大邱2日1夜Temple Stay寺院寄宿體驗（大邱出發）

| 推薦原因

👍🏻將會拜訪大邱著名景點同寺廟，享受大自然。

👍🏻可以好好整理自己嘅思緒，享受寧靜療癒嘅感覺。

👍🏻適合想要返啲Me time，或者想暫時遠離塵囂嘅朋友。

| 主要景點介紹

漆谷村

[이미지 슬라이더]  

漆谷村係韓國慶州崔氏嘅集居地，大家可以喺呢度睇到大邱歷史最悠久嘅韓屋同石牆，欣賞有超過200年歷史嘅古屋同建築。

不老洞古墳

[이미지 슬라이더]  

不老洞古墳據聞係韓國三國時代嘅時候嘅墳墓，係大邱市內保存得最完整嘅古墳，好多人都會嚟參觀。

清道雲門寺

[이미지 슬라이더]  

清道雲門寺喺560年興建而成，歷史悠久，係韓國新羅時期主要思想之一——「花郎精神」嘅發源地，花郎精神講求嘅係「忠、孝、信、勇、仁」，相信大家嚟到呢度可以對呢個思想，甚至係佛教精神有更深嘅認識同體會！

| Temple Stay寄宿寺院簡介

桐華寺

[이미지 슬라이더]  

根據歷史記載，桐華寺喺832年興建而成。大家可以通過散步、睇書、祈禱、休息、觀賞森林風景等等嘅寄宿體驗活動，舒緩疲勞，令身心都平靜落嚟。

道林寺

[이미지 슬라이더]  

道林寺位於大邱最出名嘅山——「八公山」山腳，好多大邱市民都會喺呢度休憩。嚟到道林寺，喺欣賞壯麗嘅黃昏景色同時，希望大家可以趁機反思自我，尋找到真正嘅自己。

銀海寺

[이미지 슬라이더]  

대구일보, 템플스테이 홈페이지

銀海寺因為好似佛陀菩薩一樣咁宏偉，亦都係一片好似銀色大海咁嘅極樂淨土，而得其名。大家可以嚟到銀海寺，享受大自然嘅同時療癒身心靈，整理思緒。

禪本寺

[이미지 슬라이더]   

템플스테이 홈페이지

就算冇聽過禪本寺，韓國人都會聽過「八公山冠峰石造如來坐像」呢個佛像，而佢就係坐落於禪本寺㗎啦。八公山被譽爲慶尚北道嘅靈山，橫跨慶尚北道幾個郡縣，好多當地人都會去行山散心。大家嚟到禪本寺，可以暫時將自己嘅煩惱放低，無念無想咁度過2日1夜，reset一吓自己。