🌸根據花期同你想睇嘅花,提供多款行程任君選擇,自由度夠高!
🌷 春天嚟韓國玩一定要睇花,推薦同家人、朋友、另一半一齊參加,留低美好回憶!
🌸提供專車接送,就算比較偏僻嘅景點都可以又安全又舒服咁去到!
主要景點介紹✨
📍全州韓屋村:全韓國最大規模嘅韓屋村,有超過700間韓屋,古色古香,可以話係韓國最有代表性嘅景點之一。大家可以用韓屋同櫻花做背景影返幾輯靚相!
📍顯忠祠:呢度係供奉韓國著名歷史人物李舜臣將軍嘅祠堂,嚟到唔單止可以賞櫻,仲可以學習韓國歷史,深入瞭解呢個國家!
📍完山公園:位於全州市中心,每到春天就會有好多人慕名而來睇櫻花同八重櫻!如果大家喺櫻花開到最靚嘅時候嚟,就會好似行咗入一條櫻花隧道咁,行到最入仲會有一個觀景台,可以俯瞰成個公園,勁靚勁浪漫~
📍覺願寺:覺願寺入面有一座祈求早日南北統一嘅青銅大佛,全高15米,係全韓國最大嘅坐佛!而「覺願寺」亦都非常出名睇櫻花,喺呢度大家可以同時睇到普通櫻花同八重櫻,每逢春天都會有好多情侶或者家庭一齊嚟參觀~
📍全州樹木園:全州樹木園有超多品種嘅植物同花卉,無論係想影相打卡定親親大自然、呼吸新鮮空氣,嚟呢度就最好不過啦!
📍期間限定鮮花慶典:可以同時欣賞八重櫻同百花齊放嘅景象,充分體驗韓國春日魅力!