👍🏻帶你去勻慶州必去景點,體驗慶州呢個歷史城市嘅魅力!
👍🏻慶州景點影相全部都超靚,大家可以喺度盡情打卡影相!
👍🏻推薦大家可以同家人朋友或者另一半一齊參加,留低一個美好回憶!
主要景點介紹✨
📍佛國寺:喺新羅時代建成,沿住山脊向上行仲可以去到石窟庵,睇到超壯觀嘅如來佛像!春天嚟「佛國寺」可以瞓喺草地上面望住櫻花花瓣隨風散落;秋天就可以睇到超靚楓葉!
📍慶州校村(月精橋):統一新羅時代興建而成嘅「月精橋」經過復修之後,成為韓國現存最大規模嘅木橋。春天嘅時候櫻花盛開,加上古色古香嘅「月精橋」同湖入面嘅倒影,真係勁有氣氛!
📍大陵苑:新羅時代嘅皇帝、皇妃同貴族嘅古墳群,亦係慶州最有代表性嘅文化遺蹟之一。春天嚟可以睇櫻花,夏天嚟就可以睇紫薇花,秋天有落葉,冬天更加可以睇到雪景!呢度最出名嘅影相位係位於古墳之間嘅一棵木蘭樹,大家一定唔可以錯過!
📍皇理團路:呢度可以話係慶州最旺嘅地方,建築物全部都比較古典,亦都有好多改良式韓屋,嚟到唔單止可以食到慶州傳統美食,仲可以去勁多靚靚Cafe同紀念品鋪頭買手信!
📍東宮與月池:又被稱為雁鴨池,係新羅太子曾經居住嘅宮殿遺蹟,係韓國最有代表性嘅古代建築物之一,呢度夜晚嘅景色特別壯觀,超有氣氛!