@liim.brow）或者KakaoTalk（pf.kakao.com/_sbkxexj）聯絡佢哋。
• 本頁面所標示嘅價錢以韓幣為準，港幣幣值會因應即時匯率而浮動。
• 如需更改預約，或任何疑問，請send email到help@creatrip.com查詢。

半永久紋眉前注意事項

• 效果維持時間
  • 療程效果平均可以維持6個月至1年，顏色會漸漸變淡。
  • 效果維持時間受客人皮膚類型、療程後管理、生活模式等影響，因人而異。
  • 油性、毛孔較大及暗瘡肌膚嘅效果維持時間相對比較短，顏色亦會比較淡。
• 以下人士唔可以進行半永久紋眉：
  • 孕婦、正進行母乳餵哺人士、暗瘡及敏感肌膚、患有皮膚疾病、血友病、高血壓、糖尿病、癌症人士、對金屬敏感人士、正服用阿士匹靈人士等
  • 因為療程過程中將會拉扯到額頭同眼周附近皮膚，如曾進行整型、填充、矯視手術，請先向主治醫生諮詢後進行預約。

療程前注意事項

• 儘量唔好修眉。
• 療程1日前唔可以飲酒。
• 請喺充足睡眠後到訪。
• 店鋪有可能會將你嘅Before&After相上傳至Instagram（會幫你遮住口鼻）。

眉型設計及對稱

• 進行療程前會先進行眉型設計諮詢。
• 設計將會根據客人本身眉型進行。
• 因為每個人兩邊眉骨、肌肉同毛髮量等都唔一樣，所以唔可以做到100%完全對稱。
• 療程師會儘量幫大家畫出對稱嘅眉毛，但如果你對細微誤差比較敏感，唔推薦你選用呢個服務。

療程後修補

• 療程後唔係必須返嚟進行修補。
• 不必要嘅修補可能會令眉毛睇落更加亂。
• 當顏色甩得七七八八，或者變到好淡嘅時候就可以預約。
• 1-2個月內可以預約進行免費修補，過咗2個月之後需要額外俾₩50,000。

半永久紋眉後注意事項

• 療程後大約3-4日開始會甩皮，通常1個星期內（最多10-14日後）就唔會再出現呢個現象。
• 如果專登搣走甩緊嘅皮，最終效果會有參差。
• 甩皮嘅時候顏色變淺係正常現象。
• 療程結束當日請儘量唔好用水洗臉（療程後4-5小時可以用卸妝水同紙巾避開療程部位卸妝）。
• 療程下一日朝早可以正常洗臉，不過唔可以捽療程部位。
• 店鋪會提供藥膏，請由療程結束當日開始連續搽5日（1日2次、早晚洗臉後搽少量）。
• 為防止發炎同影響效果，請最少1個禮拜唔好喺療程部位上化妝。
• 療程後1個禮拜內請唔好飲酒、去汗蒸幕、進行會流汗嘅運動或者去游水。
• 效果根據個人皮膚狀態同療程後管理而有所唔同，可以根據自己眉毛顏色判斷幾時去做修補。
• 療程後唔係必須返嚟進行修補，1-2個月內可以預約進行免費修補，過咗2個月之後需要額外俾₩50,000（需要喺6個月內到訪）。
• 如果你係喺療程6個月後到訪，將會當做係重新再做療程（非修補），價錢上會有差異。
• 請定期根據紋眉後眉型進行修眉。

電眼睫毛前注意事項

• 效果維持時間
  • 療程效果平均可以維持4-6個禮拜。
  • 效果維持時間受眼睫毛粗細、狀態同療程後管理方法等影響，因人而異。
• 以下人士決定進行療程前請三思：
  • 濕疹肌膚、敏感肌膚、對膠紙/膠水/藥水敏感人士（請同療程師講之前有冇做過相同療程，當時有冇出現任何問題等）
  • 整容（眼、鼻、眼部附近部位）後可以喺4-8個星期之後；矯視手術後可以喺3個月之後進行療程。曾經做半永久眼線療程人士可以喺甩完皮1個月後進行療程。、孕婦及正進行母乳餵哺人士請先向主治醫生諮詢後進行預約。

電眼睫毛後注意事項

• 療程後3-4小時可以洗臉。
• 療程當日請唔好用睫毛膏。