Hello，大家好，我哋係由韓國人話你知每日最新資訊嘅Creatrip。
喺韓國食飯嘅時候，成日都唔知點食或者由邊度開始食好？最簡單嘅解決方案就係「偷睇隔離嗰個人」，嗰陣大家就會發現，韓國人嘅飲食風格好獨特！今日小編就帶大家去睇韓國飲食風格。好多人可能已經見過不過冇注意到，就等我哋睇下有啲咩啦！
韓國人獨特飲食風格
1. 鐘意乜都撈埋一齊食
The Art of Seduction
根據大概80％韓國人嘅習慣，如果佢哋係食湯類，就一定會倒啲啲飯落個湯到一齊食，甚至好多撈住一齊食嘅韓國料理都好受歡迎，例如石鍋拌飯，勁肉湯飯等。可能係因為韓國人想減少食飯時間，或者將所有食物撈埋一齊可以改善食物嘅味道。導致韓國人同香港人唔同，香港人就偏向飯同配菜分開食。 （不過都取決於每個人嘅喜好）
韓國人嘅石鍋拌飯好簡單：打開雪櫃，將所有材枓撈埋一齊，然後加調味料，就可以完成一份好食嘅石鍋拌飯。
2. 一定要食飯先會當食咗正餐
「炒年糕同米腸」其實喺韓國人心入面只係零食，大部分韓國人都認爲「要有飯」先叫做正餐，所以如果冇飯就會同零食冇分別，而實際上，淨係食「零食」都會食到好飽。觀察周圍嘅韓國朋友，好多人食拉麵都會配紫菜包飯，因爲就咁食拉麵，就感覺好似淨係食零食咁。
3. 食飯唔可以攞住個碗
記得細細個如果冇攞住個碗食飯就會俾屋企鬧，但係喺韓國就啱啱好相反，食飯嗰時唔可以攞住個碗，要一直放喺張枱度。韓國人認為，攞住個碗食飯係同乞兒冇分別，所以佢哋唔會攞住個碗，而係會用匙羹食飯。另外，韓國大部分都係會用不鏽鋼碗裝飯，個碗都比較重同燙手，所以唔攞住個碗食都係正常嘅！
4. 用手食飯
韓國嘅飲食文化之一就係쌈，佢係用手包住蔬菜同肉類食嘅意思。實際上仍然有好多國家仍然都仲有用手食飯嘅文化。喺韓國，用手食飯唔單止會自己食飯嘅時候用，仲會用手餵其他人食。韓國人認為用手餵會比較親切，通常只會係家庭成員或者親密嘅人先會咁做。
5. 韓國傳統食物好少有肉食
由以前開始，韓國人就習慣食好多飯，因為以前好少肉，所以必須要食好多飯先可以食飽同有足夠嘅力量。因為咗令到韓國料理嘅菜單好要主要原料係大米同麵粉。菜單上嘅肉比較少，例如刀削麵，同只係得雞蛋同蔬菜嘅韓式拌麵等。就個人而言，小編認為會缺乏營養（因為冇肉），但對於韓國人嚟講，係好正常嘅。
唔知大家之前嚟韓國旅行嘅時候，有冇發現呢啲飲食文化呢？如果大家都仲有發現到其他韓國人嘅飲食文化的話，不妨留言話俾小編知㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
