💄參加化妝班嘅話可以學到化妝技巧之餘，仲可以試用到啱心水嘅化妝品，非常啱第一次接觸化妝/對化妝有興趣嘅朋友！
💄透過進行韓妝體驗，瞭解韓國最新流行！
💄化妝師會依照客人臉型、膚色同風格幫大家化妝/教大家各種化妝小技巧，令妝容更加自然！
💄化妝師會一步步教你化妝，等大家之後都可以繼續活學活用！
💄除咗有妝髮服務，仲有各種化妝班！
體驗介紹✨
「ROA.MAKEUP」位於弘大入口站徒步6分鐘距離，交通夠方便！
化妝師ROA有成15年化妝經驗，曾經幫過唔少外國明星、KOL等名人提供妝髮服務，而且仲持有各種證書，實力有保證！
Studio裝修以白色為主調，環境夠闊落乾淨！
平時去呢種化妝體驗或者化妝班，通常都係幫你搽少少護膚品或者防曬就算，不過呢度會幫你先敷面膜，咁可以令皮膚更加水潤之餘仲可以降低皮膚溫度，令底妝更加貼服！
畫眼線嘅時候化妝師會問客人平時畫開咩style，之後就會按照客人嘅喜好教大家點可以畫得更加靚更加貼合而家嘅風格！
如果大家平時冇化開妝，一開始可能會覺得好難上手，不過化妝師都會好仔細咁教！
平時睇韓國節目都會見到化妝師用打火機燒熱木棍，然後加熱眼睫毛去固定捲度，今次嚟到呢度終於可以體驗到啦！
撕走面膜、簡單搽完保濕cream同防曬之後就會上底妝！化妝師會幫大家揀最啱膚色嘅粉底，令膚色睇落唔會咁假或者太白/暗沉。
最後用唇筆勾畫唇形，再搽埋唇膏就大功告成啦！好似小編咁平時鍾意搽Overlip唇妝，不過好容易就會畫到好唔自然，今次有化妝師教落，都學到幾個小貼士~
最後化妝師仲幫小編整理咗頭髮！因為化妝嘅時候化妝師會盡量反映客人要求，同時亦都會向客人推薦啱對方嘅化妝方法，所以小編真係好滿意最終成果！
上完堂之後大家仲可以影低覺得好用嘅product或者化妝工具，之後跟住去買~
