韓星鍾意嘅4個品牌
韓星私服著開咩品牌？BTS、BLACKPINK都係佢哋嘅粉絲！
Hello，大家好，我哋係由韓國人每日提供最新韓國旅行資訊嘅Creatrip。
唔知大家平時會唔會留意偶像著咩品牌嘅衫？韓國偶像嘅穿搭，無論係舞台上定係私服，都受到好多人嘅注目。大家可能會覺得，偶像著開嘅都係名牌，自己點買得起，但其實有好多價錢親民嘅牌子都好受唔少偶像嘅歡迎！
呢啲比較平民嘅牌子，正正體驗到偶像嘅品味同埋時尚感唔單止局限喺高價位嘅名牌產品，非常適合粉絲跟住偶像入手。
今日就想同大家介紹一下韓國偶像鍾意同埋成日著嘅品牌，下面呢4個牌子都係夠曬時尚又靚，最緊要係價錢合理。
小編仲搵咗啲偶像嘅穿搭相俾大家參考，唔知邊到有得買？小編都會同大家一一介紹！
韓星鍾意嘅4個品牌
1. THISISNEVERTHAT(디스이즈네버댓)
「THISISNEVERTHAT」係以軍服同運動風為基礎，屬於韓國本土嘅時裝品牌，呢個牌子喺2010年上市，舒服又時尚嘅風格非常受韓國人歡迎。
呢個品牌連個名都好獨特，創立THISISNEVERTHAT嘅設計師就喺訪問入面講過，呢個名嘅意思係想第一次諗嘅嘢同結果唔同。亦即係話，一開頭設計件衫嘅靈感到生產咗出嚟，可以同最開頭嘅諗法唔同，而且唔一定係壞事，可以係令件衫成為更好嘅作品。
「THISISNEVERTHAT」呢樣咁獨特嘅諗法就吸引咗BTS柾國、BLACKPINK LISA、EXO伯賢等等風格獨特嘅偶像成為呢個品牌嘅常客。
主要銷售T恤、衛衣、連帽衛衣、針織帽等等舒適寬鬆版型嘅衫嘅THISISNEVERTHAT，其中最受歡迎嘅產品係印住品牌商標嘅一件簡約衛衣，因爲係THISNEVERTHAT嘅代表性設計。
呢個品牌主要都係前面或者後面會有大大個嘅品牌標誌作為點綴，就算正係著件衛衣都夠曬吸睛、唔會顯得風格平凡。
上面嘅幾張相都係想俾大家睇下偶像嘅寬鬆風格穿搭，想要舒服又夠潮嘅款式，小編推薦THISISNEVERTHAT！所以偶像著過THISISNEVERTHAT邊啲嘅衫呢？
BTS嘅柾國就喺《Save ME》 mv入面著咗THISISNEVERTHAT嘅呢款T恤。雖然只係一件平凡嘅T恤，件衫後面有個大logo咁，但係柾國著完就變得更加靚！
BLACKPINK嘅Lisa都好鍾意平時當私服咁著㗎，Lisa著緊嘅就係佢哋個logo喺前面嘅格仔oversize T恤。
EXO伯賢喺Obesession dance practice入面著緊嘅就係THISISNEVERTHAT嘅衛衣。呢件衛衣嘅設計融合咗舒適度同埋運動風，伯賢著得好靚！
伯賢出名係呢個品牌嘅忠實粉絲，喺其他韓國節目都著過佢哋嘅衛衣出演，獨特嘅紋理成為咗件衛衣嘅設計亮點，就算無戴其他飾物都足夠表現出伯賢嘅時尚觸角。
購買地點 - 門市
地址 : 서울 마포구 서교동 368-22 1층 101호
營業時間 : 每日 11:00 - 21:00
2. SCULPTOR(스컬프터)
SCULPTOR係專門賣女性服裝，品牌嘅寓意係打造好似雕刻家一樣細緻、精心設計嘅服裝牌子。每個季度都會有佢哋獨特嘅時尚風格，SCULPTOR都有推出常見嘅T恤同衛衣，不過喺顏色、細節等等方面會營造到同其他品牌嘅差異，有SCULPTOR獨有嘅風格。
YOUTUBE 송이송이
SCULPTOR都係相當受到韓國10代同20代追捧嘅品牌。
SCULPTOR特別係作為“story telling”嘅品牌出名，每一個季度Look Book嘅概念都相當獨特，每一次公開都獲得超高嘅人氣！
SCULPTOR係BLACKPINK、Red Velvet Joy同埋泫雅呢啲出名有時尚觸角嘅女藝人成日都會著嘅品牌。喺韓國對時裝潮流有興趣嘅10代、20代一定唔會冇聽過呢個牌子。
BLACKPINK嘅Jennie就戴咗SCULPTOR嘅豹紋圖案貝雷帽同埋冷杉，再搭配埋一條黑色迷你裙，呢個就係佢喺SOLO mv入面出現嘅穿搭之一。
Jennie特有嘅可愛形象同SCULPTOR真係好襯！平時Jennie都成日著SCULPTOR嘅衫，如果大家鍾意Jennie嘅風格，推薦大家入手SCULPTOR嘅衫！
泫雅都成日著SCULPTOR嘅衛衣，仲會同男朋友DAWN一齊著情侶裝。泫雅著緊嘅FUTRRY FRIENDS系列部分收益仲會捐出去贊助有機苗，可以做善事又可以買靚衫，一舉兩得！
以潮流嘅衣著打扮出名嘅Joy亦都成日著SCULPTOR嘅衫，以端莊又可愛嘅紅色蝴蝶結雪紡衫造成話題，亦都係由SCULPTOR出品，Joy嘅形象同SCULPTOR真係非常符合。
購買地點 - 門市
地址 : 서울 마포구 서교동 368-22 1층 101호
營業時間 : 平日 13:00 - 20:00 / 週末 13:00-21:00
3. 믹스엑스믹스(MIXXMIX)
第三個要介紹嘅受韓國偶像歡迎嘅品牌就係MIXXMIX，呢個牌子唔單止深受10代同20代嘅歡迎，連偶像都係成日著佢哋嘅單品！
MIXXMIX嘅最大特徵就係有好多唔同風格嘅衫，無論係活潑可愛定係性格路線，唔同風格嘅衫都可以喺呢到搵到。
MIXXMIX第二個優點就係價錢好平，上面太妍著緊、睇落去好貴好高級嘅風衣，就係出產自MIXXMIX，售價63,000韓元（大約HKD450）。
唔單止係太妍，MIXXMIX仲係好多其她女idol好鍾意嘅品牌，其中嘅代表者就係IU。喺綜藝《孝利家民宿》入面，IU著緊嘅格仔襯衫都係呢個品牌嘅產品，只係價值30,000韓元（大約HKD210）。
仲有Umji都著緊MIXXMIX嘅珊瑚色襯衫，展現私服嘅品味。如果想用平民嘅價錢買到呢啲可愛嘅衫，小編極度推薦大家睇MIXXMIX！
4. 스파오(SPAO)
SPAO係韓國代表性嘅品牌之一，尤其以快速把握年輕人最近流行嘅元素出名，甚至有人講過如果想知韓國嘅服裝流行，睇SPAO就足夠！身為韓國嘅SPAO品牌，以低廉嘅價格同埋時尚又高質量嘅衫站穩腳步，甚至韓國偶像都會著佢哋嘅衫。
同SPAO有特別緣分嘅人就係少女時代嘅太妍，作為哈利波特嘅粉絲，太妍喺自己Instagram上面上載過著住SPAO推出嘅哈利波特睡衣嘅相！睇落質地真係好柔軟，好想買返件！
唔單止係咁，太妍嘅愛犬Zero仲成為咗SPAO嘅模特兒，推出咗Zero系列嘅產品。用可愛嘅Zero插畫推出嘅產品，喺上市當日已經瞬間售罄！
太妍親自著上身嘅相真係超級可愛！
Seventeen嘅勝寬喺《Boom Boom》mv入面都著咗件SPAO嘅針織衫，清新嘅條紋顏色好適合勝寬！
購買地點 - 門市
SPAO喺韓國大約有70間以上嘅分店，最推薦其中規模最大嘅SPAO COEX店！
地址 : 서울특별시 강남구 삼성1동 봉은사로 524
營業時間 : 평일 13:00 - 20:00 / 주말 13:00-21:00
上面介紹嘅品牌雖然有門市，但而家真係好難可以直接飛去韓國入手，大家可以考慮上網買之後寄返香港。我哋都有提供代購服務，想買上面呢幾個品牌嘅衫可以用我哋嘅服務！
今日就同大家介紹咗4個受韓國偶像歡迎嘅品牌，除咗華麗嘅舞台服裝，偶像私底下都鍾意著設計簡單嘅品牌。
如果大家想同偶像著同款，就千祈唔好錯過啦。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
